18 คี๊ง แฌ้ ล แฌ้ โล้ เอะ เว๊, ‘กแช่-เอ้อ, น จี้ ล แทะ นอ จ นี่ ก้ะ อ ทาง เย่ แทะ’
เมะ ท คลี๊ง พี่ อ ล้าง แบ ฌางคู ฌี้ นอ, เมะ เว๊ โพล้ง พี่ อ แน่ฌ๊า แบ กแช่ แยว้ อ ลู่ง อ แท๊, ดี๊ นึ อ ซ้ะ พ้า, โพล้ง ล แฌ้ นอ แซ ทาง แอ นี่ อ ล่าง ล แย้, แบ ล แฌ้ๆ, ฆู๊ง ชี๊ง, แบ ล แฌ้ๆ, ซ๊า ชี๊ง”
ฌ้อง อ เพล่ พี่ อ โชะ จี้ คี๊ง แทะ ล แฌ้ นอ, เฌ๊ ฆ้าง ไจ้ะ เว๊ แด, ‘กแช่-เอ้อ, น เกล๊าง แย้ คี๊ง แทะ นอ น แคว่ แฆว่ อี้ง จ นี่ แบ ไท้ คี๊ง แทะ เด้าะ’
โพล้ง ลู่ง อ แบ ด้อง ท คลี๊ง พี่ อ ล้าง แบ ฌางคู ฌี้ นอ, แม้ อ ซ้ะ บี่ อี้ง, ท่อง อ แน่ฌ๊า แบ กแช่ แยว้ อ ลู่ง อ แท๊ นอ ดุ้ อ แน่ ฌี้ มะ, เก ทาง ท ฌี้, แบ ล แฌ้ๆ, แซ ทาง แอ นี่ อ ล่าง ซ๊า ชี๊ง, แบ ล แฌ้ๆ, ฆู๊ง ชี๊ง, แบ ล แฌ้ๆ, ล แย้ ล้อ”
อ เว๊ กุ้ นี่ อ เพล่ อ บาง อ แฌ้ ล ชี๊ง ฌ้อง เกม๊า เว๊ อ จี้ แฌ้ แทะ แฌ้ แทะ อางแม้เลา เว๊ บี่ อี้ง, ‘ลี้ แม้เละ แม้แค้ นอ ท้อง ลู่ง จ ม เฌ๊ ไท้’
อ กแช่ โล้ เอะ-อ้ะ, ‘ฌี้ เย้า, น เก เพล่ ลู่ง อ ฌี้, น โต้ น ล้อง ดี๊ ท ล ปี๊ ล คี่, ท บี่ นอ จ ม เกม๊า น ยู่แคว่ เว่ง อ เว่ง ล ชี๊ง’
อ เว๊ โล้ เอะ เว๊, ‘จ ม เกม๊า น ยู่แคว่ เว่ง เย่ เว่ง’
น ซื๊ง เมะ แบ ซ้ะ เกล๊าง เท่อ นอ, กแช่ แยว้ ม ฮะ นี่ เว๊ ท๊อง ล แฌ้ๆ, อ เท่อ โอ นอ, เมะ ล โอ แบ นอ กแช่ แยว้ ล ไจ้ะ-อ้ะ แบ
