ท่อง ดว้ะ ดุ้ โพล้งเฌงพูฆ๊างพู อ แฌ้ แอ ฌ้อง เย้า นอ, ดาเว นางล้างแบไท้ อ ซ้ะ แม้ ไพ้ะ เท่อ, ดาเว ไคล้ ดี๊ กแช่ยาเว ไจ้ะเว๊, “แย้ จ แม้ แบ ทเด้บ้ะ พ้ะดู, แบฆ้ะ ดี๊ เท่อ พี่ จ แม้-อ้ะ อี้ง อ ไฌ่, กแช่ยาเว-เอ้อ, เกม๊าเต้ น ทื๊งนี่นะนี่ น เพล่ อ ทเด้เทาเด้บ้ะ อี้ง ล ฌี้ ไช้ะ, เมะ เว๊ จ แม้ เท่อ เซ๊กูเฌ๊ฌ้อง เต้ๆ, ล้อ”
โยเอง 2:12
39 교차 참조
โพล้ง โชะ ไละ นอ ลี้ เฆ้ง อีซลาเอง พ้า ดี๊ ยูดา พ้า, บี่ซุ้ดี๊ กจุ้แฆว้ อ ทอางแบเลา นอ, อ ซื๊ง โชะ ดี๊ กจุ้แฆว้ ดี๊ อ กดูกแซย่ นอ อ ไละ, พี่ อ ไจ้ะเว๊, “โอ้ โพล้ง อีซลาเอง อ พู อ ลี้ง-เอ้อ, เฌ๊ไท้ฌูง ไท้ กแช่ยาเว อาบราฮาง, อีซาฮ้ะ, ดี๊ อีซลาเอง อ กแช่แยว้, บี่ซุ้ อ เว๊ ม แกยไท้ อ ซ้ะ, เฌ๊ ลู่ง น โพล้ง พี่ ล้างลื๊อก้ะ ลแพ นอ อ โอ, เมะเว๊ โพล้ง พี่ อ ไจ พ้องไฆวะ ดี๊ กเย่ กจุ้แฆว้ อะซีเรีย ลแพ นอ อ จูง
“ลี้ แดเทา, เกม๊า กุ้ซยอง นี่ โพล้ง ยู เลาพะ, พี่ อางฆื๊ง แด-อ้ะ ลู่ง ซูซา พ้า, ดี๊ ดืงอาง ทอางทโอ้ ลู่ง จ ฌ่าง, เกม๊า อาง เท่อ ดี๊ โอ้ เท่อ ล ฌี้ ซ๊านี้ง, เลา มแน้ เลา มแช๊, แย้ ดี๊ จ เพล่ มืง ม ดืงอาง ทอางทโอ้ บี่ซุ้ดี๊ แน้ ปะ, ฌ้อง นอ จ ม ลี้ฆ้าง โอ กจุ้แฆว้, ทึเมะ อ เก ทลือค๊างพะ ทอางกีล้าง ฌี้ๆ, จ เมะ แบ ซี๊ง ฌี้ นอ, จ ม ซี๊ง ล้อ”
เมะเว๊ กแช่ยาเว ไคล้ ดี๊ โมเซ เย้า ไจ้ะเว๊, “เกม๊า น โล้ เอะ โพล้ง อีซลาเอง บี่อี้ง, ‘น ซื๊ง เก โพล้ง ล ชื้อ ลู่ง อ ซ้ะ ชอง, ดี๊ ล ญ่อง เท่อ แบ, จ เมะ ลี้ทาง ดี๊ นซื๊ง ล ทีง พู เฆาะ ฌี้ๆ นอ, จ ม แม้ ล้างแม่ไฆวะ น ซื๊ง ท่อง อ เลา เฆาะ, ดี๊ ค๊องเนงอี้ง นอ, เกม๊า น เบ้าะล้างไฆวะ น ทไต้ทาง ซ้ะ นอ, บี่ซุ้ จ ม ซีงแฌ๊-อ้ะ, จ ม เกิ้ง แม้ ดี๊ น ซื๊ง บี่จะเล’, ”
เกม๊า โล้ เอะ อ ซื๊งเว๊ บี่อี้ง, ทอดูทึโท๊ทึกแช่ยาเว ไจ้ะเว๊, ก โอม๊า ได้ะ ล้างเท่งล้างชิ้ บี่จะเล้ นอ, ล แบ ก ซ้ะ ลู่ง โพล้งอ้าโพล้งซ๊าง อ ทซี๊งทแช๊ พ้า แบ, แบเด้าะ แบ ก ซ้ะ พี่ โพล้งอ้าโพล้งซ๊าง แกยไฆวะ อ ซ้ะ ดี๊ อเกล้อพ้า, ดี๊ โอม๊า เว๊ ล้อ ล เมะ แบ-อ้า?, เกม๊า แกยไท้ น ซ้ะ, เกม๊า แกยไฆวะไท้ น ซ้ะ ดี๊ น เกล้อ้าเกล้ซ๊าง, โอ้, อีซลาเอง อชื้ออชะ-เอ้อ, แม้ทเล้ น ญ่อง ซี๊ง?,
โพล้งลื่งเท่ออคู ลแพ ซีง-เอ้อ, เกม๊า เรา ตไก้ยะ กเซ้าะ ดี๊ ฌางอีงฌางเอ้า โพล้ง พี่ แม้ เท่อ ลู่ง ทลื่งล่าง-เอ้อ, เกม๊า ฌางล้างย้าล้าง กเย่ โพล้ง แม้ เอะ จ กแช่แยว้ อ เท่อ-เอ้อ เกม๊า เฌ๊ฆ้าง มี๊งโท่ ดี๊ ทซุ้ทก้อง ตไก้ยะ กเซ้าะ อไฌ่บี่อี้ง, ทลื่งทางเทว๊ทซูงทแซ, ดี๊ ทโอ้ลื่งทางเท่อ นอ ไว้ะไฆวะว๊างไฆวะ ดี๊ เด้ น กแช่แยว้ อ ล่างโอ
ฌ้อง ซามูเอง ไคล้ ดี๊ โพล้ง อีซลาเอง อชื้ออชะ เลาพะ นอ ไจ้ะเว๊, “น ซื๊งซีง เมะ แกยไท้ ซ้ะ เฌ๊ฌูง ไท้ กแช่ยาเว เลา เซิง เลา ซ้ะ นอ, น ซื๊ง แบ ญ๊องไฆวะ ทกโช้งกแช่ อ แฌ้แพ, ดี๊ ทกโช้งกแช่ อะทาโร นอ ลู่ง น ซื๊ง แกล้ พ้า, ดี๊ เกล๊างล้าง น ซื๊ง ซ้ะ เอะ กแช่ยาเว, ดี๊ แม้ เอะ อ เท่อ ล เม้ง เฆาะ, ฌ้อง อ เว๊ ม แม้พ้องพลิ้ น ซื๊ง, เกม๊า พ้องไฆวะ ดี๊ โพล้ง ฟีลีเตีย อ จูง”
광고