20 แบ เด้าะ กแช่ แยว้ ไจ้ะ เอะ-อ้ะ, ‘โพล้ง เฌ๊ฌ้อง-เอ้อ, ล แน้ แย๊ โย้ น ม ซี๊ง ไฆวะ ล้อ, น คอง น แซย้ พี่ น อางกี ซยอง เว้-อ้ะ นอ ม เกก้ะ โพล้ง เล้ เว๊’, ”
ฌ้อง ฮามาง อางโล๊ไท้ เท่อ แบฆ้ะ ดี๊ อ ทโอทช๊อง, อ พู อ แฌ้ แอ แฌ้ แซย้, ดี๊ อฆี๊งอแล้ ล เม้ง แบ ล เม้ง, พี่ กจุ้แฆว้ เกล๊าง เอะ-อ้ะ, ดี๊ อางโล๊ไท้ แบฆ้ะ ดี๊ เท่อ, พี่ กจุ้แฆว้ อางกีทางโท๊-อ้ะ ดูเละ กดูกแซย่, ดี๊ ทอดู แม้ เท่อ บลาง พ้า นอ บี่จะเล้
เมะเว๊ โพล้ง พี่ ล ทื๊งแบนะแบ กแช่แยว้ แบ นอ, อ ทมื้งแล่ ม โอ บี่จะเล้? พี่ กแช่แยว้ แม้ไจทางไฆวะ-อ้ะ พี่ กแช่แยว้ แม้นี่ไฆวะ อ ทโอม๊า
เต้ๆ, ล้อ กโพล้ง ลี้ๆ, ไท้ๆ, ด้องซุ้ กดื้งแล้ เต้ๆ, ล้อ, อเว๊ เติ้งทางเติ้งล้าง โปล้ๆ, ล้อ อเว๊ แว่ อางกีซยองนี่ คองแซย้, ดี๊ ล ซีงแฌ๊ เว๊ แบ โพล้งเล้ ม แม้นี่ก้ะ เว๊”
เมะเว๊ อเว๊ ม แด เว๊, โพล้ง โอ ดี๊ ทโกงซีมองแบ ฌี้ นอ ซี๊ง ปะ โพล้ง เซ๊กู, ดี๊ โพล้ง เฌ๊ฌ้อง ฌี้ นอ, เซงทื่งเฌ๊ฌ้อง บี่ซุ้ ล้อ ดี๊ อางกีโท่ อคองอแซย้ เอะ โพล้ง อ แฌ้แพ
อ๊า, อซื๊งเว๊ ลแพ นอ, แบ ทแม้เฌ๊ฌ้องไฆวะ ล ชู่พู เฆาะ แบ ท ไพ้ะฆิ้โค๊ฆิ้ กว้ะไฆวะ-อ้ะ เลาพะ
แบเด้าะ พี่ อซื๊งเว๊, ซู๊อางซ้ะ เท่อ ล คลึ้ ล้างแม่ ได้ะแบ พี่ ทอางทโอ้, โอ อ นุ้พ้า ได้ะ อ แค๊ นอ
ทล่างอางกีซยองคองแซย้ พี่ ออ้าอซ๊าง นอ, เก ท ล ล้างเปิ่ง แบ แบเด้าะ ทแบกแช่แยว้อซ้ะ นอ, แม้ช้า เกม๊า พ้องไฆวะ ดี๊ ทซี๊ง
ทโอทช๊อง อ ท ล้างเปิ่ง ลโอแบ, ลู่ง มื่งนี้ง กแช่แยว้ ซ้ะทาง พ้ะดู นอ แบเด้าะ ทแบกแช่แยว้อซ้ะ, แม้ช้า เกม๊า พ้องไฆวะ ดี๊ ทซี๊ง ล้อ
โพล้ง โอ, พี่ แม้ อ ซ้ะ บี่ซุ้ ทโอทช๊อง, แบเด้าะ อ เท่อ ล โอ น่างเม้ง แบ ดี๊ โพล้ง โอ, พี่ แม้ อ ซ้ะ บี่ซุ้ อซยางอน้ะ, แบเด้าะ อคองอแซย้ โอ แอฌี่งแอฌ้อง
อางโล๊ไท้ อางปฆ้า เท่อ, แบฆ้ะ ดี๊ ลู่ง โฌ้ ล นี้ง โคะ ล ฌี้ เมะเว๊ น ล ซีงแฌ๊ แบ, ล นี้งๆ, นอ, ม เฌ๊โชะ เอะ ทเม้งเล้
โพล้ง พี่ แม้ แอทาง อคองอแซย้ ดี๊ จี้ อ โพ๊, ดี๊ ทต้องคู่ต้องโฌ้ นอ นี่ อางกีซยอง คองแซย้ นอ, เกม๊า เอะ โพล้ง พี่ อ ย๊างซ้ะ โพล้ง ซยาง
“เฌ๊ แดเทา, เกม๊า จ เฌ๊โชะ ไซ้ะ ซไบ้ะแซ ที๊ง เกม๊า ก ซื๊งเว๊ โอ้ ไซ้ะที๊งมี่จ้าง เมาน่าง ดี๊ ลู่ง โฌ๊โฆะ นอ, ม บี่ซุ้ดี๊ ล นี้ง แย๊ อี้ง ล้อ ม ดู ม โท๊, ดี๊ แอเละ อ นอ ได้ะ”
บี่ซุ้ดี๊ ทู โนะกแต้, พี่ อ ดีง นอ, ล นี่ ดีงล้าง แด กแช่ เว๊ แบ โพล้ง พี่ นี่แบ ทโอทช๊อง ลู่ง ลเกิ้งลด้าง แบ นอ, แม้ อ ซ้ะ บี่ซุ้ดี๊ อ นอ ล้อ ท่อง อ แซย่ทาง พุ้พ๊าง โพล้ง นอ, อ ท ล้างแซยล้างพ้ะ แดไฆวะ-อ้ะ ดี๊ ลู่ง ไค๊ ทึ นอ, อ เว๊ ม เก โพล้ง เซ๊กูเฌ๊ฌ้อง ล้อ
น ซื๊งเว๊ ซีง ลแพ, พี่ เซิงฆวี๊งซ้ะโย้, โอ ลู่ง ท แม้นี่ก้ะ เว่ง โลเดบา พ้า โพล้ง พี่ อ ไจ้ะเว๊, “ก แม้นี่ ก้ะ คารานาเอง เกก้ะ ก เท่อ ดี๊ กไฌ่กแบ้ ล เมะ แบ-อ้า?”
อ ซื๊งเว๊ บี่ซุ้ดี๊ ทชูง น๊างโป้ง พี่ อ บล้ะ โละซ้ะ บีงบูงโช้งไท๊ ดี๊ บี่ซุ้ดี๊ โพล้ง ม้าไซ้ะ อ ซื๊งเว๊ ม แบ ท เช้า เฌ๊ฌ้องไฆวะ เลาพะ, บี่ซุ้ดี๊ โล่ทุ้ พี่ อ ไฆ๊ท้ะเท่ง
เอ๊อ, โพล้ง เฌ๊ฌ้อง ซีง-เอ้อ, กแช่ แยว้ พี่ อ ไต้ เท่อ ลู่ง ค๊อง โค๊ ล แฌ้ นอ, ไต้ เว๊ ลู่ง แย๊ โค๊ ปะ ล้อ, เมะ เอะ-อ้า
อ ช๊า อ โท่ พี่ โพล้ง ไจ้ะ เว๊, “ท กุ้ อ เม้ง โอ ฆู๊ง โอ พุ้ โอ มึ โอ พ้า เย้า”, แบเด้าะ ล พ๊า แย๊ นอ, ท แม้ เฌ๊ฌี่ง เฌ๊ฌ้อง ดี๊ ท น้ะ ท โน๊ง ม เฌ๊ ท้อง ล ทีง ฆ่าง, บี่ ซุ้ โพล้ง มืง แบ เจ้า แบ แช๊ ลู่ง อ พู ม โอ, โพล้ง เฌ๊ ฆิ้ ไฆวะ เว๊ ล ซี น่าง แฌ้ แบ เฆาะ
โพล้ง พี่ อ ท โอ ท ช๊อง ลู่ง ฌางคู โคล๊ง คู อี้ง นอ, โล้ เอะ-อ้ะ เกม๊า อ อางกี โท๊ อ ซ้ะ ล ฌี้, ดี๊ มื้งแล่ คองแซย้ พี่ ล เฌิ่ง ล ค๊า แบ นอ ล ฌี้, แบเด้าะ มื้งแล่ เท่อ ลู่ง กแช่ แยว้ พี่ อ ซ้ะ โพล๊ ล แฌ้ นอ, อ เว๊ เกล๊าง เอะ ก เท่อ กุ้ อ เม้ง ลู่ง ก ม โอ มึ โอ พ้า
ก กึ ทาง โบลงโกง, ก ม ไท้ โบลงโกง
อ นอ, น ซื๊ง ล ซีงแฌ๊-อ้ะ, แบ ลู่ง โฌ้ ล นี้ง โคะ นอ น ม แม้ น ซ้ะ บี่ จะ เล้, อ ไฌ่ บี่ อี้ง, น แบ ด้อง ซุ้ ท ไค้ะ ซวี๊ง ไบล้ะได้ะ อี้ง ล้อ, โพล ทาง ล ทีง พู ฌ้อง ล้างแม่ ไฆวะ