16 แบทเล้?, น ชี๊น้าง ลู่ง แกะ อ พ้อง ไท้ะ บี่ซุ้ ม ช๊องแน ปี้ง อ ลู่ง พี่ อูงเซ๊ เอะ แกะ ลู่ง รูเบง อ ชื้อ ล ดองๆ, นอ, อ แกล้ โอ ดี๊ ทช๊องมองแคว่ที๊งล้าง ซ้ะ
“อีซาคา เก แลว้ พี่ โอ ดี๊ อไฌ่อแบ้ แอ โคะฌืงล้าง ลู่ง อ แค่ เบ้าช้า พ้า
ทึเมะ แบ ไล๊ดุ้ ฌี้ นอ, แม้ ทเด้บ้ะ ล ฌี้ เกม๊า ช๊องมองแคว่ที๊ง เท่อ ลู่ง ซ้ะพ้า, พี่ โอ ลู่ง ล่างมี๊งคู อ แค๊, ดี๊ โอกโช้ ไก้ไม่ นอเซ่-ลา
ทึเมะ น ซื๊ง มี๊งน้าง, โอ ลู่ง แกะ อ พ้อง พ้า ฌี้ นอ ทูลี่ง แอว้ อ ได้ะ บึ้ ดี๊ จี้ ดี๊ อ ได้ะ บึ้ ดี๊ ท๊อง ลู่ง อ แย ฌี้
จ นางแบทางไท้ จ แท๊ซ้ะอวีง ลู่ง มแน้แค๊ จ ช๊องมองแคว่ที๊ง เท่อ ดี๊ จ ซ้ะ, ดี๊ จวีงจแล้ นอ, อางฆื๊งนี่ เว๊
เกม๊า น ไต้ทางนี่ เว่ง ลู่ง น พู ปี๊ ลแพ นอ อ ฌ่าง, ดี๊ ไต้ทางนี่ เอะ น แมะ, น แกะ อ พ้อง, ฌ้อง แม้โพะ น ทเอิ้งล้าง เว้ อ ไค๊ อี้ง”
แบเด้าะ โมเซ ไคล้ ดี๊ รูเบง อ ชื้อ, ดี๊ กะ อ ชื้อ ไจ้ะเว๊, “ม เกม๊า น น๊างพื่งวี่ ลี้ ดึ้ เท่อ, แบเด้าะ น ซื๊ง เว๊ น ม โอโท๊ พี่ อี้ง ม เกิ้ง ชี่-อ้า?
โพล้ง อ แฌ้แพ กุ้ อ แฌ้ แคว่ ล้าง ที่ อ กแช่ อ ซ้ะ แด เว๊, ล เฌา แม้ เท่อ ลู่ง กแช่ เยซู คริ้ อ ฌ่าง พ้า แบ
อซื๊งเว๊ ม เซงทื่งเฌ๊ฌ้อง, อ ไฌ่ บี่ อี้ง อ โฌ่งโพ๊ง เก อ กแช่, อ เซิง มึ ซ้ะ มึ ดี๊ เท่อ พี่ เกิ้ง เก ท ฌางแช้ ลู่ง อ ฌ่าง, ดี๊ ช๊องมอง ที่ เท่อ พี่ อ โอ ลู่ง ฌางคู โคล๊ง คู อี้ง ล้อ
กเย่ อีซาคา อ กดูกแซย่ นอ เฌ๊ ดี๊ เดโบรา ดี๊ บาร้ะ แม้ บี่จะเล้ นอ, อีซาคา แม้ เว๊ ปะ อ ซื๊งเว๊ ปชื่ง ลี้ช่อง แน้ ลู่ง ทลู่ง คางไท้ะ โอ ดี๊ ทช๊องมองช๊องม้ะ พ้ะดู ลู่ง ซ้ะ พ้า ล พ๊า ลู่ง รูเบง อ ชื้อ ล ดองๆ, นอ, อ แกล้
