11 พี่ มื่ง ทาง ท คู่ ล้าง เฆ๊ กเอ้ นอ, ดึ้ เกม๊า นาง ล้างไย้ะ ล้างไฆ๊, ฌ้อง อ โพ๊ นอ, ล้างดิ้ ไฆวะ, ดี๊ แคว่-อ้ะ ล ฌี้ ล้า นอ, เฌ๊ฌ้อง เลา ปะ, บี่ ซุ้ ดี๊ นอ โพล้ง ท โอ ท ช๊อง นอ, ม ล้างแม่ ไฆวะ พี่ ล โท้ แย๊ อ แม้ เท่อ อ แค๊ ปะ ล้อ
โพล้ง ล ชื้อ แด อ ซ้ะ ม ล้างแช่ ล้างไฆ๊ ดี๊ ว้ะโทะ ไจทางไฆวะ ลู่ง อ ล่าง ทุ้กดื้ง ซ้ะ, พี่ อเฌิ่งอค๊า นอ
จ มื่งนี้ง อช๊าอโท่, บี่ซุ้ดี๊ กดื้งแล้ ลู่ง มื่งแฌล้างโค๊ จ ล้างไย้ะไฆวะ บี่ซุ้ดี๊ นาง
จเซิงจซ้ะ, แบ ทแม้เฌ๊ฌ้อง-อ้ะ, ดี๊ ล้างไย้ะไฆวะ, บี่ซุ้ดี๊ นาง จ ล ซีงแฌ๊, ซู๊อางซู๊โอ้ ซ้ะ เท่อ แบ
เมะ กโพล้ง นอ, อ มื่งนี้ง อช๊าอโท่ บี่ซุ้ดี๊ นาง อเว๊ ดูทางโท๊ทาง, บี่ซุ้ดี๊ ทโพ๊ ลู่ง ไชะ พ้า
เมะเว๊ ล ไยะ ล้าแบ นอ, อซื๊งเว๊ ม ล้างไย้ะ บี่ซุ้ดี๊ นางมื่งเทิง ดี๊ ไฆ๊ไฆวะ, บี่ซุ้ดี๊ ทดุ้ทแล พี่ อ แล๊ ลี้ง นอ
เต้ๆ, ล้อ กโพล้ง ลี้ๆ, ไท้ๆ, ด้องซุ้ กดื้งแล้ เต้ๆ, ล้อ, อเว๊ เติ้งทางเติ้งล้าง โปล้ๆ, ล้อ อเว๊ แว่ อางกีซยองนี่ คองแซย้, ดี๊ ล ซีงแฌ๊ เว๊ แบ โพล้งเล้ ม แม้นี่ก้ะ เว๊”
อช๊าอโท่ ลู่ง โฌ้โค๊ นอ, พ้ะทาง, ดี๊ เมทาง ท่อง มแฌล้าง นอ, ล้างเทะ ดี๊ ล้างไย้ะไฆวะ
อ เว๊ กึทาง นี่ ลู่ง มู่ อ ฌู่โพ๊ง พ้า โอ โบลงโกง บี่จะเล้ นอ, อ เว๊ ม ไท้ไท้ ได้ะ บี่ซุ้ดี๊ นอ ปะ ล้อ, ดี๊ อ เว๊ ม แม้นี่ ทเม้งเล้, พี่ เก อ ทไพ้ะทแม้ น้ะ อซูงอแซ, ไท้โชะ เว๊ ล ซี น่างเม้ง แบ ล้อ
ทเซงทื่งเฌ๊ฌ้อง แบ โพล้ง ม้า เท่อ ชอง ลู่ง เอฟาอีง ซีง ลแพ, อ คูคล้าง พี่ ทื่งดู ล้างซ้ะ ดี๊ ทเซงทื่งเฌ๊ฌ้อง แบ อ ทโพ๊ ลู่ง อฌี้อแอว้ ดี๊ อฆี๊งอแล้ พี่ อ ดี้งล้างไฆวะ พี่ โอ ทลู่ง อ จ้องคู ลู่ง ทแด้ พ้า อกู้งอล๊า, พี่ ล้างเคลิ่ง ดี๊ ไซ้ะ ซไบ้ะแซ ที๊ง
ดี๊ อ ทโพ๊ ลู่ง อฌี้อแอว้ ดี๊ อฆี๊งอแล้ พี่ อ ดี้งล้างไฆวะ พี่ โอ ทลู่ง อ จ้องคู ลู่ง ทแด้ พ้า พี่ อกู้งอล๊า ม เก บี่ซุ้ดี๊ กูงเย้ เม๊ง อ ต้องคู ล คลึ้ ท้อง ทคู่แค๊ แบ พี่ โพล้ง แด เว๊ นอ, อางไฆวะ เว๊ ลทีงฆ่าง พี่ อ แซ เฌ๊ท้อง อ จูง นอ
อ ซื๊งเว๊ ลแพ นอ, ล ซู๊อางซ้ะ เท่อ-อ้า, ซู๊โอ้ซ้ะ เท่อ-อ้า แบ ทคู่ ต้องแช๊-อ้า, มื่ง-อ้า, ม ล แม้เฌ๊ฌ้อง-อ้ะ แบ เมะเว๊ กแช่แยว้ พี่ ย๊างซ้ะ แบ อ ซื๊งเว๊ นอ, ม ลี้ฌ้า อ ซื๊งเว๊ ดี๊ ม ลี้ฌ้า-อ้ะ ลู่ง ที๊ง ทางชุ้
แบ เด้าะ ท่อง มื่ง ทาง ต้อง แบ เว๊ นอ, ล้างไย้ะ ล้างไฆ๊ เลา ปะ, เป๊งนี่ เช้ อ ฌี่ง โยะ ล ซี แบ, ล้างซี๊ง ไฆวะ เลา ปะ ล้อ
‘โพล้ง พี่ อ เฌ๊ แม้ เท่อ ลู่ง ไค๊ ทึ ล แพ นอ, แม้ แบ เท่อ ล โมง ล้อ, ก เว๊ ลโค๊ ก แม้ เท่อ น้ะ ท คู่ แกล้ เซ๊งนี้งคล้อง, น เกล๊าง อ คางเล้ง ที๊ ซุ้ๆ, ดี๊ น เกล๊าง เฆ้อ ปะ บ เล้ เด้าะ’
ทึ เมะ นาง นอ กแช่ แยว้ แม้ ฌี้ เว๊, พี่ อ เก ได้ะ ล นี้ง แย๊ อี้ง, เมะ ลู่ง โฌ้ โคะ ม แบ ท ไควะ ล้าง ไฆวะ-อ้ะ มี อ้า พ้า ล้อ, น ซื๊ง ท ชู่ง ท นะ ปี๊ น้ะ เล้, กแช่ แยว้ ม ไต้ ฌี้ น ซื๊ง ลือ นี่ นอ ได้ะ, เมะ เอะ-อ้า
ท่อง มื่ง ทาง ต้อง แบ เว๊ นอ ล้างไย้ะ ล้างไฆ๊ เลา ปะ, เป๊งนี่ เช้ อ ฌี่ง โยะ ล ซี แบ, ล้างซี๊ง ไฆวะ เลา ปะ ล้อ
โพล้ง พี่ อ เจ่ เท่อ ลู่ง ฌางคู โคล๊ง คู อี้ง นอ, เกม๊า แม้ อ ซ้ะ บี่ ซุ้ ล เจ่ เท่อ ลู่ง ฌางคู โคล๊ง คู นาง เม้ง แบ, เมะ เว๊ ฌางคู โคล๊ง คู พี่ ก แด-อ้ะ ค๊องเนง อี้ง นอ, โอ ล ไยะ ล้า แบ
ท บี่ นอ, ก โอ คุ้แท๊ พี่ ก ม นี่ แบ ท อ ฌี้ ลู่ง อ ดู ทึ, พี่ กแช่ แยว้ อางกี ล้าง เว้ เอะ น ซื๊ง, ลู่ง ท มุ้คู ท อ ฌี้ อี้ง นอ, เฌ๊ฌ้อง ล ซี แบ, ล้างอืง ล ซี แบ, ดี๊ ล้างแม่ ล ซี แบ เฆาะ
ท่อง โพล้ง ลื่ง แกะ ดู ทึ ล แฌ้ นอ เฌ๊ เนโพล ทาง อ ซ้ะ โคะ นอ, น ซื๊ง ม นี่ แบ ท ฆี๊ง ท แล้ เก คูคล้าง พี่ อ เฌ๊ฌ้อง ล ซี แบ
