35 กแช่ เยซู โล้ แบ อซื๊งเว๊, “แย้ โย้ จ เก ทอาง ท โอ้ พี่ อ เกล๊าง ท ม๊า นอ ล้อ, โพล้ง พี่ อ เฌ๊ ฌู แย้ นอ ม ซู๊ อาง ซ้ะ เท่อ ล้า เอะ, โพล้ง พี่ อ ชู่ง แย้ นะ แย้ นอ ม ซู๊ โอ้ ซ้ะ เท่อ ล้า เอะ
วีง ฌี้ แล้ แอว้ ดี๊ เม้ากแช่ มืง โล้ เอะ กแช่ เยซู ไจ้ะ เว๊, “เฌ๊ แด เทา” เกม๊า โพล้ง พี่ อ แน่ฌ๊า ท ไคล้ อี้ง ไจ้ะ เอะ-อ้ะ ปะ, “เฌ๊ แด เทา” เกม๊า โพล้ง พี่ อ ซู๊ โอ้ ซ้ะ ที๊ง นอ เฌ๊, ดี๊ เกม๊า โพล้ง พี่ อ แบ ซ้ะ โอ้ ที๊ง ลู่ง อ เกล๊าง ท ม๊า นอ แม้ นี่ โอ้-อ้ะ เซ้อ, ล แบ เลา ท น่าง เม้ง แบ
ลู่ง กแช่ เยซู ไจ้ะ เว๊ แด, “แย้ จ เก ทอาง ท โอ้ โอ มุ้คู เฌ๊ ล้าง”, อ กย้อง นอ, โพล้ง ยู ล มู๊ง นอ เอ้งไฌ้ เท่อ แบฆ้ะ ดี๊ กแช่ เยซู อ ไฌ่
อ ซื๊งเว๊ ลแพ นอ, ล ซู๊อางซ้ะ เท่อ-อ้า, ซู๊โอ้ซ้ะ เท่อ-อ้า แบ ทคู่ ต้องแช๊-อ้า, มื่ง-อ้า, ม ล แม้เฌ๊ฌ้อง-อ้ะ แบ เมะเว๊ กแช่แยว้ พี่ ย๊างซ้ะ แบ อ ซื๊งเว๊ นอ, ม ลี้ฌ้า อ ซื๊งเว๊ ดี๊ ม ลี้ฌ้า-อ้ะ ลู่ง ที๊ง ทางชุ้
อซื๊งเว๊ ล ซู๊ อาง ซู๊ โอ้ ซ้ะ เท่อ น่าง พ๊า ล้า แบ เฆาะ, ล แบ มื่ง ต้อง แช๊ชิ้ ดี๊ ท ล คู่ แบ-อ้ะ น่าง ชุ้ ล้า แบ ล้อ
กเย่ โพล้ง พี่ จ แพ่ เกล๊าง แย้ นอ ม เฌ๊ ฌู แย้ กุ้ อ แฌ้ ล้อ, โพล้ง ลู่ง อ เฌ๊ ฌู แย้ ล แฌ้ๆ, นอ, จ ล โฌ๊ ไจ ไฆวะ-อ้ะ แบ ล้อ
โพล้ง พี่ ท ไปว้ะ อ ซ้ะ น้ะ, ดี๊ อวีง เท่อ ยุ้ เท่อ ฆ๊า ล แพ นอ ซีง-เอ้อ, เฌ๊ ฌู แย้, จ ม ดึ้ เกม๊า น ซื๊ง ซีง โอ ไปว้ะ โอ แซ ล้อ
ท น้ะ ท โน๊ง ม แบ น ซื๊ง, พี่ อ อาง กึ้ โอ้ ฆวี้ ค๊องเนง อี้ง น ม ซ้ะวี่ง ล้างดุ้ ท น้ะ ท โน๊ง ม แบ น ซื๊ง พี่ อ นี่ง ค๊องเนง อี้ง น ม แบ มอง แบ ม้ะ ฌางล้าง ย้าล้าง
อ เว๊ โล้ แบ อซื๊งเว๊ ล ทีง เด้าะ ไจ้ะ เว๊, “อ กย้อง บี่ นอ, จ โล้ แบ น ซื๊ง เย้า, จ แพ่ เมะ ล ดึ้ เกม๊า โพล้ง เฌ๊ ฌู แย้ แบ นอ, โพล้ง เฌ๊ ท้อง จ โอ ซี น่าง แฌ้ เอะ”
แบเด้าะ น ซื๊ง ล ญ่อง เฌ๊ ฌู แย้ บี่ ซุ้ น ม นี่ ท ม๊า นอ แบ
กมืง ไจ้ะ เว๊ แด, “แคว๊ โจ้-เอ้อ, ที๊ง อ นอ เกล๊าง แย้ เซ้อ, ฌ้อง จ ล ซู๊ โอ้ ซ้ะ ที๊ง ล้า แบ, จ ล แบ เฌ๊ อางดุ้ ที๊ง พี่ อี้ง ล้า แบ ล้อ”
