แบเด้าะ กจุ้แฆว้ ค่าง อะซีเรีย, แด เว๊ โฮเชยา กไบล้ะ ดี๊-อ้ะ, เมะเว๊ โฮเชยา เจ่ทาง โพล้งไคล้เดิง เท่อ, ลี้ โอ โซ่ กจุ้แฆว้ ค่าง อีไย้ะ, ดี๊ ล ญ่อง โซ๊ง ทแบเกล๊าง เอะ กจุ้แฆว้ ค่าง อะซีเรีย, บี่ซุ้ อ แม้ เว๊ กุ้ เนงๆ, นอ ล้าแบ, อ กย้อง บี่นอ, กจุ้แฆว้ ค่าง อะซีเรีย เด้าทะ-อ้ะ, ดี๊ ซุ้ทะ เว๊ ลู่ง พ้อง พ้า
เอลียา ไคล้ ดี๊-อ้ะ ไจ้ะเว๊, “เอลีชา-เอ้อ, เกม๊า น โอคุ้แท๊ เท่อ พี่ อี้ง, เมะเว๊ กแช่ยาเว เจ่ แย้ เกม๊า จ ลี้ ลู่ง เว่ง เยรีโค”, แบเด้าะ เอลีชา ไคล้ช๊า-อ้ะ ไจ้ะเว๊, “กแช่ยาเว โอม๊า ได้ะ บี่จะเล้, ดี๊ น โอม๊า ได้ะ นอ, จ ล ไจพ้ะแดไฆวะ แน้ แบ บี่นอ ล้อ”, ทบี่นอ, อ ซื๊ง คี๊ง แฌ้ เฌ๊ ลู่ง เว่ง เยรีโค พ้า ไวะ