23 ฌ้อง ลี้ แม้ นี่ งู้ พู ลู่ง อ บอง ทึ ล ดื้ง นอ แม้ ซี๊ง อาง-อ้ะ, เกม๊า ก ลื่ง อาง ลื่ง โอ้ โละ ซ้ะ
ฌ้อง อาบราฮาง ลี้ ซยู๊ ฆ้าง ลู่ง ทพูแฆ่ น๊างมู๊ง พ้า, แม้นี่ งู้ พู บาง โฆะ ได้ะ ดี๊ อ ฌี้ ล ดื้ง, เกม๊า เว๊ อ เพล่ ปชื่ง แม้ เก ทอาง
จเซิงจซ้ะ ม บลิ้อางบลิ้โอ้, ด้องซุ้นี่ อาง ทอางทโอ้, ลู่ง อ ฌี้ทึ ดี๊ จ นุ้ ม อางปฆ้าทาง กแช่แยว้, ดี๊ นุ้เฌะ พี่ โอ ดี๊ ทเซิงฆวี๊งซ้ะโย้
อาง ทดุ้ทแล เก ทอาง ลู่ง ทล่าง พ้า, พี่ โอ ดี๊ ทเอทกวี้ง นอ ฌี้เละ อาง งู้ บองอืง อ แย, พี่ โอ ดี๊ ท แช๊เมะไฌ๊ซ้ะ ปะ นอ ได้ะ
อ เว๊ นี่ แม้ซี๊ง อ ทพูแฆ่, นี่ แพ๊ซยอง อ ไซ้ะ ซไบ้ะแซ ที๊ง นี่ แด้เว้ อ คะ เย้า ปะ
ทลู่ง คู อี้ง นอ, กแช่ยาเว ซึ้คู ดูทึชองทึ ม ลื่งอาง โพล้ง กุ้ชื้อกุ้ชะ เมะเว๊ ทลื่งอาง ดี๊ ท พี่ อบองอซู, ดี๊ ไซ้ะ ซไบ้ะแซ ที๊ง พี่ อ ล้างด้ะ เย้า ดี๊ ท อบองอซู พี่ อ ฆีง พ้า โอ ดี๊ อซูอไย้, ดี๊ ไซ้ะ ซไบ้ะแซ ที๊ง ล้างด้ะ พี่ คะจ้าง เย้า
แบ เด้าะ อ แพ่ อางแม้เลา อ เพล่ บี่ อี้ง, ‘ลี้ เมะ เพล, แม้ นี่ ไช๊แค่ พ้ะโท๊ ลู่ง อ ฌี้ ทึ ล เบง ดึ้ ซุ้ ทาง เอะ-อ้ะ, แม้ นี่ จูงไซ้ะ ดึ้ ซุ้ ทาง-อ้ะ ลู่ง อ จูง ล้อง, ดี๊ แม้ นี่ คางไพ้ะ ดึ้ ไย่ ทาง-อ้ะ
อ ไฌ่ บี่ อี้ง, จ พูแคว๊ ล แฌ้ โย้ ซี๊ง เย้า ม๊า ทาง ไท้ เด้าะ, ล้างแม่ พลุ้ เย้า แด ไท้ เด้าะ’, ฌ้อง อซื๊งเว๊ซีง ลื่ง อาง ลื่ง โอ้ โละ ซ้ะ, โอ ดี๊ ท ซ้ะอวีง ซ้ะโทะ มึ มะ ล้อ
กมืง นอ อ งู้ พู บองอืง ลู่ง อ เด้า นอ โอ ล ดื้ง, อ เว๊ ปชื่ง แม้ซี๊ง เว๊, ดี๊ แม้นี่ ฌื๊งไน้ะ ชี่งไพะ เว๊, ดี๊ อางแก เว๊ แม้ กู ล แบ ดี๊ อ ซีง แบ
