23 โพล้ง อีซลาเอง แบ ทกุ้ทางนี่-อ้ะ ลู่ง โพล้ง นาทาลี, ดี๊ ลู่ง โพล้ง อาเชอ, ดี๊ เฆ้ง โพล้ง มานาเซ อ แกล้ ลี้ ล้องช่อง โพล้ง มีเดียง
ท่อง ฮุ้ชาง ซี๊งไฆวะ เย้า นอ, เบดา อ พูแคว๊ ฮาด้ะ, พี่ อ ดึ้ซึ้ น้า โพล้ง มีเดียง ลู่ง ญ้าง โมอา พ้า ล แฌ้ นอ, ทาง โพะคอง เท่อ เท่งก้ะ อ ล่าง, อ เว่ง พ้ะดู นอ, อ เม้ง เว่ง อาวี ล้อ
ดี๊ ล แฌ้ๆ, นอ, แม้ซี๊ง อ กู่ง พี่ ดึ้ โละอซ้ะ ดี๊-อ้ะ นอ, โพล้ง ซีเรีย ซยู๊คุ้ซูงไฆวะ, ดี๊ โพล้ง อีซลาเอง ล้องช่อง-อ้ะ, แบเด้าะ เบงฮาดะ กจุ้แฆว้ ค่าง ซีเรีย นอ, เทา กซี ซยู๊คุ้ซูงไฆวะ ดี๊ ซึ้พู เทา กซี
กจุ้แฆว้ ค่าง อีซลาเอง ไจทาง ดึ้ซึ้ กซี ดี๊ เลาะ ดึ้ซึ้ เท่อ, ดี๊ แม้ซี๊ง โพล้ง ซีเรีย แอฌ้อง
น ซื๊ง ม โฌ๊ไจไฆวะ นดีงนแด้ ซีง ลแพ, อ ซื๊งเว๊ ลแพ นอ, ม ล้างเทะเค้า ดี๊ น น้ะ น พ้าง ลู่ง น ซื๊ง เมะแซ พ้า
ดี๊ โซ๊ง โพล้งไคล้เดิงเท่อ ลี้ เฆ้ง มานาเซ พ้า, กุ้นี่ อ ซื๊งเว๊ ม๊า ลี้ โพะ อ ไค๊ ปะ, ดี๊ โซ๊ง โพล้งไคล้เดิงเท่อ นอ ลี้ ลู่ง อาเชอ, เซบูลู, ดี๊ นาทาลี, โพล้ง ลแพ เฌ๊ทาง โอซยอง ดี๊-อ้ะ ปะ
