16 แบ เด้าะ ท โอ ล เม้ง ล เกม๊า อซื๊งเว๊ซีงแฌ๊-อ้ะ แบ
โยซิ้ นาง อ โจ้ ลแพ นอ ได้ะ, แบเด้าะ อ โจ้ ลแพ นอ, ล นาง-อ้ะ ล้า แบ
ลู่ง ไค๊ นอ กแช่ เยซู อ พู อ ลี้ง คี๊ง แฌ้, ไจ ทาง ลี้ ลู่ง เว่ง โคล๊ง ไวะ, กแช่ เยซู เนโพล ทาง อ ซ้ะ ดี๊-อ้ะ ลู่ง อ เค่ง อ ฌ้าง ล เม้ง แด เด้าะ
พี่ อ ก้างแก้ เท่อ นอ กแช่ เยซู เฌ๊ ฆ้าง เบ้า-อ้ะ, ลี้ ดี๊ อซื๊งเว๊ คี๊ง แฌ้ นอ
กแช่ เยซู ไคล้ ดี๊-อ้ะ บี่ อี้ง, “พี่ น ซื๊ง ไจ ลู่ง เกล้ อี้ง น ก้างแก้ ท เม้ง เล้ อ ไฌ่” อซื๊งเว๊ โอ โท๊, อ เมะ มอง แน๊ อึ้
ล ทีง ฆ่าง นอ, อซื๊งเว๊ซีงแฌ๊ เว๊ เก กแช่ เยซู, แบ เด้าะ อ เท่อ ล้างแม่ ไฆวะ แด-อ้ะ ไวะ
ท่อง อ ช๊าง น่าง มารียา แกย ไท้ อ ซ้ะ, ต้ะ, แด แบ กแช่ เยซู ชี๊เทิง พี่ นอ ล้อ, แบเด้าะ พี่ อ เก กแช่ เยซู นอ อ เว๊ ล ซีงแฌ๊ เว๊ แบ
เมาะ ท พ้าง ทาง ปี๊ๆ, นอ, กแช่ เยซู ชี๊เทิง ลู่ง ที๊ง พ้าไท้ะ, แบเด้าะ อซื๊งเว๊ ล ซีงแฌ๊-อ้ะ แบ พี่ อ เก กแช่ เยซู นอ
