10 ซีโมง อ ฌุ้พาง พี่ อ อางฆื๊ง ซกุ้ แยพู ดี๊-อ้ะ, อ เม้ง ยาเก้า ดี๊ โยฮาง พี่ อ เก เซเบดี อ พูแคว๊, ล้ะ เซิง ล้ะ ซ้ะ ปะ, กแช่ เยซู โล้ เอะ ซีโมง ไจ้ะ เว๊, “ซ้ะเม เท่อ ล ฌี้, ท่อง อี้ง ชู่ง แย๊ น ม พองนี่ ก้ะ โพล้ง”
กแช่ แยว้ อ มื่ง อ บ้าง แม้ อ ซ้ะ บี่ ซุ้ ดี๊ ซยะ, พี่ โพล้ง ไควะ ล้าง เว๊ ลู่ง ที๊ง แกล้, แบ แยพู ตบลึ้ เม้ง ฆวี้ ทะ อ ซยะ พ้า
ล ทีง ฆ่าง นอ กแช่ เยซู ไคล้ ดี๊-อ้ะ ไจ้ะ เว๊, “ซ้ะเม เท่อ ล ฌี้, แย้ ล้อ, เกม๊า น เซิง ฆวี๊ง ซ้ะ ฆวี๊ง ทาง แด เทา”
เซเบดี อ แม๊ เฌ๊ ฌ้า อ พูแคว๊ คี๊ง แฌ้ ลู่ง กแช่ เยซู อ โอ, ไคล้ะ ล้าง อ คาง ลู่ง กแช่ เยซู อ เมะแซ พ้า, อางท่าง เว๊ อ เท่อ ล เม้ง
กแช่ เยซู กุ้ นี่ อซื๊งเว๊ แด ไจ้ะ เว๊, “เฌ๊ โพะ ก้ะ จ ไค๊ แด เทา, จ ม เกม๊า น ซื๊ง อางฆื๊ง นี่ โพล้ง, บี่ ซุ้ อางฆื๊ง แยพู นอ ล้อ”
กแช่ เยซู ลี้ พ้อง ไฆวะ พี่ นอ, ฌ้อง แด ด๊างพื่งวี่ คี๊ง แฌ้ เด้าะ อ เม้ง ยาเก้า ดี๊ โยฮาง, พี่ อ เก เซเบดี อ พูแคว๊, ช้ะ ฌี้ ไท้ อ ซยะ ลู่ง คลี๊ง พ้า ดี๊ อ แพ่, กแช่ เยซู กุ้ นี่ อซื๊งเว๊ซีง คี๊ง แฌ้
กแช่ เยซู กุ้ นี่ โพล้ง คี๊ง แฌ้ นอ ไจ้ะ เว๊, “เฌ๊ โพะ ก้ะ จ ไค๊ แด เทา, จ ม เกม๊า น ซื๊ง อางฆื๊ง นี่ โพล้ง, บี่ ซุ้ อางฆื๊ง แยพู นอ ล้อ”
อซื๊งเว๊ แว่ อ จูง กุ้ อ ฌุ้พาง ลู่ง อ โอ คลี๊ง อ แฌ้แพ ล บ้อง เฌ๊ แม้ช้า-อ้ะ, เฌ๊ เว๊ ฌ้อง ชวี๊ง ล้าง แยพู ฆวี้ คลี๊ง คี๊ง บ้อง, อ คลี๊ง เบ้า ม ล้าง จูง เย้า
ซีโมง ดี๊ โพล้ง อ แฌ้แพ, พี่ อ โอ ดี๊-อ้ะ ล แพ นอ, ล้ะ เซิง ล้ะ ซ้ะ น้ะ มะ พี่ อ นี่ แยพู แอ บี่ นอ
ซีโมง พี่ อ กุ้ ก้ะ เว๊ เปโต, ดี๊ อ พื่ง แคว๊ อางดรู, ยาเก้า ดี๊ โยฮาง, ฟีลิ้ ดี๊ บาโทโลมยู
ซีโมง เปโต, ดี๊ โทม้ะ พี่ อ โอ ไฆะ ล แฌ้ นอ, ดี๊ นาทานาเอง พี่ อ โอ เฌง คานา ลู่ง กาเลลี้ อ ค่าง พ้า เฌ๊ ล แฌ้ นอ, ดี๊ เซเบดี อ พูแคว๊ คี๊ง แฌ้, ดี๊ กแช่ เยซู อ พู อ ลี้ง อ แฌ้แพ คี๊ง แฌ้, โอ ซยอง ล มู๊ง ฆ่าง
อซื๊งเว๊ กุ้ อ แฌ้ โอ ล๊า โอ ฆวี้ ดี๊ วีง ฌี้ แล้ แอว้ ล้อ, ต้ะ, ล แฌ้ๆ, ไคล้ทาง ท คว่าง ล เม้งๆ, ท๊อง วีง ฌี้ แล้ แอว้ ดึ้ เกม๊า อ ไคล้ เท่อ นอ ล้อ
เมะ ทีโต นอ เก โพล้ง แม้ ซกุ้ เท่อ ดี๊ แย้, ดี๊ เก โพล้ง แม้ช้า แย้ พี่ จ แม้ เท่อ ลู่ง น ซื๊ง ฌ่าง, เมะ ด๊างพื่งวี่ คี๊ง แฌ้ พี่ อ ลี้ ดี๊-อ้ะ นอ เก โพล้ง แม้ คิ้ เอะ โพล้ง ทื๊ง ซยอง เท่อ ล จองๆ, อ เท่อ, เก ท แม้ ฆี๊ง แม้ แล้ กแช่ เยซู คริ้
อซื๊งเว๊ ม นาง ล้าง ไท้ อ ซ้ะ, ฌ้อง พ้องพลิ้ ไฆวะ ดี๊ ม้างโค้ไล่ อ จูง, พี่ อ พองทะ-อ้ะ เกม๊า อ แม้ เอะ อ เท่อ
