37 พี่ จ แพ่ เกม๊า จ แม้ เท่อ, จ เมะ ล แม้ แบ นอ นะ แย้ ล ฌี้
กแช่ เยซู ไคล้ ช๊า เว๊ แด, “จ โล้ แบ น ซื๊ง ฌ้อง เย้า, แบเด้าะ น ล นะ แย้ แบ, พี่ จ แม้ เท่อ ดี๊ จ แพ่ อ ดู้ง อ ยาง ล แพ นอ เก พีงญาง ลู่ง จ ฌ่าง ล้อ
กแช่ เยซู ไจ้ะ เอะ อซื๊งเว๊, “จ แม้ ท อ ฌี้ ลู่ง น ซื๊ง เมะแซ พ้า แอ เม้ง แอ มยู๊ ท๊อง จ แพ่ เกม๊า จ แม้ นอ, น ซื๊ง ซีง แม้ นี่ โล่ง ม ไควะ ซี๊ง แย้ เป๊งนี่ ท แม้ พี่ ล เม้ง เล้”
ฟีลิ้-เอ้อ น นะ ชี่-อ้า, พี่ จ โอ ลู่ง จ แพ่ อ ซุ้, ดี๊ จ แพ่ โอ ลู่ง จ ซุ้ ปะ, พี่ จ โล้ แบ น ซื๊ง นอ ล โอ ลู่ง จ ซ้ะ พ้า เฌ๊ ทาง แด เว๊ แบ, แบ เด้าะ จ แพ่ พี่ อ โอ ลู่ง จ ซุ้ นอ แม้ อ กแช่ อ เท่อ แด เว๊ ล้อ
จ เมะ ล เฌ๊ แม้ เท่อ ล เม้งๆ, พี่ โพล้ง ล แม้ ลี้ง เว๊ น่าง ชุ้ แบ นอ, อซื๊งเว๊ ล ซีงแฌ๊ อ ท เด้บ้ะ แบ, แบเด้าะ พี่ จ แม้ เท่อ นอ อซื๊งเว๊ แด เว๊ ปะ, ฌ้อง แช๊เมะ ไฌ๊ซ้ะ ดี๊ แย้ ดี๊ จ แพ่ ปะ ล้อ
จ เมะ เก พีงญาง ลู่ง จ กแช่ อ ฌ่าง แด เว๊ นอ, โพล้ง แคว่ เว๊ ล เมะ ท อ ที๊ง อ โต้ แบ
