ม้ะทู 1:11 - Northern Pwo Karen Thai Bible

¹¹ โยซียา เก เยโคนียา ดี๊ อ พื่ง แคว๊ ซีง อ แพ่, ล ว๊าง แย๊ พี่ โพล้ง อีซลาเอง แบ ลี้ เก โพล้ง บาบีโลง อ ฆ่อง

ม้ะทู 1:11 교차 참조

2​กจุ้แฆว้ 23:31

พี่ เยโฮอาฮ้ะ เก กจุ้แฆว้ นอ อ โญะ โอ คี๊ง ชี๊ง ซ๊า เนง, ดี๊ อ เว๊ โพะคอง เท่อ ลู่ง เว่ง เยรูซเลง พ้า ชิ้ทาง ซ๊า แล้, อ มู่ นอ อ เม้ง ฮามูทาง, เก เยเรมี โพล้ง ลิ้นา อ พูมืง

2​กจุ้แฆว้ 24:14

ดี๊ อ เว๊ พองนี่ โพล้ง เยรูซเลง เลาพะ, เลา ดี๊ ทอดูอแซย่ กุ้ แฌ้, ดี๊ โพล้งดึ้ซึ้เท่อพู ลู่ง อ ซ้ะน้า กุ้ แฌ้ ลี้ เก ทอฆ่อง อ แฌ้ ล ไซ, อ นอ โอฆึ ดี๊ ซแล้ อ จูงซีเมะโชะ ดี๊ ซแล้ แม้ เท่อ แบฆ้ะ ดี๊ ท้ะ กุ้ แฌ้, โพล้ง ล โอ ล้างลื๊อ น่าง แฌ้ ล้าแบ, โอก้ะ ที่ โพล้งเฌงพูฆ๊างพู ลู่ง ที๊งล่างค่างพ้า, พี่ อ ซยาง อ น้ะ ทึ ลแพ นอ ล้อ

2​กจุ้แฆว้ 25:11

ดี๊ โพล้งเฌงพูฆ๊างพู พี่ อ ล้างลื๊อก้ะ, พี่ อ โอ เว่ง พ้า ดี๊ โพล้ง นอ ไจคุ้ซูงไฆวะ, เมะเว๊ ไจคุ้ซูง ลี้ฌูง กจุ้แฆว้ ค่าง บาบีโลง, เลา ดี๊ โพล้ง พี่ อ ล้างลื๊อ ก้ะ นอ, เนบูซาราดาง ซึ้คู ยู่แคว่ ทะ กจุ้แฆว้ นอ, พองนี่ เว๊ ลี้ เก ทอฆ่อง

2ทกวิ้ไน 36:10

ท่อง อ ท้อง ทคู่ แค๊ นอ, กจุ้แฆว้ เนบูคาเนซา เจ่ทาง โพล้ง เกม๊า เฌ๊ฌ้า เยโฮยาคี ลู่ง บาบีโลง พ้า เฌ๊ โชะ ดี๊ กแช่ยาเวอล่างโอ อ ทฆ้าทโฆ่ พี่ อ ลื่งดูฆวี้แค้ นอ, ดี๊ ต๊างทาง อ ตแคว๊ เก กจุ้แฆว้ โพะคอง ยูดา ดี๊ เว่ง เยรูซเลง

2ทกวิ้ไน 36:20

ดี๊ โพล้ง พี่ อ พ้องพลิ้ไฆวะ ดี๊ น้ะ นอ, กจุ้แฆว้ กึ้ซยอง เว๊ เกม๊า ลี้ ลู่ง บาบีโลง พ้า, อ ซื๊งเว๊ซีง เก ทอฆ่อง แม้ เอะ เว๊ อ เท่อ, ดี๊ แม้ เอะ กเย่ กจุ้แฆว้ อ พู อ ลี้ง ลแพ นอ เท่อ, ท้อง ลู่ง เปอแซย อ มื่ง อ บ้าง อดู้งอยาง ดูทาง อ แค๊ นอ ล้อ

อีซยา 13:1

ทไคล้ พี่ อ ชอง แบฆ้ะ ดี๊ บาบีโลง บี่ซุ้ดี๊ อามอ อ พูแคว๊ อีซยา แด แบ เว๊

เยเรมี 27:20

พี่ บาบีโลง อ กจุ้แฆว้ เนบูคาเนซา, ล นี่ ลู่ นี่ ก้ะ เว๊ แบ, พี่ อ เว๊ พองนี่ ยูดา อ กจุ้แฆว้ เยโฮยาคีง อ พูแคว๊ เยโคนียา ลู่ง เว่ง เยรูซเลง, ลี้ เก ท อ ฆ่อง ลู่ง เว่ง บาบีโลง, ล พ๊า ฆ่าง ดี๊ เยรูซเลง อ กดูกแซย่ อเม้งอแซย่ ลแพ นอ

เยเรมี 39:9

ฌ้อง เนบูซาราดาง ซึ้คู ยู่แคว่ทะ กจุ้แฆว้ นอ, พองนี่ โพล้ง เฌงพูฆ๊างพู พี่ โอ ล้างลื๊อ ก้ะ ลู่ง เว่ง พ้า เก ท อ ฆ่อง, ลี้ฌ้า เว๊ ลู่ง บาบีโลง, เลา ดี๊ โพล้ง พี่ อ เฌ๊ฌูง คุ้ซูง-อ้ะ, ดี๊ โพล้ง เฌงพูฆ๊างพู พี่ โอ ล้างลื๊อ ก้ะ นอ

ดานีเอง 1:2

ดี๊ ทอดูทึโท๊ทึกแช่, อางกีล้าง ยูดา อ กจุ้แฆว้ เยโฮยาคีง ลู่ง เนบูคาเนซา อ จูง พ้า, ล พ๊าฆ่าง ดี๊ เด้กแช่แยว้อล่างโอ อ ทพ้าทล่าง แบ ล เม้งๆ, ดี๊ อ เว๊ แม้นี่ ทพ้าทล่าง ลแพ นอ, เฌ๊โชะ เว๊ ลู่ง ค่าง ชิ้นา, เฌ๊ ลู่ง น ท กโช้งกแช่ อ ล่างโอ, ดี๊ ชวี๊งล้าง ทพ้าทล่าง ลแพ นอ ลู่ง อ กแช่แยว้ อ ทล่างอางกีซยองเท่อ อ พ้า

ม้ะทู 1:12

ท๊อง ท อ แค๊ พี่ โพล้ง อีซลาเอง แบ ลี้ เก โพล้ง บาบีโลง อ ฆ่อง นอ, โพล้ง ล แพ นอ อ เม้ง โอ บี่ อี้ง, เยโคนียา เก เชอางทีเอง อ แพ่, เชอางทีเอง เก เซรุ้บาเบง อ แพ่

ม้ะทู 1:17

อ นอ ดว้ะ ท๊อง อาบราฮาง, ท้อง ลู่ง กจุ้แฆว้ ดาเว โอ ล ชี๊ง ลี่ง ชู้, ดี๊ ดว้ะ ท๊อง กจุ้แฆว้ ดาเว ลี้ ท้อง ลู่ง ท อ แค๊, พี่ แบ ลี้ เก โพล้ง บาบีโลง อ ฆ่อง โอ ล ชี๊ง ลี่ง ชู้, ดี๊ ดว้ะ ท๊อง ล พ๊า แย๊ นอ, ท้อง ลู่ง กแช่ เยซู คริ้ กึ ทาง นอ, โอ เว๊ ล ชี๊ง ลี่ง ชู้ เด้าะ นอ ล้อ