โยเอง 3:12
17 교차 참조
กแช่แยว้ ม ต้ะเซ๊ง เอะ กเย่ กโพล้ง กุ้ชื้อกุ้ชะ อ เท่อ ดี๊ ม ต้ะเซ๊ง เอะ กโพล้ง แอฌี่งแอฌ้อง อบ้าอคว่าง ดี๊ อ ซื๊งเว๊ ลแพ นอ, ม ไน๊ อ น้ะ เกม๊า อ เก เท๊ไชะ อ แน่ ดี๊ อ ซื๊งเว๊ อ พ้าง นอ, ม ไน๊ เว๊ เกม๊า อ เก นางไค้ เฆว่ไฆวะ ท อได้อพ๊าง กโพล้ง กุ้ชื้อกุ้ชะ ม ล โชะทาง อ น้ะ ดึ้ โละซ้ะ แบ ดี๊ อ เว๊ ม ไฌ่ ซีงแฌ๊ ทดึ้ทชาง อ เค้อะ ล้า แบ
“ดี๊ ล นี้ง แย๊ นอ, ก ม เกม๊า โกะ อ แซวคูพ้า โอ ลู่ง อีซลาเอง พ้า, เมะเว๊ โพล้ง ลี้ๆ, ไท้ๆ, อ ทลู่ง คางไท้ะ, พี่ โอ ลู่ง ปางเล อ มื่งทาง ล โค๊ นอ, อ ม นุ้โท่งนุ้ทะ โพล้ง พี่ อ ลี้ๆ, ไท้ๆ, เมะเว๊ โกะ ดี๊ อ ซกุ้มู๊งโฌ่ เลาพะ นอ, ม แบ ท เคิงล้างบ้า โอ พี่ นอ, อ เว๊ ม กุ้ เว๊ บี่อี้ง, ทลู่ง คางไท้ะ โกะ อ ซกุ้มู๊งโฌ่
ก ม อางกีซยอง โพล้งกุ้ชื้อกุ้ชะ เลาพะ, ดี๊ เฌ๊ล้างฌ้า อ ซื๊งเว๊ ซีง ลแพ, ลู่ง ทลู่ง เยโฮชาฟา คางไท้ะ, ดี๊ ก ม นึฆ้าง ลู่ง ทต้ะเซ๊ง พ้า ดี๊ อ ซื๊งเว๊ พี่ นอ, ลู่ง กพูกลี้ง อไฌ่อกย้อง, เมะเว๊ อีซลาเอง กคองกแซย้, โพล้ง พี่ แบ อ ซื๊งเว๊ อ ทแม้ ที่มื่งที่พ้ะ, ลี้ ลู่ง โพล้งกุ้ชื้อกุ้ชะ อซุ้อแกล้ พ้า, อ ซื๊งเว๊ นี่ อางน้าง ก ที๊งล่างค่างพ้า
กแช่แยว้ ม ต้ะเซ๊ง เอะ โพล้ง กุ้ชื้อกุ้ชะ ลแพ นอ อ เท่อ ดี๊ ม ต้ะเซ๊ง เท่อ ลู่ง โพล้ง กุ้ชื้อกุ้ชะ, พี่ อชองอไคล๊ โอ ไย้ทาง ลแพ นอ อ ฌ่าง ดี๊ อ ซื๊งเว๊ ซีง ลแพ, ม ไน๊ อ น้ะ เกม๊า อ เก เท๊ เท๊ไชะ ดี๊ ม ไน๊ อ พ้าง, เกม๊า อ เก นางไค้ ลู่ง ท แฆว่ไฆวะ ท อ ได้ อ ฌ่าง โพล้ง กุ้ชื้อกุ้ชะ ล โชะทาง น้ะ, ดึ้ซึ้ โละซ้ะ ล้า แบ อ เว๊ ล ไฌ่ ซีงแฌ๊ ทดึ้ทชาง อเค้อะอต้าง ล้า แบ
ล นี้ง แย๊ นอ, กแช่แยว้ อ คาง ม ชี๊เทิง โอ ลู่ง ทลู่ง ไพ, พี่ โอ เว่ง เยรูซเลง อ เมะแซ พ้า, ลู่ง มื่งทาง ล โค๊ นอ, ดี๊ ทลู่ง ไพ นอ, ม อางน้างพ้ะ อ ซ้ะ คี๊ง ไก้, โอนี่ ลู่ง มื่งทาง ลี้ ลู่ง มื่งนึ, โอ ดี๊ ทลู่ง คางไท้ะ พ้ะเล่พ้ะโท๊ ลู่ง อ เบ้าช้า พ้า, ทลู่ง ล พุ้พ๊าง ม ฌ้าไฆวะ อ ซ้ะ ลู่ง มื่งเค๊ง ล โค๊, ดี๊ ล พุ้พ๊าง เด้าะ นอ, ม ฌ้าไฆวะ อ ซ้ะ ลู่ง มื่งแพ้ ล โค๊
광고