โยเอง 1:13 - Northern Pwo Karen Thai Bible

¹³ โพล้งลื่งเท่ออคู ลแพ ซีง-เอ้อ, เกม๊า เรา ตไก้ยะ กเซ้าะ ดี๊ ฌางอีงฌางเอ้า โพล้ง พี่ แม้ เท่อ ลู่ง ทลื่งล่าง-เอ้อ, เกม๊า ฌางล้างย้าล้าง กเย่ โพล้ง แม้ เอะ จ กแช่แยว้ อ เท่อ-เอ้อ เกม๊า เฌ๊ฆ้าง มี๊งโท่ ดี๊ ทซุ้ทก้อง ตไก้ยะ กเซ้าะ อไฌ่บี่อี้ง, ทลื่งทางเทว๊ทซูงทแซ, ดี๊ ทโอ้ลื่งทางเท่อ นอ ไว้ะไฆวะว๊างไฆวะ ดี๊ เด้ น กแช่แยว้ อ ล่างโอ

โยเอง 1:13 교차 참조

2​ซามูเอง 12:16

ดาเว อวีงซ้ะชู้ กแช่แยว้ ลู่ง พืงแซ ล แฌ้ นอ อ ฌ่าง, ดาเว โก้งอาง เท่อ ดี๊ มี๊ง ลู่ง ฌางคู คู, ซ๊างแน้คล้อง ท๊อง ทพ้าง

1​กจุ้แฆว้ 21:27

ดี๊ ลู่ง ไค๊ พี่ อาฮะ แน่ฌ๊า กแช่แยว้ อลู่งอแท๊ ลแพ อี้ง นอ, อ เว๊ ซย๊างยะล้าง อ ไช๊, ซุ้ทางก้ะ ตไก้ยะ กเซ้าะ, ดืง อาง เท่อ, มี๊ง ลู่ง ตไก้ยะ กเซ้าะ พ้า, ดี๊ ไจ ลี้ ไจ ไท้ ดี๊ นางแบล้างไท้ ซ้ะ, แม้ เท่อ ไพ้ะ

อีซยา 22:12

ดี๊ ล นี้ง แย๊ นอ, ทอดูทึโท๊ทึ กแช่ยาเว พี่ เก ซึ้คู ดูทึชองทึ กุ้นี่ เกม๊า ฌางชูฌางช้าง ดี๊ ฌางล้างย้าล้าง เลา ดี๊ เกม๊า คูฆีง โต้งโล้ง ดี๊ ซุ้ ตไก้ยะ เต่ กเซ้าะ

อีซยา 61:6

แบเด้าะ น ซื๊งเว๊ ซีง ลแพ, โพล้ง ม กุ้ น เม้ง บี่อี้ง, กแช่ยาเว อ โพล้งลื่งเท่ออคู โพล้ง ม ไคล้ แบฆ้ะ ดี๊ แน้ บี่อี้ง, น เก โพล้ง แม้ เอะ ก ซื๊งเว๊ ก กแช่แยว้ อ เท่อ น ซื๊งเว๊ ซีง ลแพ, ม อาง โพล้งกุ้ชื้อกุ้ชะ อ ทล๊าทฆวี้ ดี๊ น ม อางปฆ้า อ ซื๊งเว๊ ลแพ นอ, อ ทโอทช๊อง

เยเรมี 4:8

อกย้อง บี่อี้ง นอ, เกม๊า น ซุ้ ตไก้ยะ เต่กเซ้าะ เกม๊า ฌางล้างย้าล้าง, ดี๊ ฌางซย้ะ บี่อี้ง ‘เมะเว๊ กแช่ยาเว อ ท ซ้ะทาง พ้ะดู นอ ล นี่ แกยไฆวะ อ ซ้ะ ดี๊ เฆ้อ แบ’, ”

เยเรมี 9:10

จ ม ฌางซย้ะ, ดี๊ ฌางอื้งฌางโทะ ลู่ง ทลู่ง นอ อกย้อง ดี๊ ฌางล้างย้าล้าง, ลู่ง นางญ้าง แพะคูทเคแกล้ อกย้อง เป๊งนี่ อ แบ ท ญ๊องไฆวะ โอโปล้ก้ะ, โพล้ง ล โอ ลี้แพ๊ ไท้แพ๊ เว๊ น่างแฌ้ แบ ล แน่ฌ๊า ทพูแฆ่ โด้ง อ ลู่ง กุ้ แบ เลา ดี๊ ทู ลู่ง ทพุ้พ๊าง, ดี๊ ท พูแฆ่ ไจคุ้ซูงไฆวะ เย้า

เอเซเคียง 21:12

กโพล้ง อ พู-เอ้อ, เกม๊า ฌาง ดี๊ ฌางล้างย้าล้าง เป๊งนี่ ม เก ท ดึ้ซึ้ กพูกลี้ง ดี๊ ดึ้ซึ้ กเย่ อีซลาเอง อคูอแน่ อ ซื๊งเว๊ แบ ท จึ้ล้าง เอะ น้ะ, ล พ๊าฆ่าง ดี๊ กพูกลี้ง อกย้องบี่นอ, เกม๊า ท่างล้าง ซ้ะแน๊ มิ้ล้าง น คู

เอเซเคียง 27:31

อ ซื๊งเว๊ โล้งไฆวะ อ คู ลู่ง น ฌ่าง ดี๊ แม้นี่ ตไก้ยะ เต่ กเซ้าะ เราทะ ย่างเด้ง อ เว๊ ฌางซย้ะ ลู่ง น กย้อง ดี๊ ซ้ะ พี่ เฌ๊ฌ้อง น้ะ ดี๊ ฌางล้างย้าล้าง ดี๊ ท ซ้ะ เฌ๊ฌ้อง น้ะ

เอเซเคียง 7:18

อ ซื๊งเว๊ ล แพ นอ, ม เรา ย่างเด้ง ดี๊ ตไก้ยะ กเซ้าะ ดี๊ ท ว้ะโทะว้ะตี้ ม คลึไบ้ะ อ ซื๊งเว๊ ท ฌางแช้ฌางเด โอ อ เมะ ล้อง กุ้แฌ้ ดี๊ กุ้แฌ้ อ คูฆีง นอ, คูลี้ เว๊ ล้อ

โฮเชยา 9:5

น ม แม้ ทเม้งเล้, พี่ ท้อง มื่งนี้ง แม้ ท อ ไฌ่ ดี๊ ลู่ง กแช่ยาเว อ มื่งนี้ง ท อ ไฌ่ แม้มึอางอวีง นอ

โยเอง 2:12

กแช่ยาเว ไจ้ะเว๊ บี่อี้ง, “ทึเมะ บี่นอ ฌี้ นอ ค๊องเนงอี้ง, เกม๊า น ซื๊ง เฌ๊ไท้ฌูงไท้ เฆ้อ เลาเซิงเลาซ้ะ ดี๊ ท ดืงอาง ทอาง, ทฌางทย้า, ดี๊ ท ฌางอีงฌางเอ้า

โยเอง 2:14

โพล้งเล้ ม ซีงแฌ๊ เว๊ ซี, แบซีงลู่ง กแช่แยว้ เฌ๊ไท้, ดี๊ เปลงไท้ อ ซ้ะ เลา ดี๊ อางกี ล้างลื๊อ ทชูฌี้ ลู่ง ล่างไค๊ เมะเว๊ เกม๊า โอ ดี๊ ทเทว๊ทซูงทแซลื่งทางเท่อ, ดี๊ ทโอ้ลื่งทางเท่อ เทว๊ เอะ กแช่ยาเว น กแช่แยว้ ล้อ

โยเอง 2:17

เกม๊า กเย่ โพล้งลื่งเท่ออคู, เมะเว๊ โพล้ง พี่ แม้ เอะ กแช่ยาเว อ เท่อ นอ ฌางซย้ะ ลู่ง เติ๊งเละ ดี๊ ทลื่งล่าง อ เบ้าช้า ดี๊ เกม๊า โล้ แบ เท่อ บี่อี้ง, “จ กแช่ยาเว-เอ้อ, อวีงซ้ะชู้ ย๊างซ้ะ แบ นพูนลี้ง อวีงซ้ะชู้ เกม๊า นคองนแซย้ เก ทไคล้ ไฌ๊ซ้ะ-อ้า เก ทอางเพ๊งอางด้อง เชิ่งเชะ เท่อ, ลู่ง โพล้งกุ้ชื้อกุ้ชะ อซุ้อแกล้ พ้า-อ้า ล ฌี้ เกิ้ง ชี่-อ้า, พี่ อ เว๊ ม ไคล้ ลู่ง โพล้งกุ้ชื้อกุ้ชะ ซีง ลแพ อ โป้ง พ้า บี่อี้ง ‘อ ซื๊งเว๊ อ กแช่แยว้ โอ พี่จองเล้? ’, ”

เกล้​ท​ซ้ะวี่ง 28:14

เมะ ทโอ้ ลื่งทาง เท่อ พี่ อ กู่ง โละซ้ะ นอ, ลู่ง งู้ แพ๊ ล ดื้งๆ, อ ฌ่าง นอ, ม๊า น แม้นี่ ไซ้ะ ซไบ้ะ แซ ที๊ง คี๊ง เล๊ง, ลู่ง แกะ แพ๊ ล ดื้งๆ, อ ฌ่าง นอ, น แบ แม้นี่-อ้ะ ล เล๊ง คึ, ดี๊ ลู่ง แกะ พู ล ดื้งๆ, อ ฌ่าง นอ, น แบ แม้นี่-อ้ะ ล เล๊ง, อ อี้ง นอ เก ทลื่งทาง เช้า ทพูแฆ่ น๊างดื้ง ล แล้ ล พ๊า, เมะเว๊ แล้ กุ้ เบง ลู่ง ล เนง พ้า นอ

เกล้​ท​ซ้ะวี่ง 28:4

แกะ พู ล ดื้ง นอ ม๊า น เทว๊-อ้ะ ลู่ง โฌ้ โค๊, ดี๊ แกะ ล ดื้ง เด้าะ นอ, ม๊า น เทว๊-อ้ะ ลู่ง มื่งแฌล้างโค๊

เกล้​ท​ซ้ะวี่ง 28:7

เมะ ทโอ้ ลื่งทาง เท่อ พี่ อ กู่ง โละซ้ะ นอ, เกม๊า เทว๊-อ้ะ ล เล๊ง ลู่ง แกะ พู ล ดื้งๆ, อ ฌ่าง, เกม๊า น ลู๊งล้าง ทโอ้ ลื่งทาง เท่อ พี่ อ เก ไซ้ะ นอ, เทว๊ เอะ กแช่ยาเว ลู่ง ทแบ้แยว้ล่างลู่งอฌี้ พ้า นอ

เกล้​ท​ซ้ะวี่ง 29:6

ทลื่งทาง เช้า ทพูแฆ่ น๊างดื้ง ลู่ง มื่ง นี้ง ทางไท้ อ ซ๊าง, ดี๊ ทลื่งทาง เทว๊ ทซูงทแซ พี่ อ กู่ง โละซ้ะ, เลา ดี๊ ทลื่งทาง เช้า ทพูแฆ่ น๊างดื้ง พี่ เทว๊-อ้ะ ตเรา เฆาะ, ดี๊ ทลื่งทาง เทว๊ ทซูงทแซ, ดี๊ ทโอ้ ลื่งทาง เท่อ พี่ อ กู่ง โละซ้ะ, บี่ซุ้ดี๊ อ ทอางกีล้าง นอ โอเจ ได้ะ, ทลื่งทาง ลแพ อี้ง นอ, เก ท อ กลื่ง น๊าม๊า ลู่ง แบ กแช่ยาเว อ ซ้ะ, เก ทลื่งทาง เช้า ดี๊ มี เทว๊ เอะ กแช่ยาเว

1​โคเรง 4:1

น ซื๊ง แบ ทื๊ง-อ้ะ ก เก กแช่ เยซู คริ้ อ เพล่ อ บาง, พี่ แบ โล้ ล้าง กแช่ แยว้ อ ท คิ้งซูง คิ้บีง

1​โคเรง 9:13

น ซื๊ง ล ซีงแฌ๊ แบ-อ้า, โพล้ง พี่ อ แม้ เท่อ ลู่ง เว่งฮ๊าง พ้า นอ, นี่ อาง เท่อ พี่ นอ, พี่ อซื๊งเว๊ ลื่ง ทาง เท่อ นอ, นี่ อาง แบ ทอางลู่ง ท ลื่ง ล่าง นอ ปะ

2​โคเรง 11:23

อซื๊งเว๊ เก กแช่ เยซู คริ้ อ เพล่ อ บาง โบ่, แย้ จ เก ฌี้ นี่-อ้ะ ได้ะ, อ อี้ง จ ไคล้ บี่ ซุ้ โพล้ง พลื่ง, จ แม้ เท่อ น้ะ นี่ อซื๊งเว๊ ได้ะ, จ โอ พ้อง พ้า แอ นี่ อซื๊งเว๊ ได้ะ, จ แบ ท พลี ท ท่าง พะ ไฆวะ พ้อง ไฆวะ แอ นี่ อซื๊งเว๊ ได้ะ, จ เบ้า ม ซี๊ง ตบลึ้ พ๊า

2​โคเรง 3:6

อ เว๊ เกล๊าง เอะ ก ทซีทแบ ลู่ง ก ม แม้ เท่อ แบฆ้ะ ดี๊ ท เอิ้งล้าง อ ซ๊าง อ ฌ่าง ลู่ง อ โอ ฆึ ดี๊ ทอางแม้เลา พี่ อ แบ ท กวิ้ ล้าง เว๊ นอ ล เมะ แบ, แบ เด้าะ โอ ฆึ ดี๊ วีง ฌี้ แล้ แอว้, อ ไฌ่ บี่ อี้ง ทอางแม้เลา พี่ อ แบ ท กวิ้ ล้าง เว้ เว๊ นอ เฌ๊ โชะ ท ซี๊ง, แบเด้าะ วีง ฌี้ แล้ แอว้ เฌ๊ โชะ ท ม๊า

2​โคเรง 6:4

แบเด้าะ ก แม้ ท กุ้ อ เม้ง, เกม๊า โพล้ง แด เว๊ เฆ้อ ก เก โพล้ง แม้ กแช่ แยว้ อ เท่อ, ลู่ง ก ญ่อง ล้าง ก ซ้ะ โก้ง ท น้ะ ท โน๊ง ท แก ท เฌ้, ดี๊ โอ ลู่ง ท กไทะ กเทา พ้า

ท​เน​โพล​ทาง 11:3

แย้ จ ม เกม๊า เอะ จ พีงญาง คี๊ง แฌ้ นอ โอ ดี๊ อ ดู้ง อ ยาง, อซื๊งเว๊ ม ไต้ ทาง อ ซ้ะ ดี๊ ตไก้ยะ กเซ้าะ ฌ้อง ม โล้ ล้าง กแช่ แยว้ อ ลู่ง อ แท๊ ล ม๊า คี๊ง แย้ ฆู๊ง ชี๊ง นี้ง”