7 ฌ้อง อางจ้ะ ก้ะ เว๊ ล แฌ้ เด้าะ, ‘นี๊ บ่อ, น โอ แม่ ชี่ แอ เล้’, อ เท่อ ไคล้ ช๊า-อ้ะ, ‘จ โอ แม่ ดี๊-อ้ะ บืง อ ไปะ ล ม๊า’, โพล้ง ยู่แคว่ เท่อ ล แฌ้ นอ โล้ เอะ-อ้ะ, ‘อี้ง น ไละ กวิ้ไน เท่อ, กวิ้ ก้ะ-อ้ะ อ ไปะ โฆะ แย้’
แบ เด้าะ ท อ เพล่ ล แฌ้ นอ, ไจ ทาง ไฆวะ พี่ นอ ฌ้อง โต้งนอง อ ฌุ้พาง ล แฌ้, เก ท อ เพล่ ซกุ้ ดี๊-อ้ะ ปะ, อ เท่อ โอแม่ ดี๊-อ้ะ แซย้ โคะ ล้อ, พองนี่ โพล้ง ล แฌ้ นอ ไบ้ะ เว๊ อ โคะบ้อง ไจ้ะ เว๊, ‘ลุ้ ไท้ น แม่ ดี๊ แย้’
อ เท่อ ไคล้ ช้า-อ้ะ, ‘จ โอ แม่ ดี๊-อ้ะ ตซู อ ไปะ ล แย้’, โพล้ง ยู่แคว่ เท่อ ล แฌ้ นอ โล้ เอะ-อ้ะ, ‘อี้ง น ไละ กวิ้ไน เท่อ, ชี๊น้าง เซ้อ, กวิ้ ก้ะ-อ้ะ อ ไปะ เย่ ชี๊ง’
โพล้ง ยู่แคว่ เท่อ ล โต้ ล ล้อง แบ ล แฌ้ นอ, อ เซงคู อางปฆ้า-อ้ะ, พี่ อ เว๊ แม้ เท่อ ลู่ง อ ไพ่ อ แซย๊, อ ไฌ่ บี่ อี้ง, โพล้ง ฌางคู โคล๊ง คู โย้ ลู่ง อ แม้ ซกุ้ ไพ้ะ ซกุ้ เท่อ นอ, แม้ อ ซ้ะ แซย๊ นี่ โพล้ง พี่ อ โอ ท พ้าง พ้า”
ฌ้อง โอ เม๊ ก้ะ เว๊, ค๊องเนง อี้ง อ โญะ นี่ โฆะ ชี๊ง ลี่ง เนง เย้า, อ เว๊ ล ไจ แด ไฆวะ เว่งฮ๊าง พ้า แบ เฆาะ, โอ โบง ทาง แบ้ ทาง กแช่ แยว้, โก้ง อาง มี้ ดี๊ ชูแพ เท่อ เลา มแน้ เลา มแช๊
ฌ้อง โซ๊ง อ กแช่ เกม๊า อ เพล่ ลี้ ซ๊า แฌ้ ล แฌ้ เด้าะ, โพล้ง แม้แพ โซ๊ง นอ แม้ เจ้า แม้ แช๊ เว๊ ดี๊ ไควะ ทาง เว๊ ลู่ง ค๊อง โค๊
กแช่ เยซู อางด้อง ล้าง เอะ โพล้งเฌงพูฆ๊างพู อ เท่อ บี่ อี้ง, “โพล้ง แคว๊ โอ ล แฌ้ พิ้ นี่ โซ๊ง, เซิง ล้าง ซไบ้ะ มื่ง ลู่ง อ โซ๊ง พ้า ฌ้อง เกม๊า โพล้ง แม้แพ อ โซ๊ง, ท่อง อ ช๊าง นอ อ เว๊ ลี้ ลู่ง ที๊ง ไย้ ค่าง ไย้ ไยะ มะ
