14 น เซิง ม มึ ซ้ะ ม มึ ม ซ้ะอวีง ซ้ะโทะ, ดี๊ โพล้ง แอ แฌ้ ม ซ้ะอวีง ซ้ะโทะ พี่ พืงแซ ล แฌ้ อี้ง กึ ทาง
น่าง ซารา ไจ้ะเว๊, “กแช่แยว้ ดึ้ เกม๊า จ นี่งควี, โพล้ง กุ้ แฌ้ พี่ อ คุ้ช๊องแน นอ, ม นี่งควี ฆึ ปะ”
พูแคว๊ พี่ โอ ดี๊ ทโกงซีมองแบ นอ, ดึ้ เกม๊า แพ่ อ ซ้ะมึ แบเด้าะ โพล้งเซ๊กูเฌ๊ฌ้อง นอ, ดึ้เดวทื่งแช้ อ กแช่ อ มู่
พู ซีง-เอ้อ, น ซ้ะ เมะ โอ ดี๊ ทโกงซีมองแบ นอ จ ม เซิงมึซ้ะมึ ปะ ล้อ
โพล้งแบกแช่แยว้อซ้ะอแพ่ ม ซ้ะอวีงซ้ะโทะ เท่อ เต้ๆ โพล้ง พี่ ดึ้ กึทาง พู พี่ โอ ดี๊ ทโกงซีมองแบ นอ, ม เซิงมึซ้ะมึ เว๊ ดี๊-อ้ะ ล้อ
อวีงซ้ะชู้ เกม๊า กแคว๊ ล แฌ้ นอ, แบ ท ชูอ้า, เมะเว๊ โพล้ง พี่ อ ลี้ โล้โค จ แพ่ ไจ้ะเว๊ “พูแคว๊ ล แฌ้ เฌ๊ กึทาง เอะ แน้ เย้า” พี่ ดึ้ เกม๊า แพ่ โอ ดี๊ ท ซ้ะอวีงซ้ะโทะ ดู มะ นอ
แบ เด้าะ ท มุ้คู พู โล้ แบ-อ้ะ, “เซคารียา-เอ้อ, ซ้ะเม เท่อ ล ฌี้ กแช่ แยว้ ช๊องแน น ทอางท่าง เย้า, น แม๊ อ พู ม โอ อ แคว๊, น แบ กุ้ อ เม้ง โยฮาง
อ เว๊ ม เก โพล้ง ล้างเปิ่ง ลู่ง กแช่ แยว้ อ เมะแซ พ้า, ล โอ้ ซไบ้ะ แซ ที๊ง ดี๊ ล โอ้ ไซ้ะ แบ เฆาะ, ม โอ ล๊า โอ ฆวี้ ดี๊ วีง ฌี้ แล้ แอว้ ลู่ง ล กึ ทาง ได้ะ แบ เย้า
อ มู่ อ ม้าง อ ฌุ้เม้ง ฌุ้พาง แน่ฌ๊า เว๊ กแช่ แยว้ ปล้ะ ล้าง อ ท เอ ท กวี้ง ท ย๊างเซิง ย๊างซ้ะ ดี๊ น่าง เอลีซาเบ, อซื๊งเว๊ซีง ซ้ะอวีง ซ้ะโทะ ฆึ ดี๊-อ้ะ
