โยเอง 2:22 - Northern Pwo Karen Thai Bible

²² ซ้ะเม ล ฌี้ เฆาะ, ทพูแฆ่ เม้ง ลแพ ซีง-เอ้อ อไฌ่บี่อี้ง, นางญ้าง ลู่ง แพะคูทเคแกล้ นอ, แล๊แค๊ เซ๊งไจ้ะ ดี๊ เซง มื่งเทิง นอ, ซูงทางแซทาง เว๊ กูงเย้ มื่งเทิง, ดี๊ ซไบ้ะ มื่ง นอ, แซทาง แอ มะ ล้อ

โยเอง 2:22 교차 참조

ทอคางไท้ะ 4:12

ท่อง น เซิงอางพล้ะอาง เท่อ ลู่ง ฌางคู คู นอ, ล ซูงทางแซทาง แอๆ, แบ, น ม แบ ไจคุ้ซูง, ดี๊ ไจพลุ้ฌ้ะเม้ง ลู่ง ฌางคูโคล๊งคู”

ทอางปฆ้า 36:6

กแช่แยว้ อ ทฌี้ทแอว้ นอ, เก บี่ซุ้ดี๊ ทลู่ง พ้ะโท๊ โพล ล้าง เท่ง กแช่แยว้ อ ทเกิ้งทแบ นอ, บี่ซุ้ดี๊ ทโยะคิ้ พ้า แย๊โค๊ จ กแช่ยาเว-เอ้อ, น แม้ช้า กโพล้ง, เลาดี๊ ทพูแฆ่, เกม๊า อพ้องอพลิ้

ทอางปฆ้า 65:12

นาง ญ้าง พ้า, ลู่ง แพะคูทเคแกล้ นอ, ล้างเชาล้างเช้ ทลู่งทจ้อง เราทาง อ ย่างเด้ง ดี๊ ทซ้ะอวีงซ้ะโทะ

ทอางปฆ้า 65:13

นางญ้างพ้า ฌองล้าง อ ซ้ะ ดี๊ แมะ ดี๊ แกะ น๊างมู๊ง ทลู่ง คางไท้ะ คลึไบ้ะล้าง อ ซ้ะ ดี๊ บืง ล เม้งๆ, นอ ซองลี้, ดี๊ ซ้ะอวีงแท๊, ดี๊ ทเซิงฆวี๊งซ้ะโย้

ทอางปฆ้า 67:6

ฌางคูโคล๊งคู นี่ ซูงทางแซทาง กแช่แยว้, เมะเว๊ ก กแช่แยว้, ม ชูฌี้ชูแอว้ เฆ้อ

อีซยา 51:3

เมะเว๊ กแช่ยาเว ม แม้ ชองทาง ซีโยง อ ซ้ะ กแช่แยว้ ม แม้ ชองทาง อ ทล่าง ญ๊องไฆวะ โอโปล้ ก้ะ กุ้จอง ดี๊ ม ดึ้ เกม๊า เว๊ อ แพะคูทเคแกล้ บี่ซุ้ดี๊ โซ๊ง เอเดง ดี๊ อ ทล่าง ซู๊งไฆ๊ บี่ซุ้ดี๊ กแช่ยาเว อ โซ๊ง เซง ม แด ท เซิงฆวี๊งซ้ะโย้, ดี๊ ท ซ้ะอวีงซ้ะโทะ ดี๊ อ เว๊ เลา ดี๊ ท ไจ้ะบลึ้ไจ้ะบลาง, ดี๊ แท๊ ซ้ะอวีง อ ลู่ง

เอเซเคียง 36:30

ก ม แม้แอทาง เซง อซูงอแซ, ดี๊ ทซูงทแซ ลู่ง ฌางคูคู, บี่ซุ้ น ล แบ โท่ง ฮะนี่ ท ฌางแช้เมะฌางแช้แน๊, ลู่ง โพล้ง กุ้ชื้อกุ้ชะ อซุ้อแกล้ พ้า, ลู่ง ท ซ้ะวี่ง อาง เท่อ อกย้อง ล้า แบ

เอเซเคียง 36:35

ดี๊ โพล้ง ลแพ นอ ม ไจ้ะเว๊ บี่อี้ง, ‘ที๊งล่างค่างพ้า อี้ง พี่ อ เคไบ้ะ โอโปล้ก้ะ นอ, นี่ เกทางก้ะ ด้องซุ้ โซ๊ง เอเดง, ดี๊ เว่ง ลแพ พี่ โอโปล้ก้ะ เคไบ้ะ ดี๊ แค่เทา ล้างฆ่อง นอ, ค๊องเนงอี้ง โพล้ง โอ เว๊, ดี๊ กางแป โอ ปะ’

เอเซเคียง 36:8

“แบเด้าะ แน้, อีซลาเอง อ ทลู่ง ลแพ ซีง-เอ้อ, นพล่องนบ้อง ม ได้แท่ได้พ้ะ ทาง, ดี๊ ม ซูงทางแซทาง เอะ กพูกลี้ง อีซลาเอง, เมะเว๊ ล ไยะ ล้า แบ นอ, อ ซื๊งเว๊ ม เฌ๊ไท้ ล้อ

โยนา 4:11

ล เกิ้ง แบ-อ้า, พี่ ก ม ซ้ะโอ นีนาเว เว่ง พ้ะดู นอ, พี่ โอ ดี๊ โพล้ง ลู่ง เว่ง พ้า แอเละ อ แฌ้ ล ล้าง คี๊งไซ, พี่ ล ซีงแฌ๊ เว๊ แบ, พี่ ล แพ้ เล้ เก จูง ฆุ้, พี่ ล แพ้ เล้ เก จูง จี, ดี๊ โอ ดี๊ ทพูแฆ่ ลื่งโด้ง แอฌี่งแอฌ้อง ปะ นอ”

ฮะไก 2:16

น ซื๊ง แม้ซ้ะ บี่จะเล้?, พี่ โพล้ง แฌ้ฌี้ๆ, เฌ๊ ลู่ง บืง อ โป้ง, ช๊องมอง เว๊ ม โตง นี่ อ กีโล คี๊งแย้, แบเด้าะ นอ นี่ เว๊ กีโล ล แย้ เฆาะ, พี่ โพล้ง แฌ้ฌี้ๆ, เฌ๊ ลู่ง ทพ้า อางกี ซไบ้ะแซ ที๊ง, ช๊องมอง เว๊ ม เบลิง นี่ อ เล๊ง ล แย้, แบเด้าะ นอ นี่ เว๊ อ เล๊ง ลี่งชี๊ง เฆาะ

เซคารียา 8:12

อไฌ่บี่อี้ง, ม โอ ดี๊ ท ฆวีงล้าง ทล๊าทฆวี้ อซยืงอบ้ะ, ซไบ้ะ มื่ง ม โอ ดี๊ อ แซ, ดี๊ ที๊งล่างค่างพ้า ม เกม๊า ทซูงทแซ, ดี๊ ทมุ้คู ม เกม๊า ปช้างที๊ง, ดี๊ ก ม ดึ้ เกม๊า โพล้งเฌงพูฆ๊างพู พี่ ล้างลื๊อ โอก้ะ อี้ง นอ, นี่แบก้ะ ท ลแพ อี้ง เลาพะ

1​โคเรง 3:7

โพล้ง เซิง เท่อ ฌี้, ดี๊ โพล้ง ลู๊ง เว๊ อ ที๊ง ฌี้, ล เก โพล้ง ดู โพล้ง โท๊ น่าง เม้ง แบ, กแช่ แยว้ ล้อ เก ทอดู อ โท๊, พี่ อ แม้ ดู ทาง โท๊ ทาง ท พู ท ลี้ง