29 กแช่ เยซู ไจ้ะ เอะ-อ้ะ, “ลู่ง น แด แย้ อ กย้อง นอ น นะ เท่อ-อ้า, โพล้ง พี่ ล แด แย้ แบ, แบเด้าะ นะ เว๊ ล แพ นอ โอ ดี๊ ท มึ ท พ้า ล้อ”
แบ เด้าะ น ซื๊ง โอ ดี๊ ท มึ ท พ้า, พี่ น ซื๊ง แด เท่อ ลู่ง น เมะ ดี๊ แน่ฌ๊า แบ เท่อ ลู่ง น แน่ นอ ล้อ
น เซิง มึ ซ้ะ มึ ดู มะ พี่ น นะ-อ้ะ, กแช่ แยว้ อ ท โล้ นอ ม เก ทาง เต้ๆ”
โทม้ะ ไจ้ะ เว๊ แด, “จ กแช่, จ กแช่ แยว้-เอ้อ”
ท่อง อ ช๊าง กแช่ เยซู อ พู อ ลี้ง พี่ อ ลี้ ท้อง วี่ง ท พ้า ล แฌ้ นอ ลี้ นึ เว๊ ปะ, ท่อง อ แด เว๊ ฌ้อง นะ เว๊ ล้อ
กแช่ เยซู โล้ แบ-อ้ะ, “น ซื๊ง เมะ ล แด จ แม้ ท ล้ะ ท เล่ ดี๊ ปล้ะ ล้าง ท ซยื๊ง ท ซย้อง แบ นอ, น ซื๊ง ล ทื๊ง ล นะ เท่อ นอ น่าง แฌ้ แบ”
ทึ เมะ ก ล แด-อ้ะ แบ ฌี้ๆ, ก อางกี ล้าง ซ้ะ ดี๊-อ้ะ ปะ
ท ชู่ง ท นะ เมะ เว๊ ท ซีงแฌ๊ ล้างที๊ง ก ม นี่ แบ เท่อ พี่ ก มื้งแล่-อ้ะ, ดี๊ เมะ เว๊ ท เซิง เฌิ่ง ซ้ะ ค๊า ดี๊ เท่อ พี่ ก ล แด-อ้ะ แบ นอ
ลู่ง ท ชู่ง ท นะ อ กย้อง นอ, โมเซ ไจ ทาง ไฆวะ อีไย้ะ อ ค่าง พ้า, ล ซ้ะเม กจุ้แฆว้ อ ท ซ้ะทาง แบ, อ เว๊ อางกี ล้าง อ ซ้ะ เฌิ่งๆ, ค๊าๆ, บี่ ซุ้ แด กแช่ แยว้ พี่ ก แด-อ้ะ ดี๊ เมะ ล ซี แบ
ลู่ง อซื๊งเว๊ อ ท ชู่ง ท นะ อ กย้อง นอ, กแช่ แยว้ เฆว๊ อ ซ้ะ ดี๊-อ้ะ, แบเด้าะ เท่อ พี่ กแช่ แยว้ เอิ้งล้าง เว้ เอะ-อ้ะ นอ, อซื๊งเว๊ ล นี่ แบ เว๊ ได้ะ แบ
ทึ เมะ น ซื๊ง ล แด กแช่ เยซู คริ้ น่าง ชุ้ แบ ฌี้ๆ, น เอ-อ้ะ ทึ เมะ ค๊องเนง อี้ง น ล แด-อ้ะ ได้ะ แบ ฌี้ๆ, น ชู่ง-อ้ะ นะ-อ้ะ ปะ, น ซ้ะอวีง ซ้ะโทะ ดู มะ ท่อง ท้อง น โล้ ทาง ซีง ล ซี แบ
