32 กแช่ยาเว อางกีล้าง เว่ง ลาคิ้ นอ ลู่ง โพล้ง อีซลาเอง อ จูง พ้า, ดี๊ อ เว๊ ดึ้นี่ เว่ง นอ ลู่ง มื่ง คี๊ง นี้ง ล นี้ง, ดี๊ แม้ซี๊ง โพล้ง กุ้ แฌ้ ลู่ง เว่ง พ้า นอ ดี๊ น้ะ อ แน่, แม้ เว๊ บี่ซุ้ดี๊ แม้ เอะ โพล้ง เว่ง ลิ้นา นอ กุ้ อ เม้ง ล้อ
เมะ โยชูวา นอ แม้น้า โพล้ง อามาเละ อ ซึ้พู น๊างมู๊ง นอ ดี๊ น้ะ ดี๊ พ้าง นอ ล้อ
ร้ะชาเค ไท้ไท้ ไวะ, เป๊งนี่ อ แน่ฌ๊า เว๊ อะซีเรีย อ กจุ้แฆว้ ไจทางไฆวะ ลาคิ้ พ้า เย้า, ดี๊ แด เว๊ อะซีเรีย อ กจุ้แฆว้ ดึ้ซึ้ ลู่ง เว่ง ลิ้นา
ดี๊ ท่อง กแช่ยาเว น กแช่แยว้, ม อางกีล้าง เอะ แน้ โพล้ง ลแพ นอ, ดี๊ น ม ดึ้ซึ้-อ้ะ, เกม๊า อ ลน้าลฆ่าง เท่อ แบ นอ, น แบ แม้ ซี๊งทู่งอูงเล้งไฆวะ-อ้ะ, ท่อง อเลาอเช๊ง ล้อ, แม้ ทเอิ้งล้าง ดี๊-อ้ะ ล ฌี้ เฆาะ, ดี๊ ย๊างซ้ะ แบ-อ้ะ ล ฌี้ ปะ
ล นี้ง แย๊ นอ, โยชูวา ดึ้นี่ เว่ง มาเคดา นี่ชึ ดี๊ แม้ซี๊ง โพล้ง เว่ง พ้า นอ ดี๊ น้ะ อ แน่, เลา ดี๊ กจุ้แฆว้ เว่ง พ้า นอ ปะ, อ เว๊ แม้ เฌ๊ฌ้อง โพล้ง ลแพ นอ เลาพะ, โพล้ง ล โอม๊า ลู่ง เว่ง พ้า นอ น่าง แฌ้ ล้าแบ, อ เว๊ แม้ เอะ กจุ้แฆว้ เว่ง มาเคดา, บี่ซุ้ดี๊ แม้ เอะ กจุ้แฆว้ เว่ง เยรีโค นอ ปะ ล้อ
ฌ้อง โยชูวา ดี๊ โพล้ง อีซลาเอง เลาพะ นอ, ไจทางไฆวะ เว่ง ลิ้นา พ้า เฌ๊ ท้อง ลู่ง เว่ง ลาคิ้, ฌ้อง พ้องวะ เว่ง นอ ดี๊ ดึ้ซึ้ เว๊
ล พ๊า แย๊ นอ, โฮราง กจุ้แฆว้ เว่ง เกเซอ, เฌ๊ทาง แม้ช้า เว่ง ลาคิ้, ฌ้อง โยชูวา แม้ซี๊ง-อ้ะ ดี๊ อ ซกุ้ นอ เลาพะ, ท้อง โพล้ง ม๊า ล ล้างลื๊อ น่าง แฌ้ ล้าแบ
โยชูวา ดึ้นี่ก้ะ กเย่ กจุ้แฆว้ ลแพ นอ อ เว่ง, ดี๊ พองนี่ กจุ้แฆว้ นอ กุ้ แฌ้ แม้ซี๊ง เว๊ ดี๊ น้ะ อ แน่, แม้ เฌ๊ฌ้อง อ ซื๊งเว๊ เลาเช๊ง, แม้ เว๊ บี่ซุ้ดี๊ กแช่ยาเว อ เพล่ โมเซ อางแบเลา-อ้ะ นอ ล้อ
