30 ไจ้ะ เว๊, ‘อ เว๊ ล แฌ้ อี้ง เคิง ล้าง โปล้ เว๊ อ เด้า เทิง ล้อ, แม้ เว๊ ท้อง อ ฌ้อง ล ซี แบ’
ท เฌ๊ช้า ล้าง, ที๊ง ดู ล้าง, ท แม้ อ้า พ้ะดู อ ซ้ะ แบ เด้า, เด้า นอ ล้างฆ่อง เลา ปะ, เท่อ พี่ อ ล้างฆ่อง นอ ร้ะ มะ ล้อ”
อ จี้ เมะ ล กู้ง แบ ม แม้ อ เด้า ท้อง อ ฌ้อง ล ซี แบ, เคิง ล้าง เว๊ ที่ อ เทิง ล้อ, กเย่ โพล้ง พี่ อ แด แบ เว๊ นอ ม นี่ง แบ ดึ้เดว-อ้ะ
กจุ้แฆว้ ล แฌ้ เมะ ม ลี้ ดึ้ โละ ซ้ะ ดี๊ กจุ้แฆว้ ล แฌ้ แด เด้าะ, แบ ชี๊น้าง ช๊องมอง ดุ้ เว๊ ท้อง อ ฌ้อง แบๆ, อ ซึ้พู อ แฌ้ ล ไซ ม ดึ้ โละ ซ้ะ ดี๊ ซึ้พู อ แฌ้ คี๊ง ไซ ซี ชี่-อ้า
โพล้ง พี่ อ แบ กแช่ แยว้ อ ซ้ะ นอ, ม โอ ม๊า ดี๊ อ ท ชู่ง ท นะ ล้อ แบเด้าะ อ เว๊ เมะ แกย ไฆวะ อ ซ้ะ ดี๊ แย้ นอ จ ล เฆว๊ ซ้ะ ดี๊ โพล้ง ล แฌ้ นอ ล้า แบ”
ก แบ ซ้ะ เกม๊า น ซื๊ง กุ้ อ แฌ้, เฌา อางกี ล้าง ซ้ะ เมาน่าง ท้อง อ ทึ บี่ นอ ปะ ล้อ, บี่ ซุ้ เท่อ พี่ น มื้งแล่-อ้ะ นอ, ม เก ทาง อ ซ้ะ เต้ๆ
ปโล่ ล้าง น ซื๊ง ซ้ะ เมะ ฌี้ ไช้ะ, บี่ ซุ้ เท่อ พี่ ก แม้-อ้ะ เย้า นอ, ล ล้างแม่ แด น ซื๊ง แบ, แบเด้าะ น ม นี่ แบ ท อ บลึ้ อ บลาง ล๊าๆ, ฆวี้ๆ, ล โค๊ ล้อ
