เลวี​อ​ไฌ่ 23:19 - Northern Pwo Karen Thai Bible

¹⁹ เกม๊า น เทว๊ แมะ แพ๊ ล ดื้ง, เก ทลื่งทางแพล่ไฆวะทเด้บ้ะ, ดี๊ แกะ แพ๊ พู พี่ อ โญะ โอ ล เนง นอ คี๊ง ดื้ง, เก ทลื่งทาง แม้ฆู๊งแม้พุ้ เท่อ

เลวี​อ​ไฌ่ 23:19 교차 참조

เลวี​อ​ไฌ่ 16:15

“ฌ้อง เกม๊า อาโรง แม้ซี๊ง แมะ, พี่ อ เก ทลื่งทางแพล่ไฆวะทเด้บ้ะ, ลู่ง โพล้งเฌงพูฆ๊างพู อ ฌ่าง นอ, ลี้โชะ แมะ อ ซวีง ลู่ง ตไก้ยะ กางทะ เท่อ อ พ้า แม้นี่ แมะ อ ซวีง, ลี้ แม้ บี่ซุ้ดี๊ งู้ อ ซวีง นอ, เมะเว๊ ฆวีง แบ ไฮะ อ คูกล้ะ, ดี๊ แยว้ อ ทย๊างซ้ะ อ ล่าง อ เมะแซ พ้า

เลวี​อ​ไฌ่ 23:18

ล พ๊า ฆ่าง ดี๊ กู อี้ง นอ, เกม๊า น แม้นี่ แกะ พู ลู่ง อ ฌี้ ทึ, พี่ อ โญะ โอ ล เนง นอ เนว๊ ดื้ง, งู้ บาง ล ดื้ง, แกะ แพ๊ คี๊ง ดื้ง เฌ๊ โชะ-อ้ะ, เก ทลื่งทางเช้าทพูแฆ่น๊างดื้ง เทว๊ เอะ กแช่ยาเว, ล พ๊า ฆ่าง ดี๊ ทลื่งทาง เทว๊ ทซูงทแซ, ดี๊ ทโอ้ ลื่งทาง เท่อ พี่ อ กู่ง โละซ้ะ นอ, เกม๊า อ เก ทลื่งทางเช้าดี๊มี, เก ท อ กลื่ง พี่ แบ กแช่แยว้ อ ซ้ะ, เทว๊ เอะ กแช่ยาเว

เลวี​อ​ไฌ่ 23:20

เกม๊า โพล้งลื่งเท่ออคู แม้ ทไฌ่ เยาทาง เว่งว๊าง, ล พ๊าฆ่าง ดี๊ กู พี่ เก ทซูงทแซ อ วี่งคู ล ว๊าง นอ, เก ทลื่งาง เยาทาง เว่งว๊าง เทว๊ เอะ กแช่ยาเว, ล พ๊าฆ่าง ดี๊ แกะพู คี๊ง ดื้ง, เก ทเทว๊ พี่ อฌี้อแอว้ เทว๊ เอะ กแช่ยาเว, ลู่ง โพล้งลื่งเท่ออคู อ ฌ่าง

เกล้​ท​ซ้ะวี่ง 15:24

ดี๊ เมะ เก ทแม้ ไพ้ะ แบ เท่อ, พี่ ล โอทาง อ ซ้ะ แม้-อ้ะ แบ, พี่ โพล้ง น๊างมู๊ง ล คลึ้ ซีงแฌ๊ เว๊ แบ นอ, เกม๊า โพล้ง น๊างมู๊ง เลาพะ นอ เทว๊ งู้ แพ๊ พู ล ดื้ง, เก ทลื่งทาง เช้า ทพูแฆ่ น๊างดื้ง, เกม๊า อ เก ท อ กลื่ง น๊าม๊า ลู่ง แบ กแช่ยาเว อ ซ้ะ, ล พ๊า ฆ่าง ดี๊ ทลื่งทาง เทว๊ ทซูงทแซ, ดี๊ ทโอ้ ลื่งทาง เท่อ พี่ อ กู่ง โละ ซ้ะ, บี่ซุ้ดี๊ ทอเค้อะอต้าง นอ, เลา ดี๊ เทว๊ แมะ แพ๊ ล ดี้ง, เก ทลื่งทาง แพล่ไฆวะ ทเด้บ้ะ

เกล้​ท​ซ้ะวี่ง 28:30

เทว๊-อ้ะ ล พ๊า ฆ่าง ดี๊ แมะ แพ๊ ล ดื้ง, พี่ แม้ ทไฌ่ เท้าไฆวะ ทแบอ้า ลู่ง น ซื๊ง ฌ่าง นอ

โรมา 8:3

เท่อ ลู่ง ทอางแม้เลา แม้ เว๊ ล ซี แบ, เป๊งนี่ กโพล้ง อ ซ้ะ ล เฌิ่ง ล ค๊า แบ นอ, กแช่ แยว้ แม้ เว๊ เย้า, อ เว๊ โซ๊ง ล้าง อ พูแคว๊ แด เว๊ เกม๊า อ ล้างโฌ่ โพล้ง ท เด้บ้ะ, บี่ ซุ้ ม เกม๊า เว๊ อ แม้ ไฆวะ ท เด้บ้ะ, อ นอ อ เว๊ ต้ะเซ๊ง ท เด้บ้ะ พี่ อ โอ ลู่ง กโพล้ง อ ซ้ะ พ้า

2​โคเรง 5:21

กแช่ เยซู คริ้ อ ท เด้บ้ะ ล โอ แบ, แบเด้าะ กแช่ แยว้ แม้ เอะ-อ้ะ แบ ด้อง อ เก โพล้ง ท เด้บ้ะ, บี่ ซุ้ ก ม เก โพล้ง แบ กแช่ แยว้ อ ซ้ะ ลู่ง กแช่ เยซู คริ้ อ ซุ้