ยาเก้า 1:14 - Northern Pwo Karen Thai Bible

¹⁴ แบเด้าะ กุ้ อ แฌ้ แบ ท โก้ไละ นี่-อ้ะ, เป๊งนี่ ท ซ้ะกวี้ง ล๊องก้อง โล๊ไละ นี่ อ กแช่ อ ซ้ะ, ดึ้ เกม๊า แม้ โพะ อ ไค๊ บี่ นอ

ยาเก้า 1:14 교차 참조

ทอคางไท้ะ 3:6

ท่อง กมืง นอ, แด เว๊ เซง นอ ฌี้, ล้าง อาง, เลา ดี๊ เก เซง พี่ ล้าง แบเซิงแบซ้ะ, พี่ ดึ้ เกม๊า ทโกงซีมองแบ กึทาง, อกย้องบี่นอ, อ เว๊ แม้นี่ เซง อ แซ นอ อาง เว๊, ฌ้อง เนฆ้าง เกม๊า อ แว้ พี่ โอ ดี๊-อ้ะ นอ, อาง ปะ, อ เว๊ อาง เว๊ เฆาะ

ทอคางไท้ะ 6:5

กแช่ยาเว แด เว๊ กโพล้ง อ ทอ้าทซ๊าง โอ ฌางคูโคล๊งคู แอ, ดี๊ แด เว๊ อ ทช๊องมอง เฌ๊ทาง นี่ ลู่ง อ เซิงพ้าซ้ะพ้า เลาพะ นอ, โอที่ ทอ้าทซ๊าง อไฌ่อกย้อง น๊างบ้องน๊างเย้ นอ ล้อ

ทอคางไท้ะ 8:21

กแช่ยาเว น๊า แบ ท กลื่ง พี่ แบ อ ซ้ะ เย้า นอ, ช๊องมอง เท่อ ลู่ง อ ซ้ะ พ้า ไจ้ะเว๊, “ก ล ชูอ้า ฌางคู คู ล้า แบ, ทึเมะ กโพล้ง ล ฌี้ แบ, เป๊งนี่ กโพล้ง อ ท ช๊องมอง ทาง ลู่ง อ ซ้ะ พ้า, โอ ที่ ทอ้าทซ๊าง, โค๊ ลู่ง อ พืงแซ แค๊ เย้า ฌี้ นอ, ก ล แม้ เฌ๊ฌ้อง ท พี่ อ โอม๊า กุ้เม้ง, ด้องซุ้ พี่ ก นี่ แม้ -อ้ะ เย้า นอ ล้า แบ

2​ซามูเอง 11:4

ดาเว โซ๊ง โพล้งไคล้เดิงเท่อ เกม๊า อ ลี้, ดี๊ โพล้ง เฌ๊ฌ้า โพล้ง มืง นอ, ฌ้อง อ เท่อ เฌ๊ฆ้าง โอ-อ้ะ, ฌ้อง อ เว๊ มี๊ง เว๊ ดี๊-อ้ะ, (ล พ๊า แย๊ นอ, แบ เว๊ พี่ โพล้ง มืง ล แฌ้ นอ, อ ทแบอ้า ล้างแม่ไฆวะ ฌ้อง เมาะ), ฌ้อง โพล้ง มืง ล แฌ้ นอ, ไท้ อ เด้า ไวะ

โยบา 31:27

ฌ้อง จ ซ้ะ แบ ทโล๊ไละโก้ไละ คุ้ซูง นี่-อ้ะ ดี๊ จ จูง โซ๊ง ทอางเช้า เอะ มื่งแล้

โยบา 31:9

“จ ซ้ะ เมะ แบ ทโล๊ไละโก้ไละ, ม๊า ลี้ฌูง กมืง ดี๊ จ นี่ โอคุ้ซูง ลู่ง จ ฌุ้พาง อ เกล้ ป้ะตู๊งไท้ะ นอ

ทอางด้อง 4:23

เกม๊า ปโล่ปด้าง น ซ้ะ แอเละ เท่อ อ แฌ้แพ เมะเว๊ เท่อ กุ้เม้ง พี่ น แม้ นอ, ไจทางนี่ ลู่ง ซ้ะ พ้า ล้อ

อีซยา 44:20

อ เว๊ อาง พี๊แคล, ซ้ะ พี่ อางโล๊ไละ เท่อ นอ, ลี้ฌ้า-อ้ะ เกม๊า อ เฌ๊พลุ้, อ เว๊ แม้พ้องพลิ้ ล้าง อ ซ้ะ ล ซี แบ, ดี๊ ไคล้ บี่อี้ง ล ซี แบ, “โอ ดี๊ ท อางโล๊ไละ ลู่ง จ จูง ฆุ้ ล โค๊ ล เมะ แบ-อ้า?”

โฮเชยา 13:9

โอ้, อีซลาเอง-เอ้อ, ก ม แม้เฌ๊ฌ้อง แน้ โพล้งเล้ ม แม้ช้า แน้ ซี?

ม้ะทู 15:18

แบ เด้าะ เท่อ พี่ อ โอ นุ้ พ้า ไจ ทาง นอ, เฌ๊ ทาง ลู่ง ซ้ะ พ้า, ท ล เม้ง แย๊ นอ, แม้ แบ อ้า แบ ซ๊าง โพล้ง ล้อ

ม้ะทู 15:20

ท ล แพ แย๊ นอ แม้ แบ อ้า โพล้ง ล้อ, แบ เด้าะ พี่ ม อาง มี้ ซฌ้ะ จูง ล แบ อ เค้อะ แบ นอ, ล แม้ แบ อ้า แบ ซ๊าง โพล้ง แบ”

ม้ะทู 4:1

ท่อง อ ช๊าง นอ, วีง ฌี้ แล้ แอว้ ลี้ ฌ้า กแช่ เยซู ลู่ง แพะคู ตเค แกล้ โอ พี่ นอ บี่ ซุ้ ม้างโค้ไล่ ม เฌา โก้ไละ นี่-อ้ะ

ม้ะทู 5:28

เมะ ยี๊ แด จ โล้ เอะ น ซื๊ง บี่ อี้ง, โพล้ง พี่ ล แฌ้ เล้ แคว่ กมืง ฌ้อง ล๊องก้อง เว๊, โพล้ง ล แฌ้ นอ, เอโบ้ง เท่อ ลู่ง อ ซ้ะ พ้า ดี๊ กมืง ล แฌ้ นอ เย้า

โรมา 7:11

อ ไฌ่ บี่ อี้ง ท เด้บ้ะ เจ่ เซ๊งพ้า ท้างพ้า อางโล๊ แย้ ดี๊ แม้ ซี๊ง แย้

โรมา 7:13

เมะ บี่ นอ ท อ ฌี้ แม้ ซี๊ง แย้ โบ่, ล เมะ แบ เฆาะ, ท เด้บ้ะ ล้อ แม้ ซี๊ง แย้, ท เด้บ้ะ เจ่ ท อ ฌี้ แม้ ซี๊ง แย้ บี่ ซุ้ ม โพล ทาง อ ซ้ะ ล้างที๊ง, ท บี่ นอ ท อางแม้เลา ปล้ะ ล้าง ท เด้บ้ะ อ มยู๊ อ จะ เต้ๆ

เอเฟโซ 4:22

ท บี่ นอ, แม้ ซ้ะ บี่ ซุ้ อ พ้อง ไฆวะ ล้า ล ฌี้, ญ๊อง ไฆวะ น ซ้ะ ล่างลี้ง พี่ อ ม เฌ๊ฌ้อง ไฆวะ, เป๊งนี่ น ซ้ะกวี้ง ล๊องก้อง ท ล ฌี้ ล แอว้ แบ นอ ไช้ะ

ฮีบรู 3:13

เกม๊า น ซื๊ง แม้ มึ ทาง ชอง ทาง โละ ซ้ะ กุ้ มื่ง นี้ง, อ ไฌ่ บี่ อี้ง, ไละ ฌี้ ไละ แอว้ อ ท ไคล้, “ล นี้ง แย๊ อี้ง”, นอ แบฆ้ะ ดี๊ เฆ้อ เพล้า ชู้, แม้ บี่ อี้ง บี่ ซุ้ โพล้ง ลู่ง น ซื๊ง แกล้ ล โอ น่าง แฌ้ แบ, พี่ อ แบ ท เด้เทา เด้บ้ะ อางโล๊ นี่-อ้ะ ดี๊ แม้ ชอง เว๊ อ เซิง อ ซ้ะ

ยาเก้า 1:13

โพล้ง พี่ ล แฌ้ เล้, เมะ แบ ท โก้ไละ นี่-อ้ะ ลู่ง ท แก ท เฌ้ อี้ง อ กย้อง, เกม๊า โพล้ง ล แฌ้ นอ ไคล้ บี่ อี้ง ล ฌี้, “อ๊า, กแช่ แยว้ โก้ไละ นี่ แย้”, อ ไฌ่ บี่ อี้ง, ท อ้า ท ซ๊าง นอ โก้ไละ นี่ กแช่ แยว้ ซี เอะ, ฌ้อง กแช่ แยว้ นอ ล โก้ไละ นี่ โพล้ง แบ

ยาเก้า 1:15

พี่ ท แม้ โพะ ท ซ้ะกวี้ง ล๊องก้อง อ ไค๊ นอ, เก ทาง ท เด้บ้ะ, ฌ้อง ท่อง ท เด้บ้ะ ดู ทาง เย้า นอ, เก ทาง ก้ะ ท ซี๊ง นอ ล้อ