10 แบเด้าะ ก นี่ เปิ่งโอเปิ่งช๊อง เด้ พ้า, ก นี่ ชู่ง เท่อ, ดี๊ แม้ เท่อ กุ้เม้ง พี่ ก แพ่ โยนาด้ะ นี่ อางแบเลา เว้ เฆ้อ นอ
แบเด้าะ อ ซื๊งเว๊ ซีง ลแพ ไคล้ช๊า เท่อ ไจ้ะเว๊, “ก ซื๊งเว๊ ก ล โอ้ ไซ้ะซไบ้ะแซที๊ง แบ, เมะเว๊ เรค้ะ อ พู โยนาด้ะ พี่ อ เก ก แพ่ นอ, อางแบเลา เฆ้อ บี่อี้ง, ‘โอ้ ไซ้ะซไบ้ะแซที๊ง ล ฌี้, เลา ดี๊ น กแช่ ดี๊ นพูนลี้ง ล้างชู้ล้างแกย ล้อ
ไต้ทาง เด้า ล ฌี้, ฆวีงล้าง ทดุ้ทแล ล ฌี้, เซิงล้าง เท่อ-อ้า, โอ ดี๊ โซ๊ง ซไบ้ะ แซ ล ฌี้, แบเด้าะ เกม๊า น โอ เด้ พ้า เพล้า น ชู้, บี่ซุ้ น โญะ ม โท๊ แบ้ ม โท๊ ลู่ง น ที๊งล่างค่าง พ้า, พี่ น เปิ่งโอเปิ่งช๊อง-อ้ะ นอ’
เกม๊า น แม้ ทไฌ่ โอ เด้ พู พ้า เนว๊ นี้ง, โพล้ง กุ้ แฌ้ พี่ อ กึทาง เก โพล้ง อีซลาเอง อ ชื้อ นอ, เกม๊า อ แม้ ทไฌ่ โอ เด้ พู พ้า
