5 เมะเว๊ โพล้ง ลแพ อี้ง เฌ๊ทาง ดี๊ อ ทพูทแฆ่ น๊างมู๊ง ดี๊ ช๊างล้าง อ เด้, อ ซื๊งเว๊ เฌ๊ แอ แบด้อง ทวี่ ปาทางก้าล มู๊งๆ, เลา ดี๊ โพล้ง ดี๊ เอ้า โอ แอฌี่งแอฌ้อง ดว้ะ ล น้า แบ, อ ซื๊งเว๊ซีง เฌ๊ฆ้าง ดี๊ แม้ เฌ๊ฌ้อง ที๊งล่างค่างพ้า นอ
โอ้, พูมืง ลู่ง เยรูซเลง-เอ้อ จ ไพ้ะซ๊า แยซ๊า, แบเด้าะ ล้างเอล้างกวี้ง ด้องซุ้ โพล้ง เคดา อ เด้ ด้องซุ้ ซาโลโม อ ตไก้ยะ กางทะ เท่อ
โพล้ง ล นึฆ้าง โอ เว๊-อ้า นึฆ้าง เปิ่งโอเปิ่งช๊อง เว๊-อ้า น่างแฌ้ แบ, ท้อง อ พูชู้ลี้งชู้ ฌี้ นอ โพล้ง อาระ ม ล แม้ อ เด้ พี่ นอ แบ โพล้ง ลื่งแกะ ล เกม๊า อ แกะ มี๊งน้าง พี่ นอ แบ
กเย่ เอ้า ลแพ นอ, ม เฌ๊ พ้องวะ แน้ ไบ้ะไชวะ เมะเว๊ เอ้า แพ๊ เฌ๊นี่ ลู่ง มีเดียง ดี๊ เอฟา โพล้ง กุ้แฌ้ โอ นี่ ลู่ง เชบา ม เฌ๊ อ ซื๊งเว๊ ลแพ นอ, ม เฌ๊โชะ ท๊อง ดี๊ กางยาง ดี๊ ม โล้ล้าง เท่อ, แบฆ้ะ ดี๊ กแช่ยาเว อ ท ล้าง อางปฆ้า ทาง
กแช่ยาเว ไจ้ะเว๊, อ ซื๊งเว๊ ม เคาล้าง เว๊ อ เซง เค ทึเมะ นึฆ้าง ด้าง เว๊ ล ซี แบ ฌี้ๆ เป๊งนี่ อ ซื๊งเว๊ โอ อ แฌ้ แอเละ ทวี่ น๊างมู๊ง พี่ ดว้ะ ล น้า แบ นอ ได้ะ
อ ซื๊งเว๊ อ เด้, ดี๊ อ แมะ อ แกะ น๊างมู๊ง ม แบ ท ลู่นี่ ก้ะ เลา ดี๊ ตไก้ยะ กางทะ เท่อ, ดี๊ อ ทฆ้าทโฆ่ กุ้เม้ง อ เอ้า นอ, ม แบ ท แม้นี่ ไท้ ม้อง แดไฆวะ-อ้ะ ดี๊ โพล้ง ม กุ้ซย้ะ-อ้ะ บี่อี้ง, ‘ท ไพ้ะฆิ้โค๊ฆิ้ โอ กุ้แพ้’
อ ซื๊งเว๊ อ เอ้า ม เกทางก้ะ เท่อ พี่ ตมละ นี่-อ้ะ ดี๊ อ งู้ น๊างมู๊ง ม เก เท่อ พี่ ลู่นี่-อ้ะ กแช่ยาเว ไจ้ะเว๊, ก ม แม้ ที่มื่งที่พ้ะ-อ้ะ, ลี้โพะ ลี้ง อ ไค๊ กุ้แพ้ เมะเว๊ โพล้ง พี่ โล้งไฆวะ อ คูซู๊ง ลู่ง แน่เก้งไท้ะ ดี๊ ก ม ดึ้ เกม๊า ท ทอ้าทน้ะ เฌ๊นี่ ลู่ง อฆูอฆ้อง กุ้ แพ้
กแช่ยาเว ซึ้คู ดูทึชองทึ เอิ้งล้าง เท่อ ดี๊ อ กแช่ แด เว๊ ไจ้ะเว๊ “ล้างเท่ง ล้อ, ก ม เกม๊า น โอ ดี๊ โพล้ง ฆวี้ เว่ง พ้า, บี่ซุ้ดี๊ ทวี่ง น๊างมู๊ง ดี๊ อ ซื๊งเว๊ ลแพ นอ, ม แม้เซ๊ อ ลู่ง ซองลี้ น้า แน้”
โพล้ง อ ชื้อ พี่ น ล ซีงแฌ๊-อ้ะ น่างชุ้ แบ นอ, ม เฌ๊ อางก้ะ น ทซูงทแซ ทดุ้ทแล, ดี๊ อางก้ะ น จูงล่างคางคู, อ เว๊ ม แคแนแคแก้ แน้, ดี๊ ไย่เละค๊างพะ แน้ ครึๆ, ล้อ
กเย่ โพล้ง มีเดียง, ดี๊ อามาเละ, ดี๊ โพล้ง มื่ง ทาง มี๊ง ลู่ง ทลู่ง คางไท้ะ แอ ด้องซุ้ ทวี่ ปาทางก้า น๊างมู๊ง, โอ ดี๊ อ เอ้า น๊างมู๊ง ดว้ะ ล น้า แบ, แอ ด้องซุ้ มิ้ ปางเล พ้าไท้ะ
เซบา ดี๊ ซางมูนา โอ ลู่ง เว่ง คาระโค พ้า ดี๊ ซึ้พูมู๊ง ซึ้พู โอ เมาะ ล ไซ เย่ ม๊า แฌ้, เก โพล้ง มื่ง ทาง ล โค๊ อ ซึ้พูมู๊ง พี่ อ ล้างลื๊อก้ะ เลาพะ นอ, เมะเว๊ พี่ อ โชะ น้ะ ลแพ นอ ซี๊ง ไฆวะ อ แฌ้ ล ล้าง คี๊ง ไซ
เซบา ดี๊ ซางมูนา ไจ้ะเว๊, “เกม๊า น กแช่ นอ เซ้อ เฌ้เทิงทาง แม้ซี๊ง เฆ้อ, เมะเว๊ เมะ เก โพล้ง นี่ แซย่ นอ อ ไฌ่ อ แบ้ ม นี่ ชอง บี่นอ ล้อ”, กีเดโอง เฌ้เทิงทาง แม้ซี๊ง เซบา ดี๊ ซางมูนา ฌ้อง แม้นี่ก้ะ เว๊ อ ทแม้ไน แล้ อ ฌ้าง ล ไก้ พี่ อ แม้ ฆี๊ง อ ซื๊งเว๊ อ เอ้า อ โคะบ้อง ล้อง นอ
ดาเว แม้ซี๊ง กล้าง ซี๊ง อ ซื๊งเว๊, ล โค๊ ลู่ง ทไค้ะเยาะยะล้าง, ท้อง ลู่ง มื่งแฌล้าง ลู่ง ไค๊ ล นี้ง เด้าะ, โพล้ง แคว๊ ไจ พ้องไฆวะ ดี๊ ทแม้ซี๊ง ล โอ น่าง แฌ้ แบ, โอ เว๊ ที่ โพล้ง แคว๊ ลี่ง แย้ แฌ้, พี่ อ เทา เอ้า ไจคุ้ซูงไฆวะ ลแพ นอ ล้อ
