32 โพล้ง เลวี ล แฌ้ แม้ เว๊ บี่ นอ ปะ, พี่ อ เฌ๊ ท้อง พี่ นอ แด โพล้ง ล แฌ้ นอ, อ เว๊ เฌ๊ ฆิ้ เว๊ ไวะ, ลี้ ก้ะ เว๊ ล แพ้ แด เด้าะ
จ เกทางก้ะ อซื๊งเว๊ อ ทแม้ ไฌ๊ซ้ะ พี่ อซื๊งเว๊ ซีงลแพ แด แย้ นอ, อเว๊ ฌี้งฌื่ง อ คู
ญ๊องไฆวะ น ฌุ้พาง, ดี๊ น แพ่ อ ฌุ้พาง ล ฌี้ ดี๊ มื่ง ล นี้ง แย๊ พี่ น แด ท เซงทื่งเฌ๊ฌ้อง นอ, ลี้ ลู่ง นพื่งนวี่ อ เด้า ล ฌี้ ฌุ้พาง พี่ อ โอ เบ้า นอ ฌี้เละ น๊างพื่งวี่ พี่ อ โอ ไย้ นอ ได้ะ
เมะเว๊ ท อางน้าง น ทอาง เอะ โพล้ง ซู๊อางซ้ะ เท่อ ท เฌ๊ฌ้า โพล้งซยางโพล้งยะ, อเด้าอล่าง ล โอ แบ, เฌ๊ นึฆ้าง เด้า พ้า, ล เมะ แบ-อ้า? ดี๊ ท่อง น แด โพล้ง อล้องอย่าง โบลงโกง นอ, คลึไบ้ะ ทะ อ เว๊ อล้องอย่าง เลา ดี๊ ล โอคุ้ซูงไฆวะ น ซ้ะ ดี๊ นมื่งนแคว๊ แบ, ล เมะ แบ-อ้า?
ล พ๊า แย๊ นอ แบ พี่ โพล้งลื่งเท่ออคู ล แฌ้ ลี้ เกล้ พี่ นอ เมาะ, แด เว๊ ฌ้อง เฌ๊ ฆิ้ ไฆวะ เว๊ ไวะ, ลี้ ก้ะ เว๊ ล แพ้ แด เด้าะ
แบ เด้าะ โพล้ง ซมาเรีย ล แฌ้ ลี้ เท่อ ลู่ง เกล้ ล บ้อง นอ, เฌ๊ ท้อง โพล้ง ล แฌ้ นอ อ ฌ๊างไท้ะ, ท่อง อ แด เว๊ ฌ้อง ย๊างเซิง ย๊างซ้ะ แบ เว๊
แบเด้าะ เปาโล กุ้ ซย้ะ เท่อ ไจ้ะ เว๊, “แม้ ซี๊ง ล้าง น ซ้ะ ล ฌี้, ก โอ พี่ อี้ง กุ้ อ แฌ้ ได้ะ ล้อ”
โพล้ง ล มู๊ง นอ พองทะ โซเทเน, พี่ อ เก โพล้ง ยู อ ท แพโซง ล่าง อ คู ล แฌ้ นอ, มิ้ เว๊ ท่าง เว๊ ลู่ง ซ่าง อ เมะแซ พ้า, แบเด้าะ ทอดู กางลีโย แคว่ เว๊ บละ
อ ไฌ่ บี่ อี้ง, กโพล้ง ม แด ล้าง ที่ อ กแช่ อ ท๊า พ้า, เอ กลู เอ จี้, อางปฆ้า ล้าง อซ้ะ, อางกี ทาง โท๊ อ ซ้ะ, ดึ้เดว เท่อ, ล ชู่ง อ มู่ อ แพ่ อ ลู่ง แบ, ล นาง แบ โพล้ง อ บลึ้ อ บลาง แบ, ล ญ่อง ทื๊ง เท่อ นะ เท่อ แบ
