14 อซื๊งเว๊ ก้างแก้ โละ อ ซ้ะ, แบฆ้ะ ดี๊ เท่อ พี่ อ เก ทาง กุ้ อ เม้ง นอ
“อไฌ่บี่อี้ง, เฆ้อ เมะเว๊ กแช่ยาเว, ล เปลงซ้ะ แบ, โอ้ ยาคุ้ อ พู-เอ้อ, น ซื๊ง ซีง ลแพ ล แบ ทแม้ เฌ๊ฌ้อง เลาพะ แบ
ล นี้ง แย๊ นอ กแช่ เยซู อ พู อ ลี้ง คี๊ง แฌ้, ม ลี้ ลู่ง เฌง เองมาอุ้ ไย้ โละ อ ซ้ะ ดี๊ เว่ง เยรูซเลง ชี๊ง ล กีโล
พี่ อ ก้างแก้ เท่อ นอ กแช่ เยซู เฌ๊ ฆ้าง เบ้า-อ้ะ, ลี้ ดี๊ อซื๊งเว๊ คี๊ง แฌ้ นอ
โพล้ง ฌี้ นอ เนโพล ทาง ท อ ฌี้, พี่ อ อางกี ซยอง เว๊ ลู่ง อ ซ้ะ พ้า, โพล้ง อ้า นอ เนโพล ทาง ท อ้า พี่ อ อางกี ซยอง เว๊ ลู่ง อ ซ้ะ พ้า, เมะ เว๊ โพล้ง ไคล้ เท่อ พี่ อ โอ ฆวี้ ทะ ลู่ง อ ซ้ะ พ้า ไจ ทาง นอ ล้อ
ดี๊ ทไคล้ ลแพ อี้ง นอ, เกม๊า นซองนซ๊าง เอะ น พู น ลี้ง, ดี๊ เกม๊า น ไคล้ แบฆ้ะ ดี๊ ทไคล้ ลแพ นอ, พี่ น โอ ลู่ง เด้า พ้า ฌี้, น ไจ ลู่ง เกล้ ฌี้, น มี๊งน้าง ฌี้, น ชี๊เทิง ฌี้ นอ ล้อ
