38 พี่ กแช่ เยซู ดี๊ อ พู อ ลี้ง ลี้ เกล้ นอ, อ เว๊ นึ ฆ้าง ลู่ง เฌง พ้า ล เฌง, โพล้ง มืง โอ ล แฌ้ อ เม้ง มาทา ตองช้า ฮะช้า-อ้ะ, เกม๊า อ โอ ลู่ง อ เด้า พ้า
คู ซอง เท่อ เซ๊งพ้า ท้างพ้า ล แฌ้ นอ ไคล้ ช๊า เว๊, “ล แฌ้ แย๊ พี่ อ ย๊างเซิง ย๊างซ้ะ แบ-อ้ะ นอ” กแช่ เยซู โล้-อ้ะ, “ไท้ แม้-อ้ะ บี่ นอ เซ้อ”
เมะ มาทา นอ แบคู่ แบโฌ้ ดี๊ อ ท ไพ้ะ ท แม้ ล เม้ง แบ ล เม้ง, เฌ๊ โล้ เอะ กแช่ เยซู บี่ อี้ง, “กแช่-เอ้อ, น ล แด แบ-อ้า, จ พื่ง เกม๊า จ แม้ เท่อ ล แฌ้, โล้ เอะ-อ้ะ เซ้อ, เกม๊า อ เฌ๊ แม้ช้า แย้”
กแช่ เยซู ไคล้ ช๊า-อ้ะ, “มาทา-เอ้อ, มาทา-เอ้อ, น แบคู่ ซ้ะอึ้ เท่อ แอ เม้ง
อ เว๊ ดี๊ โพล้ง อ เด้า พ้า ล แพ นอ แม้ ท ไฌ่ จูง ที๊ง กุ้ อ แฌ้ ล้อ, ท่อง อ ช๊าง นอ อ เว๊ โล้ เอะ เฆ้อ, “น เมะ ช๊องมอง ลู่ง จ ทื๊ง จ นะ กแช่ เยซู ล้างที๊ง ล้างโต้ เต้ๆ, นอ เฌ๊ ทาง โอ จ เด้า พ้า เซ้อ”, อ เว๊ แด โก้ไละ เฆ้อ ท่อง ท๊อง ก ทาง โอ พี่ นอ ล้อ
ยาโซง ล แฌ้ อี้ง เกม๊า เว๊ อ เท่อ ทาง โอ อ เด้า พ้า, อซื๊งเว๊ซีง แม้ ไพ้ะ แบ ซีซา อ ทอางแม้เลา พี่ อซื๊งเว๊ ไจ้ะ เว๊ กจุแฆว้ อ แฌ้แพ โอ ล แฌ้ ได้ะ, อ เม้ง เยซู”
โพล้ง ซอง เท่อ พี่ อ เฌ๊ ฌู น ซื๊ง, เมะ ล ซอง กแช่ เยซู คริ้ อ ท ซอง ท ซ๊าง อี้ง แบ นอ, กุ้ ทาง-อ้ะ ลู่ง น เด้า พ้า ล ฌี้, ดี๊ ไคล้เดิง ไคล้ดุ้-อ้ะ ล ฌี้
