ลูกา 12:48 - Northern Pwo Karen Thai Bible

⁴⁸ แบ เด้าะ เพล่ พี่ ล ซีงแฌ๊ อ กแช่ อ ซ้ะ แบ, ดี๊ แม้ เท่อ ลู่ง อ เกิ้ง แบ พลี-อ้ะ นอ, อ เว๊ ม แบ ท พลี-อ้ะ ท่าง-อ้ะ แซย้ โคะ ล้อ, โพล้ง พี่ อ นี่ แบ เท่อ แอ นอ, ม แบ ท แม้ นี่ ไท้ อ เท่อ แอ ล้อ, โพล้ง พี่ อ แบ ทอางกี ล้าง เอะ-อ้ะ แอ นอ, ม แบ แคว่ เท่อ แอ ล้อ

ลูกา 12:48 교차 참조

เลวี​อ​ไฌ่ 5:17

“โพล้ง พี่ แฌ้ เล้, เมะ แม้ ไพ้ะ แบ เท่อ, เมะเว๊ แม้ไพ้ะ แบ กแช่ยาเว อ ทซองทซ๊าง เม้งฌี้ๆ, พี่ ล เกม๊า แม้ แบ นอ, ทึเมะ แม้ เว๊ พี่ ล ซีงแฌ๊ ล้าง อ ซ้ะ แบ ฌี้ นอ, อ เว๊ โอ ดี๊ ทไพ้ะทแม, ม แบ ฮะนี่ อ ทไพ้ะทแม อเตาอแต๊ ล้อ

เกล้​ท​ซ้ะวี่ง 15:27

โพล้ง พี่ แฌ้ เล้ เมะ แม้ ไพ้ะ แบ เท่อ, พี่ ล โอทาง อ ซ้ะ แม้ เว๊ แบ นอ, เกม๊า โพล้ง ล แฌ้ นอ แม้นี่ แมะ มู่ อ โญะ โอ ล เนง นอ เทว๊-อ้ะ, เก ทลื่งทาง แพล่ไฆวะ ทเด้บ้ะ

ม้ะทู 13:12

โพล้ง พี่ อ เท่อ โอ เย้า นอ, ม นี่ เว๊ แอ ทาง เด้าะ ท้อง อ โอ ลื๊อ โอ พื๊อ, แบ เด้าะ โพล้ง พี่ อ เท่อ ล โอ แบ นอ, ทึ เมะ ท ล ปี๊ ล คี่ พี่ อ เท่อ โอ นอ, ม แบ ท แม้ ไฆวะ-อ้ะ นอ ล้อ

ม้ะทู 23:14

คู ซีง ซอง เท่อ เซ๊งพ้า ท้างพ้า ดี๊ โพล้ง ฟารีซี-เอ้อ, น ซื๊ง เมะ โต้ ซ้ะ ไก, ท น้ะ ท โน๊ง ม แบ น ซื๊ง, อ ไฌ่ บี่ อี้ง, น ซื๊ง โกง อาง โพล้ง มืงเม๊ อ เท่อ ท้อง อ เลา กุ้ อ เม้ง, ดี๊ น ชูแพ ดุ้ เท่อ พ้ะโท๊, บี่ ซุ้ โพล้ง ม อางปฆ้า แบ น ซื๊ง, ท บี่ นอ, น ซื๊ง เตา ซื๊ง แต๊ ม น้ะ นี่ โพล้ง อ แฌ้แพ นอ ล้อ

ลูกา 12:41

เปโต อางจ้ะ เว๊ บี่ อี้ง, “กแช่-เอ้อ, น อางด้อง ล้าง ท ล ไฌ่ อี้ง นอ น อางด้อง ล้าง เอะ เฆ้อ-อ้า, อางด้อง ล้าง เอะ กุ้ อ แฌ้-อ้า”

ลูกา 12:49

จ เฌ๊ ล้าง แม้ เค้ ทาง มี ลู่ง ฌางคู โคล๊ง คู, ล๊า มี เมะ ม เค้ ทา เย้า-อ้า

ลูกา 16:2

ซที๊ง กุ้ นี่ โพล้ง พี่ อ ยู่แคว่ เอะ อ เท่อ ล แฌ้ นอ ไจ้ะ เอะ เว๊, ‘เท่อ พี่ จ แน่ฌ๊า แบฆ้ะ ดี๊ แน้ นอ แม้ อ ซ้ะ บี่ จะ เล้, กเย่ เท่อ พี่ น ยู่แคว่-อ้ะ ล แพ นอ, กวิ้ไน-อ้ะ เมาน่าง ฌ้อง เกม๊า เอะ แย้, อ ไฌ่ บี่ อี้ง น ล ยู่แคว่ แบ เอะ จ เท่อ ล้า แบ’

โยฮาง 15:22

จ เมะ ล เฌ๊ โล้ เอะ อซื๊งเว๊ อ เท่อ แบ นอ, อซื๊งเว๊ ล ซีงแฌ๊ อ ท เด้บ้ะ แบ, แบเด้าะ ค๊องเนง อี้ง อซื๊งเว๊ ไคล้ พ้อง ล้าง อ ซ้ะ ดี๊ อ ท เด้บ้ะ ล ซี น่าง เม้ง ล้า แบ

ท​แม้ 17:30

ลู่ง อ พ้อง ไฆวะ นอ โพล้ง ล ซีงแฌ๊ เท่อ แบ, อ กย้อง นอ กแช่ แยว้ ล ทื๊ง นี่ นะ นี่ เท่อ แบ ล้อ, แบเด้าะ ค๊องเนง โย้ กแช่ แยว้ อางแม้เลา กเย่ โพล้ง กุ้ จอง กุ้ ไจ้ เกม๊า อ เปลง ไท้ ซ้ะ อ ซ๊าง กุ้ อ แฌ้

โล้​ล้างที๊ง​ทอางแม้เลา 25:2

โพล้ง พี่ อไพ้ะอแม, เมะ เกิ้ง แบ ทพลี ทท่าง นอ, เกม๊า โพล้ง ต้ะเซ๊ง เท่อ นอ, เกม๊า อ เว๊ มี๊งน้าง, ฌ้อง อางกีล้าง เกม๊า พลีท่าง-อ้ะ ลู่ง ท เมะแซ พ้า, อ ทีงแอทีงแซย้ ท๊อง โพล้ง ล แฌ้ นอ, อ ทไพ้ะทแม ล้อ

1​ทีโมเท 1:11

ท ซอง ท ซ๊าง อี้ง เก ท ฌี้ อ ไฌ่ ลู่ง อ ฆี๊ง อ แล้, เฌ๊ เว๊ ลู่ง กแช่ แยว้ พี่ โพล้ง กุ้ อ แฌ้ เกิ้ง อางปฆ้า เว๊, ท ฌี้ อ ไฌ่ อี้ง กแช่ แยว้ อางกี ล้าง เอะ แย้ เกม๊า จ โล้ ล้าง

1​ทีโมเท 1:13

ทึ เมะ ลู่ง เอะ อู้งนอ, จ ไคล้ อ้า ไคล้ ซ๊าง แบ กแช่ เยซู คริ้, ดี๊ จ แม้ น้ะ แม้ โน๊ง แบ-อ้ะ น้ะ มะ, ดี๊ จ ดึ้เดว ทื่งแช้ แบ-อ้ะ ฌี้ๆ, แบเด้าะ กแช่ แยว้ ย๊างเซิง ย๊างซ้ะ แบ แย้ ได้ะ, เมะ เว๊ พี่ จ แม้ บี่ นอ จ ล ทื๊ง ล นะ กแช่ เยซู คริ้ ได้ะ แบ, จ ล ซีงแฌ๊ แบ เมะ จ แม้ ท เม้ง เล้

1​ทีโมเท 6:20

ทีโมเท-เอ้อ, แฌแซ เท่อ พี่ กแช่ แยว้ อางกี ล้าง เอะ แน้ นอ เมะ ฌี้ ไช้ะ, แม้ แบฆ้ะ ล้าง น ซ้ะ ดี๊ ท ไคล้ พี่ โพล้ง ล ดู้ง แบ ยาง แบ กแช่ แยว้ แบ ไคล้ เว๊ นอ ล ฌี้, ดี๊ แม้ แบฆ้ะ ล้าง น ซ้ะ ดี๊ ท ติ้โละไอ โละ ซ้ะ แบฆ้ะ ดี๊ เท่อ ลู่ง โพล้ง กุ้ เว๊ เก ท ซีงแฌ๊ แน่ฌ๊า, แบเด้าะ เก ท ล กลุ้ ล จ้ะ แบ นอ ล ฌี้

ทีต๊ะ 1:3

พี่ อ ช๊า อ โท่ แบ เย้า นอ, อ เว๊ ดึ้ เกม๊า อ ลู่ง อ แท๊ โพล ทาง ลู่ง ท โล้ ล้าง อ ไฌ่ พี่ อ อางกี ล้าง เอะ แย้, กแช่ แยว้ ลู่ง อ แม้ พ้อง พลิ้ เฆ้อ ล แฌ้ นอ, อางแบเลา แย้ เกม๊า จ โล้ ล้าง-อ้ะ ล้อ

ยาเก้า 3:1

จ ด๊างพื่งวี่ ซีง-เอ้อ, ลู่ง น ซื๊ง แกล้ นอ เกม๊า น เก คู แอ แฌ้ ล ฌี้, อ ไฌ่ บี่ อี้ง, น ซื๊ง ซีงแฌ๊ โย๊-อ้ะ ลู่ง ก เก คู อี้ง นอ, กแช่ แยว้ ม ต้ะเซ๊ง เฆ้อ น้ะ นี่ โพล้ง อ แฌ้แพ