12 โอ้, ทมุ้คู-เอ้อ เกม๊า เซิงพ่องซ้ะว้ะ ดี๊ ท ล เม้ง อี้ง, เกม๊า ไพ้ะฆิ้โค๊ฆิ้, ดี๊ เกม๊า โอโปล้ ก้ะ” กแช่ยาเว โล้ เว๊ บี่อี้ง ล้อ
ทมุ้คู-เอ้อ, เกม๊า คุ้ช๊องแน เท่อ, ฌางคูโคล๊งคู-เอ้อ, เกม๊า ดุ้ แน่ เมะเว๊ กแช่ยาเว ไจ้ะเว๊ บี่อี้ง “ก นี่ ลื่ง พู ดี๊ เกม๊า อ ดูทางโท๊ทาง แบเด้าะ อ ซื๊งเว๊ นี่ กไบล้ะกแบล ดี๊ เฆ้อ
เกม๊า โอ ท ล้างตุ้ท๊า พ้า ดี๊ เซิงไพ่ซ้ะว้ะ เกม๊า แม้ไค้ะแม้โบล ล้าง น กแช่, ดี๊ เก โพล้ง เมะโบล อ ซื๊งเว๊ ซีง ลแพ ม้า เท่อ, แบเด้าะ ล เมะ ดี๊ ไซ้ะ ซไบ้ะแซ ที๊ง แบ อ เว๊ ไร้ะมื่งไร้ะไฆวะ, แบเด้าะ ล เมะ ดี๊ ไซ้ะที๊งมี่จ้าง แบ
“อกย้องบี่นอ, กแช่ยาเว ไจ้ะเว๊ บี่อี้ง เกม๊า ลี้ไจดุ้ อางจ้ะ ดุ้ แฆว่ เท่อ ลู่ง กโพล้ง กุ้ชื้อกุ้ชะ อซุ้อแกล้ พ้า บี่อี้ง โพล้ง พี่ แฌ้ เล้, แน่ฌ๊า แบ เท่อ บี่ซุ้ดี๊ อี้ง? อีซลาเอง พี่ อฌี้อแอว้ นอ นี่ แม้ ท พี่ อ ล้าง ไพ้ะฆิ้โค๊ฆิ้ น้ะ มะ ล้อ
โอ้, ที๊งค่าง, ที๊งค่าง, ที๊งค่าง-เอ้อ เกม๊า คุ้ช๊องแน กแช่ยาเว อลู่งอแท๊
จ แคว่ดุ้ ที๊งล่างค่างพ้า, ดี๊ อี้งเซ้อ, เก ทล่าง กย้ะ, ดี๊ โอ โปล้ปลิ้ ดี๊ จ แคว่ดุ้ ทมุ้คู, ลู่ง อ พ้า นอ, ล โอ ดี๊ ทโฌ่งทพ้าง แบ
ฌางคูโคล๊งคู-เอ้อ, เกม๊า คุ้ช๊องแน ไช้ะ, อี้งเซ้อ, ก ดึ้ เกม๊า ทอ้าทซ๊าง เฌ๊ล้าง แบ โพล้ง เฌงพูฆ๊างพู อี้ง เมะเว๊ อ ทโกงทแกย อซูงอแซ ล้อ เป๊งนี่ อ เว๊ ล นี่ คุ้ช๊องแน ก ทไคล้ แบ ก ทอางแม้เลา นอ, อ เว๊ ซม๊าไฆวะ เว๊ ล้อ
ทลู่ง ซีง ลแพ นอ, เลา ดี๊ ฌางคูโคล๊งคู อ ฌี่ง คางไท้ะ พี่ อโก้งอคุ้-เอ้อ เกม๊า คุ้ช๊องแน กแช่ยาเว อบ้าอคว่าง ไช้ะ เมะเว๊ กแช่ยาเว โอบ้าโอคว่าง ดี๊ อพูอลี้ง ดี๊ กแช่แยว้ ม ไคล้บ้าไคล้คว่าง ดี๊ อีซลาเอง
พี่ มื่งเทิง นอ, ท ไค้ะ ล้าง เฆ้ง ค่าง ล เบง นอ, ท้อง ซ๊า โมง มื่งไฆ่ ล้าง โค๊
“โอ้, ทมุ้คู-เอ้อ, ดุ้ น แน่, จ ม ไคล้ อวีงซ้ะชู้ ฌางคูโคล๊งคู, เกม๊า คุ้ช๊องแน ทไคล้ ลู่ง จ นุ้ พ้า อี้ง
