เลวี​อ​ไฌ่ 2:12 - Northern Pwo Karen Thai Bible

¹² น ซื๊ง เมะ เฌ๊ โชะ เท่อ คี๊ง เม้ง อี้ง, เก ทซูงทแซ อ วี่งคู, เทว๊ เอะ กแช่ยาเว นอ ซี ปะ, แบเด้าะ เช้า ทาง เทว๊-อ้ะ ลู่ง ทลื่งล่าง อ คู, ดี๊ เกม๊า อ เก ท อ กลื่ง พี่ แบ กแช่แยว้ อ ซ้ะ ล ฌี้

เลวี​อ​ไฌ่ 2:12 교차 참조

ทอคางไท้ะ 23:17

เอโฟรง อ ไชะ ลู่ง ม้ะเปลา พ้า, พี่ โอ มางเร อ เมะแซ พ้า, เมะเว๊ ไชะ ดี๊ ไล๊พ้า, พี่ โอ พี่ นอ, ดี๊ เซง มื่งเทิง กุ้เทิง พี่ โอ ไชะ พ้า, เลา ดี๊ อฆูอฆ้อง นอ,

2ทกวิ้ไน 31:5

ท่อง ทอางแบเลา ลี้ ท้อง นอ, โพล้งเฌงพูฆ๊างพู อีซลาเอง เกล๊าง เท่อ แอฌี่งแอฌ้อง, โอ เว๊ แด บืงแซ อ วี่ง คู ทึ, ไซ้ะ ซไบ้ะ แซ ที๊ง อ ซ๊าง, ไพ ซู อ เซ๊ง, นี๊จ้าง, ดี๊ ทซูงทแซ ลู่ง ไชะ พ้า ฆึ้ พ้า กุ้ อ เม้ง, ดี๊ อ ซื๊งเว๊ แม้นี่ ทชี๊งเชโป้ง ลู่ง ท กุ้เม้ง กุ้ มยู๊ นอ อ แกล้, เฌ๊โชะ เว๊ แอฌี่งแอฌ้อง

ทไจทางไฆวะ 22:29

“น ทซูงทแซ ลู่ง อ ฌี้, ดี๊ น ทแซ ที๊งนอ เฌ๊ เทว๊ เอะ แย้ ล น้าง, ซึ้ นี้ง ซึ้ ซ๊าง ล ฌี้ “ม๊า น เทว๊ พู วี่แซย่ นอ เอะ แย้

ทไจทางไฆวะ 23:19

“ทซูงทแซ ลู่ง อ ฌี้ ทึ, พี่ น ดิ้นี่-อ้ะ ลู่ง น ฌางคู ล่าง พ้า อ วี่งคู ล พ๊า นอ, น แบ เฌ๊ เทว๊-อ้ะ ลู่ง กแช่ยาเว น กแช่แยว้อล่างโอ พ้า นอ ล้อ “อางฆวี่ง แมะ พู ดี๊ อ มื้งแซย่ อ นู่ง ที๊ง ล ฌี้

ทไจทางไฆวะ 34:22

เกม๊า น ซื๊ง แม้ ทไฌ่ แม้มึอางอวีง ล เนว๊ๆ อ ฌ่าง, เมะเว๊ ทไฌ่ พี่ เก้า บืง ซาลี​อ​แค๊ ดี๊ แม้ ทไฌ่ แม้มึอางอวีง ลู่ง ทดิ้นี่ เก้านี่ ทซูงทแซ ลู่ง เนง คี๊ง นอ อ แค๊

เลวี​อ​ไฌ่ 23:10

“เกม๊า น โล้ เอะ โพล้ง อีซลาเอง บี่อี้ง, พี่ น ซื๊ง เฌ๊ ท้อง ที๊งล่างค่างพ้า, พี่ ก เกม๊า แน้, ดี๊ เก้านี่ ทซูงทแซ ลู่ง ที๊งล่างค่างพ้า นอ, เกม๊า น ซื๊ง แม้นี่ ทซูงทแซ ล น้าง, พี่ น เก้านี่-อ้ะ อ ต้องคู ล ว๊าง นอ, ลี้ โชะ เอะ โพล้งลื่งเท่ออคู

เลวี​อ​ไฌ่ 23:17

เกม๊า แม้นี่ กู คี๊ง ลอง, พี่ แม้ เว๊ ดี๊ ฌื๊งไน้ะ ลู่ง อ ฌี้ คี๊ง กีโล, ลู่ง น ซื๊ง ล่าง เปิ่งโอเปิ่งช๊อง พ้า นอ, เฌ๊ แม้ ท อ ไฌ่ เยาทาง เว่งว๊าง, เกม๊า แม้-อ้ะ ดี๊ ฌื๊งไน้ะ ลู่ง อ ฌี้ ทึ, ชวี๊งล้าง ดี๊ อ กูมีง อ ซีง, อางแก-อ้ะ เก ทซูงทแซ อ วี่งคู ล ว๊าง, เทว๊ เอะ กแช่ยาเว

เลวี​อ​ไฌ่ 7:13

ล พ๊าฆ่าง อี้ง นอ, เกม๊า อ เว๊ เฌ๊โชะ กู ชวี๊งล้าง ดี๊ อ ซีง, เฌ๊ เทว๊ เก ทลื่งทาง อ ท ล น้าง, ล พ๊าฆ่าง ดี๊ ทพูแฆ่, พี่ เก ทลื่งทางแม้ฆู๊งแม้พุ้เท่อ, พี่ เทว๊ เว๊ บี่ซุ้ อ ไจ้ะบลึ้ เท่อ นอ

เกล้​ท​ซ้ะวี่ง 15:20

เกม๊า น แม้นี่ ฌื๊งไน้ะ พี่ น ไฌะ บลิ้-อ้ะ อ ซ๊าง นอ, แม้ กู ล ลอง เทว๊-อ้ะ เก ทเทว๊ ลื่งทาง เท่อ, เก ทเทว๊ ลื่งทาง เท่อ พี่ นี่ แบ-อ้ะ ลู่ง ท เพา บืง อ ล่าง พ้า, ม๊า น เทว๊ กู อ อี้ง

เกล้​ท​ซ้ะวี่ง 18:12

ทซู พี่ อ ฌี้ ทึ เลาพะ, ไซ้ะ ซไบ้ะ แซ ที๊ง พี่ อ ฌี้ ทึ, ดี๊ ทคลี๊งทโพ๊ เลาพะ, ดี๊ ทซูงทแซ อ วี่งคู ล ว๊าง, พี่ โพล้ง กุ้ แฌ้ เทว๊ เอะ กแช่ยาเว นอ จ เกล๊าง เอะ แน้ ล้อ

1​โคเรง 15:20

เต้ๆ, นอ, กแช่ แยว้ แม้ ม๊า ทาง ไท้ กแช่ เยซู คริ้ เย้า, เก ท แม้ไน ล เม้ง พี่ อ เว๊ ม แม้ ม๊า ทาง ไท้ โพล้ง ซี๊ง ล แพ นอ ปะ

โล้​ล้างที๊ง​ทอางแม้เลา 26:10

จ กแช่ยาเว-เอ้อ, ค๊องเนงอี้ง จ แม้นี่ ฌางคู พี่ น เกล๊าง เอะ แย้ นอ, อซูงอแซ อ วี่งคู ล ว๊าง, เฌ๊โชะ-อ้ะ เย้า’, ดี๊ เกม๊า น อางกีล้าง ท ล เม้ง นอ, เทว๊-อ้ะ ลู่ง กแช่ยาเว น กแช่แยว้ อ เมะแซ พ้า นอ, ดี๊ โบงทางแบ้ทาง เท่อ ลู่ง กแช่ยาเว น กแช่แยว้ อ เมะแซ พ้า นอ ล้อ

ท​เน​โพล​ทาง 14:4

โพล้ง ล แพ อี้ง แฌแซ ล้าง อ ซ้ะ ลู่ง อ ฌี้, ล แม้ เบ้า แม้ เท่ง กมืง แบ, แกะ พู ลี้ จอง ฌี้ จอง ฌี้ นอ อซื๊งเว๊ ลี้ โพะ เว๊ อ ไค๊, อซื๊งเว๊ แบ ท ฆวี้ นี่ ไท้-อ้ะ ลู่ง กโพล้ง อ แกล้, บี่ ซุ้ เก ท อ ต้องคู ล มู๊ง พี่ แบ ท เทว๊ เอะ กแช่ แยว้ ดี๊ เทว๊ เอะ แกะ พู