19 ท มุ้คู พู ไคล้ ช๊า-อ้ะ, “แย้ จ เก กาบีเอง, จ โอ ลู่ง กแช่ แยว้ อ เมะแซ พ้า, อ เว๊ เกม๊า จ เฌ๊ ก้างแก้ เท่อ ดี๊ แน้ ดี๊ โล้ เอะ น ท ฌี้ อี้ง
ดี๊ จ แน่ฌ๊า กแคว๊ ล แฌ้ อ ลู่ง, เฌ๊นี่ ลู่ง ที๊ง อูไล กล้อง อ ซ้ะคี่ง พ้า, ดี๊ ท อ ลู่ง นอ, กุ้ซย้ะ เท่อ ไจ้ะเว๊, “ทมุ้คูพู กาบีเอง-เอ้อ ดึ้ เกม๊า กแคว๊ ล แฌ้ อี้ง แน ทแดเว้ นอ ซี ไช้ะ”
ดึ้เดว แบ โพล้ง ปี๊ ลู่ง อ ทื๊ง แย้ ล เอ้า อี้ง น่าง แฌ้ ล ฌี้, จ โล้ เอะ น ซื๊ง ซีง, ท มุ้คู พู พี่ อ โอ แคว่ โพล้ง ล เอ้า อี้ง นอ, ลี้ โอ จ แพ่ แยว้ ลู่ง อ โอ มุ้คู นอ อ เมะแซ พ้า ครึๆ, ล้อ
แบ เด้าะ น ล นะ ท ไคล้ พี่ จ โล้ เอะ แน้ นอ แบ, พี่ ม เก ทาง เมาน่าง ลู่ง อ ช๊า อ โท่ แบ โคะ, เป๊งนี่ อ นอ น ไคล้ ล ซี ล้า แบ, ท้อง ลู่ง ท ล ไฌ่ อี้ง ม เก ทาง บี่ ซุ้ จ โล้”
พี่ น่าง เอลีซาเบ ด้าทาง นี่ แล้ ฆู๊ง เบง เย้า นอ, กแช่ แยว้ เกม๊า ท มุ้คู พู กาบีเอง ลี้ ลู่ง เฌง นาซาริ้ ลู่ง กาเลลี้ อ ค่าง พ้า
แบ เด้าะ ท มุ้คู พู โล้ แบ-อ้ะ, “ซ้ะเม เท่อ ล ฌี้, จ เฌ๊ โล้ ล้าง ท ฌี้ อ ไฌ่ เอะ น ซื๊ง, เมะ เว๊ ท ซ้ะอวีง ซ้ะโทะ พี่ ม เฌ๊ ท้อง โพล้ง กุ้ อ แฌ้
ท บี่ นอ โอ คุ้แคว่ เท่อ ครึๆ, ชูแพ เท่อ บี่ ซุ้ น ซื๊ง ม โอ ดี๊ ไฌ่ ดี๊ แบ้, พี่ ม พ้อง ไฆวะ ดี๊ เท่อ ลู่ง ม กึ ทาง กุ้ อ เม้ง อี้ง, ดี๊ ม ชี๊เทิง ลู่ง โพล้ง ฌางคู พู อ เมะแซ พ้า ซี”
ก โอ ดี๊ โพลง ลื่ง เท่อ อ คู ดู ทึ ล แฌ้ พี่ อ ลี้ ลู่ง มุ้คู โท๊ ทึ, เมะ เว๊ กแช่ เยซู กแช่ แยว้ อ พูแคว๊, ท บี่ นอ, เกม๊า ก โอ เฌิ่ง โอ ค๊า ลู่ง ก ท ทื๊ง ท นะ พี่ ก ทื๊ง-อ้ะ
