ดี๊ อ เว๊ พองนี่ โพล้ง เยรูซเลง เลาพะ, เลา ดี๊ ทอดูอแซย่ กุ้ แฌ้, ดี๊ โพล้งดึ้ซึ้เท่อพู ลู่ง อ ซ้ะน้า กุ้ แฌ้ ลี้ เก ทอฆ่อง อ แฌ้ ล ไซ, อ นอ โอฆึ ดี๊ ซแล้ อ จูงซีเมะโชะ ดี๊ ซแล้ แม้ เท่อ แบฆ้ะ ดี๊ ท้ะ กุ้ แฌ้, โพล้ง ล โอ ล้างลื๊อ น่าง แฌ้ ล้าแบ, โอก้ะ ที่ โพล้งเฌงพูฆ๊างพู ลู่ง ที๊งล่างค่างพ้า, พี่ อ ซยาง อ น้ะ ทึ ลแพ นอ ล้อ
ม้ะทู 1:12
20 교차 참조
โอก้ะ ลู่ง ไค๊ ลู่ง ซ๊า ชี๊ง เนว๊ เนง ล เนง พ้า, พี่ เยโฮยาคี กจุ้แฆว้ ค่าง ยูดา, แบ ทโฌ๊ไจไฆวะ-อ้ะ ลู่ง แล้ ล ชี๊ง คี๊ง เบง พ้า, ลู่ง มื่ง นี้ง คี๊ง ชี๊ง เนว๊ ล แล้ แย๊ นอ, ล เนง แย๊ พี่ เอวีเมโรดา กจุ้แฆว้ ค่าง บาบีโลง เกทาง กจุ้แฆว้ นอ, อ เว๊ เกม๊า เยโฮยาคี กจุ้แฆว้ ค่าง ยูดา นอ ไจทางไฆวะ พ้อง พ้า
กแช่ยาเว โล้ เว๊ บี่อี้ง ล้อ เกม๊า กวิ้ล้าง เท่อ บี่อี้ง, กแคว๊ ล แฌ้ อี้ง อ พู ล โอ แบ เก กแคว๊ พี่ ล โอ ดี๊ ท เกทางเกโท๊ แบ, ลู่ง อ ท โอม๊า พ้า เพล้า อ ชู้ เมะเว๊ ลู่ง อชื้อชะ พ้า นอ, โพล้ง พี่ ม เกทางเกโท๊ ดี๊ นี่ ชี๊น้าง ดาเว อ ล่าง ชี๊น้าง คู ดี๊ โพะคอง เท่อ ลู่ง ยูดา พ้า ได้ะ นอ, ล โอ น่างแฌ้ ล้า แบ”
ฌ้อง เชอางทีเอง อ พู เซรุ้บาเบง, ดี๊ เยโฮซาดะ อ พู โยชูวา โพล้งลื่งเท่ออคูดูทึ, ล พ๊าฆ่าง ดี๊ โพล้ง เฌงพูฆ๊างพู เลาพะ, พี่ โอ ล้างลื๊อ ก้ะ นอ, ชู่ง กแช่ยาเว อ ซื๊งเว๊ อ กแช่แยว้ อลู่งอแท๊, ดี๊ ชู่ง ฮะไก โมไคล้คิ้กแช่แยว้ อ ทไคล้, เมะเว๊ กแช่ยาเว อ ซื๊งเว๊ ซีง ลแพ อ กแช่แยว้ นอ, เจ่ทาง-อ้ะ เฌ๊ ล้อ, ดี๊ โพล้งเฌงพูฆ๊างพู นอ, ดู้งแบยางแบ เท่อ ลู่ง กแช่ยาเว อ เมะแซ พ้า
ดี๊ กแช่ยาเว บุ้แบ เชอางทีเอง อ พู เซรุ้บาเบง, ทอดูยู่แคว่เว่ง ลู่ง ยูดา นอ อ ซ้ะ, ดี๊ บุ้แบ เยโฮซาดะ โพล้งลื่งเท่ออคูดูทึ อ พู โยชูวา นอ อ ซ้ะ, ดี๊ บุ้แบ โพล้ง เฌงพูฆ๊างพู กุ้แฌ้, พี่ โอ ล้างลื๊อ ก้ะ นอ อ ซ้ะ, อ ซื๊งเว๊ ลแพ นอ, เฌ๊ ดี๊ ไต้ทาง กแช่ยาเว ซึ้คู ดูทึชองทึ, พี่ เก อ ซื๊งเว๊ ซีง ลแพ อ กแช่แยว้ นอ อ ล่างโอ
광고