29 ทซู พี่ ล้างลื๊อ โอก้ะ ลู่ง โพล้งลื่งเท่ออคู อ จูง พ้า นอ, อ เว๊ ม เท้า โพล้ง พี่ แม้เช๊งแม้เกล้ง ล้าง ซ้ะ นอ อ คู, บี่ซุ้ แม้ ทไฌ่ เท้าไฆวะ อ ท แบอ้า, ลู่ง กแช่ยาเว อ เมะแซ พ้า
ดี๊ ทซู พี่ อ โอก้ะ ลู่ง โพล้งลื่งเท่ออคู อ จูง พ้า ได้ะ นอ, อ เว๊ ม เท้า โพล้ง พี่ แม้เช๊งแม้เกล้ง ล้าง อ ซ้ะ นอ อ คู, ฌ้อง โพล้งลื่งเท่ออคู ม แม้ เอะ-อ้ะ ทไฌ่ เท้าไฆวะ ทแบอ้า, ลู่ง กแช่ยาเว อ เมะแซ พ้า
ดี๊ โพล้งลื่งเท่ออคู ม เทว๊ ทลื่งทางเช้าทพูแฆ่น๊างดื้ง, ดี๊ ทลื่งทางเทว๊ทซูงทแซ ลู่ง ทลื่งล่าง คู, โพล้งลื่งเท่ออคู ม แม้ ทไฌ่ เท้าไฆวะ ทแบอ้า เอะ-อ้ะ บี่อี้ง ล้อ, ดี๊ อ เว๊ ม เช๊ง ม เกล้ง ล้อ
ดี๊ โพล้งลื่งเท่ออคู ม แม้นี่ ทซู พี่ โอ จูง พ้า นอ, เท้า โพล้ง พี่ แม้เช๊งแม้เกล้ง ล้าง อ ซ้ะ นอ, อ แน่บลีง คี๊ง อ ฆุ้ ล โค๊, ดี๊ อ จูงมื่ง คี๊ง, ดี๊ อ คางมื่ง คี๊ง อ ฆุ้ ล โค๊, ล จอง แย๊ พี่ อ เท้า เว๊ ดี๊ ทลื่งทางแพล่ไฆวะทไพ้ะทแม อ ซวีง นอ ล้อ
ดี๊ อ เว๊ ม เทว๊ ทูลี่ง-อ้า, ทูลี่งแอว้-อ้า, ท๊อง อ อางฆื๊งนี่ เว๊ โอ นอ ล้อ
ลู่ง อซื๊งเว๊ อ กย้อง นอ จ เกล๊าง ล้าง จ ซ้ะ ดี๊ แน้ ล้อ, บี่ ซุ้ อซื๊งเว๊ ม เกล๊าง ล้าง อ ซ้ะ ดี๊ แน้ เต้ๆ, ล้อ
พี่ กแช่ เยซู คริ้ เฌ๊ นอ เฌ๊ ดี๊ ที๊ง ดี๊ อ ซวีง ล เมะ เฌ๊ ที่ ที๊ง ล เม้ง แบ, แบเด้าะ เฌ๊ ดี๊ ที๊ง ดี๊ ซวีง
