46 “กเย่ กดีงกแด้ นอ นี่ อ้างทาง อ นุ้ กุ้ซย้ะ ไจ้ะ เฆ้อ
ดีงแด้ ซีงลแพ อ้างทาง อ นุ้ พ้ะเล่ ดี๊ แย้ ด้องซุ้ คี๊ยื่ง, พี่ อ ไอ ซย๊าง เท่อ, ดี๊ กุ้ซย้ะ เท่อ อ แค๊ นอ
จ แบ ทลู๊งล้างไฆวะ บี่ซุ้ดี๊ ที๊ง จฆีงจเกว้ เลาพะ นอ, ล้างพลืง ล้างเบ้าะแดไฆวะ อ ล่าง จเซิงจซ้ะ นอ, บี่ซุ้ดี๊ นี๊ฆุ้ พลี่งไฆวะ ลู่ง ซ้ะแน๊ ล้อง
แม้ทเล้ ม เกม๊า กเย่ โพล้ง กุ้ที๊งกุ้ค่าง ไจ้ะเว๊ “อซื๊งเว๊ อ กแช่แยว้ โอ พี่จองเล้?” เกม๊า ทแม้แกไท้ เท่อ, ลู่ง นเพล่นบาง อ ซวีง แยว้ล้าง อกย้อง นอ โพลทาง ลู่ง โพล้ง กุ้ที๊งกุ้ค่าง อ แกล้ พ้า, ลู่ง เฆ้อ ซีงลแพ อี้ง อ เมะแซคลี๊ง พ้า
เฆ้อ ซีงลแพ, ก เก ฌุ้พาง อ ทแม้ไฌ๊ซ้ะ อ ล่าง เก เอะ โพล้ง, พี่ โอ กฆูกฆ้อง นอ, อ ท ดึ้เดวทื่งแช้ อ ล่าง
แบเด้าะ ลู่ง โพล้ง อีซลาเอง อ แกล้ นอ, ทึเมะ ทวีง อ ลู่ง เคิ่ง เท่อ ฌี้ ล โอ แบ เฆาะ, บี่ซุ้ เกม๊า ซีงแฌ๊ เว๊, กแช่ยาเว แม้ เอะ โพล้ง อีไย้ะ ล้างช๊าง ดี๊ โพล้ง อีซลาเอง นอ ล้อ
กเย่ นดีงนแด้ อ้างทาง อ นุ้ ไจ้ะ แน้ อ ซื๊งเว๊ ลแพ นอ, เชิ่งเชะ เท่อ, ดี๊ ไอ ตไก้ะ อ แซว๊ อ เว๊ กุ้ซย้ะ เท่อ ไจ้ะเว๊, “ก นี่ แม้ เฌ๊ฌ้อง เว่ง อี้ง เย้า ล นี้ง แย๊ อี้ง ล้อ, พี่ ก โอคุ้แท๊-อ้ะ ก ต้องนอง เย้า, ก แด เย้า”
