6 ท่อง โพล้ง ล ชื้อๆ, ซีง ลแพ, แด-อ้ะ นอ, ซ้ะเมซ้ะไพล้ เว๊ ล้อ กุ้แฌ้ นอ อ เมะ ล้างโมยล้างบ้าง
เมะเว๊ จ ล ล้างเปิ่ง แบ, บี่ซุ้ดี๊ ไซ้ะ ซไบ้ะแซ ที๊ง อ โทง ทไพ้ะ, พี่ แบ ดี๊ มีลื่งแพซยู๊ แบเด้าะ แย้ จ ล ซ้ะนาง กแช่แยว้ อ ท อเค้อะอต้าง ได้ะแบ
ดี๊ อ ซื๊งเว๊ ม ซยึ้ ซ้ะเม เท่อ ทแช๊ ดี๊ ทคลี ม เชาเช๊ง-อ้ะ อ เว๊ ม เฌ้พลื่งเฌ้มวี๊ง ด้องซุ้ กมืง อ พู มโอ อ เว๊ ม แคว่ โละ อ เมะ ดี๊ ท เซิงไพ่ซ้ะว้ะ อ ซื๊งเว๊ อ เมะ บี่ซุ้ดี๊ มีพ้าง
เกม๊า อางจ้ะ เท่อ แดเทา, ดี๊ แคว่-อ้ะ กแคว๊ อ พู ม โอ ซี ชี่-อ้า? แบทเล้ ก แด กแคว๊ กุ้แฌ้ อ จูง ชางล้าง เว๊ ลู่ง ย่างเด้ง, บี่ซุ้ดี๊ กมืง อ พู ม โอ? แบทเล้ กุ้แฌ้ อ เมะ ล้างบ้าง ล้างโมย?
ลู่ง จพูจลี้ง อ ทแช๊ทคลี อกย้องนอ, จแช๊จคลี เว๊ ล้อ จ เมะมองแน๊อึ้, ดี๊ ท เซิงพ่องซ้ะว้ะ นอ, พองทะ แย้ ไชะไนะ
ค๊องเนงอี้ง, อ เว๊ อ เมะ นอ, ซ๊า น้ะ เละ พ้าเม้า ได้ะ โพล้ง ลู่ง เกล้ นอ, ล นาง-อ้ะ น่างแฌ้ แบ อ เว๊ อ ไพ้ะ ไซวะ, กยูเท่ง อ ฆีง ดี๊ ฆวี่กิ้ ด้องซุ้ นางทู่ง ล้อ
เลาเทาเช๊งเทา น๊างแฌ้, โอก้ะ ยื่งเย้ง, ดี๊ โอก้ะ กูกิ้ ซ้ะ เฌ๊ฌ้อง น้ะ, ดี๊ คางมโล่ง นอ ว้ะโทะว้ะตี้ ย่างเด้ง นอ แช๊คลี เลาพะ กุ้แฌ้ อ เมะ ล้างโมย ล้างบ้าง
คี๊ยื่ง อ ไล๊ พ้า โอ พี่จองเล้? เมะเว๊ ทล่าง ลื่ง คี๊ยื่ง อ พู ลแพ นอ ทล่าง พี่ คี๊ยื่ง ลี้ฆ้าง ลี้ง แบ เว๊ ทล่าง พี่ อ พู โอ ลี้ง แบ เว๊, พี่ โพล้ง ล โอ ลี้ แม้โฆ่แม้ฆะ-อ้ะ น่างแฌ้ แบ
