อีซยา 9:15 - Northern Pwo Karen Thai Bible

¹⁵ โพล้งเม้งโพล้งแซย่ ดี๊ โพล้ง อ เม้งดูแซโท๊ นอ, เมะเว๊ คูฆีง แบเด้าะ โมไคล้คิ้กแช่แยว้ ดี๊ โพล้ง ซอง กไบล้ะกแบล เท่อ นอ, เมะเว๊ มี่ก้อง

อีซยา 9:15 교차 참조

1​กจุ้แฆว้ 13:18

อ เว๊ ไคล้ ดี๊-อ้ะ ไจ้ะเว๊, “แย้ จ เก โมไคล้คิ้กแช่แยว้ บี่ซุ้ดี๊ แน้ ปะ ล้อ, ทมุ้คูพู โอ ล แฌ้ เฌ๊ โล้ แบ แย้ ดี๊ กแช่ยาเว อลู่งอแท๊ ไจ้ะเว๊, ‘เกม๊า อ ไท้ ลู่ง เด้า ดี๊ แน้, บี่ซุ้ อ เว๊ ม อาง แบ ทอาง ดี๊ โอ้ แบ ที๊ง’, ”, แบเด้าะ คีงอูง เว๊ นอ ล้อ

โยบา 22:8

โพล้ง พี่ โอ ดี๊ อดู้งอยาง ดู นอ, นี่ แบ ฌางคู ล่าง เก อ เท่อ ดี๊ โพล้ง พี่ โอ ดี๊ อฌ้องอเก นอ, นี่ นึฆ้าง เปิ่งโอเปิ่งช๊อง เว๊

อีซยา 19:15

ท ล โอ น่างเม้ง แบ, พี่ โพล้ง ม แม้ เว๊, บี่ซุ้ แม้ช้า อีไย้ะ ซี เมะ ม เก คู เมะ ฌี้, มี่ เมะ ฌี้, ท๊างแล-อ้า เมะ ฌี้, พ่อง พูปี๊-อ้า เมะ ฌี้

อีซยา 23:9

กแช่ยาเว ซึ้คู ดูทึชองทึ ช๊องมองเว้ทแม้ บี่ซุ้ ม แม้ไฆวะ ท ทื่งดู ล้างซ้ะ ลู่ง ทฆี๊งทแล้ พ้า เลาพะ ดี๊ บี่ซุ้ ม ดึ้เดวทื่งแช้ โพล้ง โอ ดี๊ อฆี๊งอแล้ กุ้แฌ้, ลู่ง ฌางคูโคล๊งคู

อีซยา 28:15

เมะเว๊ น ซื๊ง ไคล้ บี่อี้ง, “ก นี่ แม้ ทเอิ้งล้าง ดี๊ ทซี๊ง เย้า ดี๊ ก นี่ แม้ ทเอิ้งล้าง โละซ้ะ ดี๊ พลื่งค่าง ท่อง ทอ้าทน้ะ เฌ๊ แยว้ล้าง นอ ม ล เฌ๊ท้อง เฆ้อ แบ เมะเว๊ ก แม้ เกม๊า ท กไบล้ะกแบล เก ก ทล่าง ทุ้กดื้ง ซ้ะ ดี๊ ก แบ ท กดื้งทะ ดี๊ ท คีงอูง”

อีซยา 28:17

ดี๊ ก ม ต๊างทาง ท อเกิ้งอแบ เก พลี้ง ทู เท่อ ดี๊ ทแบกแช่แยว้อซ้ะ เก นางทู แซ ฌ้อง มื่งแซ ม กว้ะไฆวะ ท กไบล้ะกแบล, พี่ เก ทล่าง ทุ้กดื้ง ซ้ะ ดี๊ ที๊ง ม แยว้ล้าง ล้างพะ ทล่าง ทุ้กดื้ง ซ้ะ”

อีซยา 28:7

อ ซื๊งเว๊ ล แพ อี้ง, ว้างมื่งว้างไร้ะไฆวะ ดี๊ ไซ้ะ ซไบ้ะแซ ที๊ง บี่ซุ้ โละซ้ะ ปะ ดี๊ เด้งเค๊งแดฆ้าง ดี๊ ไซ้ะที๊งมี่จ้าง โพล้งลื่งเท่ออคู ดี๊ โมไคล้คิ้กแช่แยว้ นอ, ว้างไร้ะว้างพาง ดี๊ ไซ้ะที๊งมี่จ้าง อ ซื๊งเว๊ ลแพ นอ, คูเยิ้งแน่เยิ้ง ดี๊ ไซ้ะ ซไบ้ะแซ ที๊ง อ เว๊ เด้งเค๊งแดฆ้าง ดี๊ ไซ้ะที๊งมี่จ้าง อ ซื๊งเว๊ แด ท แด เว้ ลเมะลโต้ แบ อ เว๊ บึ้ทะ ลู่ง ท ต้ะเซ๊ง พ้า

อีซยา 29:10

เมะเว๊ กแช่ยาเว ลู๊งล้าง เซิงซ้ะ ลู่ง ทมี๊งทวี่ ล้าง ลู่ง น ซื๊ง เช๊คู ดี๊ กาไบ้ะ น เมะคลี๊ง เมะเว๊ กเย่ โมไคล้คิ้ แยว้ นอ ดี๊ คลึไบ้ะ น คู, เมะเว๊ น โพล้ง พี่ อ พ้ะเว้ เท่อ นอ

อีซยา 3:12

แบเด้าะ โพล้ง ล ชื้อ ฆ่าง ดี๊ เฆ้อ นอ, พืงดี้งพืงแซ เก โพล้ง แคแน-อ้ะ ดี๊ กมืง โพะคอง อ ซื๊งเว๊ โอ้, โพล้ง ล ชื้อ ดี๊ เฆ้อ-เอ้อ, นคูนแน่ ดึ้ เกม๊า น เฌ๊พลุ้ เกล้ เลา ดี๊ ดึ้ เกม๊า น ซื๊ง เกล้ บีงบูง

อีซยา 3:5

ดี๊ โพล้งเฌงพูฆ๊างพู ม แคแน โละ อ ซ้ะ ล แฌ้ๆ, ม แคแน โพล้ง อ แฌ้แพ ดี๊ ล แฌ้ๆ, ม แคแน อ ฌุ้พาง พืงดี้งพืงแซ ม ลือค๊างพะ โพล้ง เซิงแซย่ซ้ะกิ้ ดี๊ โพล้ง ม อ้า ม ซ๊าง ดี๊ โพล้ง พี่ โอ ดี๊ อฆี๊งอแล้

อีซยา 43:27

นพี๊งนพู๊ง ลู่ง แย๊ อู้ง, อ ต้องคู ล แฌ้ นอ, แม้ ทเด้บ้ะ ดี๊ น โพล้ง พี่ อ ไคล้ช้า แน้ นอ, กไบล้ะกแบล ดี๊ เฆ้อ

อีซยา 5:13

อกย้องบี่นอ, โพล้ง เฆ้อ ก ชื้อ ล้างแบ เก ทฆ่อง ลู่ง ล ซีงแฌ๊แน่ฌ๊า เท่อ แบ อกย้อง อ โพล้ง คูดูโมะโท๊ เก โพล้ง ซู๊อางซู๊โอ้ ซ้ะ เท่อ ดี๊ อมู๊งอโฌ่ นอ, ซู๊งไฆ๊ ลู่ง ท ซู๊อางซู๊โอ้ ซ้ะ เท่อ อกย้อง

อีซยา 59:3

เป๊งนี่ น ซื๊ง จูง แบอ้า ดี๊ ทซวีง ดี๊ น จูงโน้ง แบอ้า ดี๊ ทเด้บ้ะ ออ้าอซ๊าง น ซื๊ง นุ้เฌะ ไคล้ คีงอูงคีงตู๊ง เท่อ น พลี้ ไคล้พลื่งไคล้มวี๊ง ทอ้าทซ๊าง

อีซยา 59:4

โพล้ง ล โอ ฟ่อง กุ้ทาง เท่อ ลู่ง อเกิ้งอแบ น่างแฌ้ แบ โพล้ง ล โอ ดึ้ บ้าคว่าง ลู่ง อโต้อล้อง น่างแฌ้ แบ อ เว๊ อางกีล้าง อ ซ้ะ ดี๊ ท พี่ อซูงอแซ ล โอ แบ, อ เว๊ ไคล้ คีงอูง เท่อ อ เว๊ ด้าทาง นี่ ทอ้าทซ๊าง, ดี๊ กึทาง ทเด้บ้ะ

เยเรมี 23:32

อี้งเซ้อ, ก ดึ้ โพล้ง ลแพ นอ, พี่ โล้ล้าง กไบล้ะกแบล ท อางมี๊งม่าง”, กแช่ยาเว โล้ เว๊ บี่อี้ง ล้อ, “ดี๊ โพล้ง พี่ โล้ เท่อ, ดี๊ ลี้ฌ้า กพูกลี้ง เกม๊า อ เฌ๊พลุ้ไฆวะ, ลู่ง อ ทไคล้ คีงอูง พี่ ล ช๊องมอง เท่อ แบ, พี่ ก ล นี่ เจ่-อ้ะ-อ้า, อางแบเลา-อ้ะ-อ้า แบ, อกย้องบี่นอ, อ เว๊ ล ล้างเปิ่งล้างเอ้ง ลู่ง โพล้ง ล ชื้อ อี้ง อ ฌ่าง น่างเม้ง แบ เฆาะ”, กแช่ยาเว โล้ เว๊ บี่อี้ง ล้อ

เยเรมี 23:9

แบฆ้ะ ดี๊ โมไคล้คิ้ เท่อ ซีง ลแพ อ ไฌ่ นอ จ ซ้ะ แบน้ะแบโน๊ง ลู่ง จ คี่งพ้าบ้องพ้า แย๊โค๊ จฆีงจเกว้ เลาพะ นอ, ว้ะโทะ จ เก บี่ซุ้ดี๊ โพล้ง ม้า เท่อ จ เก บี่ซุ้ดี๊ โพล้ง เทิงล้างซ้ะ ล นี่ แบ ลู่ง ไซ้ะ ซไบ้ะแซ ที๊ง อกย้อง เมะเว๊ ลู่ง กแช่ยาเว ดี๊ อลู่งอแท๊ พี่ อฌี้อแอว้ อกย้อง ล้อ

เยเรมี 5:31

เมะเว๊ โมไคล้คิ้ เท่อ นอ, นี่ โล้ล้าง กไบล้ะกแบล เท่อ ดี๊ กเย่ โพล้งลื่งเท่ออคู นอ, โพะคอง เท่อ ท๊อง อ กแช่ อดู้งอยาง แด เว๊ ดี๊ กพูกลี้ง นอ, แบ อ ซ้ะ บี่อี้ง แบเด้าะ น ซื๊งเว๊ ม แม้ บี่จะเล้, ท่อง อช๊าอโท่ ไค๊ทึ เฌ๊ท้อง นอ?”

ท​ฌางล้างย้าล้าง 2:14

น โมไคล้คิ้กแช่แยว้ นี่ แด ทแดเว้ โล๊ไละ เท่อ, ดี๊ ทแดเว้ อางโล๊ เท่อ, เฌ๊ โล้ แน้ เกิ้ง ลู่ง อ เว๊ ม โล้ล้าง น ท เด้บ้ะ บี่ซุ้ เกม๊า น โอฌี้โอแอว้ ไท้ อ เว๊ แด ก้ะ ทแดเว้ ลู่ง น ฌ่าง อ เก ท กไบล้ะกแบล ดี๊ อางโล๊ไละ เท่อ

เอเซเคียง 13:19

น ซื๊ง นี่ ดึ้เดว เฆ้อ ลู่ง กพูกลี้ง อซุ้อแกล้, ลู่ง ท ช๊องมอง แบ บืง บาเล ล แอจูงแอช้อง แบ อ ฌ่าง, ดี๊ กู ล แอ ลอง แบ อ ฌ่าง, โพล้ง พี่ ล เกิ้ง ซี๊ง แบ นอ, น แม้ซี๊งไฆวะ-อ้ะ, โพล้ง พี่ ล เกิ้ง อางกี ม๊า-อ้ะ แบ นอ, น อางกี ม๊า-อ้ะ, ลู่ง น กไบล้ะกแบล เท่อ ดี๊ กพูกลี้ง พี่ อ คุ้ช๊องแน ทไคล้ กไบล้ะกแบล นอ

เอเซเคียง 13:22

เป๊งนี่ น ดึ้ เกม๊า โพล้งแบกแช่แยว้อซ้ะ อ ซ้ะ ล้างท่อง, ดี๊ ท อางโล๊ไละ, พี่ ก ล นี่ ดึ้ เกม๊า อ ซ้ะ เฌ๊ฌ้อง แบ, ดี๊ น แม้ชองทาง โพล้งอ้าโพล้งซ๊าง อ ซ้ะ, ล เกม๊า อ แกยไฆวะ อ ซ้ะ ดี๊ อ เกล้อ้าเกล้ซ๊าง แบ, ดึ้ เกม๊า อ เว๊ แฌแซกต้าง ล้าง อ ทม๊า ล ซี แบ

โฮเชยา 9:8

โมไคล้คิ้กแช่แยว้, เก โพล้งคุ้แคว่ทะเท่อ ยู่แคว่ เอฟาอีง เอะ จ กแช่แยว้ แบเด้าะ โพล้ง ดุ้ทูบล้ะทู อ ทดุ้ทเช โอ ลู่ง อ เกล้ เฆ้ง เลาพะ ดี๊ ท แช๊เมะไฌ๊ซ้ะ โอ ลู่ง อ กแช่แยว้ อ ล่างโอ พ้า

อาโม 2:4

กแช่ยาเว ไจ้ะเว๊ บี่อี้ง “ลู่ง ยูดา อ ท ลือค๊างพะ พ๊าๆ, เย้า พ๊าๆ, เด้าะ อกย้องนอ ก ล ญ่อง ไบล้ะกแด้ไท้ ท แม้เตาแม้แต๊ แบ เป๊งนี่ อ ซื๊งเว๊ ซม๊า กแช่ยาเว อ ทอางแม้เลา ดี๊ ล นี่ แฌแซกต้าง กแช่แยว้ อ ท อเค้อะอต้าง แบ ดี๊ กเย่ อ ท กโช้งกแช่ ลเมะลโต้ แบ นอ, นี่ ลี้ฌ้า-อ้ะ บี่ซุ้ดี๊ อ ซื๊งเว๊ อ พี๊งชู้พู๊งชู้ ลู่ง แย๊ อู้ง, นี่ แม้โพะ เว๊ อ ไค๊ เย้า นอ ล้อ

มีคา 3:5

กแช่ยาเว ไคล้ บี่อี้ง, แบฆ้ะ ดี๊ โมไคล้คิ้กแช่แยว้ ลแพ นอ อ ไฌ่ โพล้ง พี่ ลี้ฌ้า กพูกลี้ง เกม๊า เว๊ อ เฌ๊พลุ้ไฆวะ โพล้ง พี่ กุ้ซย้ะ เท่อ ไจ้ะเว๊, “ทฆู๊งทพุ้” ลู่ง อช๊าอโท่ พี่ โอ ดี๊ ทอางทโอ้ อ แค๊ นอ แบเด้าะ โล้ล้าง ทดึ้ทชาง เอะ โพล้ง พี่ ล เนฆ้าง ดึ้อาง เท่อ อ นุ้ พ้า น่างเม้ง แบ

มาลาคี 2:9

ทบี่นอ, ก ดึ้ เกม๊า น เก ทดึ้เดว, ดี๊ ท ทื่งแช้ ลู่ง โพล้งเฌงพูฆ๊างพู กุ้แฌ้ อ เมะแซ พ้า, เป๊งนี่ น ล โพะ ก เกล้ แบ, แบเด้าะ น เอน้าชางบ้า เท่อ ลู่ง น ทซองทซ๊าง พ้า”

ม้ะทู 24:24

อ ไฌ่ บี่ อี้ง คริ้ กไบล้ะ กแบล ดี๊ โม กไบล้ะ กแบล ม โอ ทาง เว๊ แอ แฌ้, ม ปล้ะ ล้าง อ ซยื๊ง อ ซย้อง บี่ ซุ้ เก ท แม้ไน พ้ะดู, ดี๊ ม แม้ ท ล้ะ ท เล่ บี่ ซุ้, เมะ ซี นอ แบ อ ซ้ะ อางโล๊ นี่ โพล้ง พี่ กแช่ แยว้ อางลึ นี่ เว๊ เย้า ล แพ นอ ล้อ

ม้ะทู 7:15

ปโล่ ล้าง น ซื๊ง ซ้ะ, ดี๊ โม กไบล้ะ กแบล พี่ อ เฌ๊ ฌู น ซื๊ง, น แคว่-อ้ะ ลู่ง ค๊อง นอ แม้ อ ซ้ะ ฌี้ๆ, แบ ด้อง แกะ, แบ เด้าะ ลู่ง อ ซ้ะ พ้า แย๊ โค๊ นอดู้ง แบ ด้อง ทวีง เม้ง

1​โยฮาง 4:1

ฌุ้พาง ลู่ง จ เอ-อ้ะ ซีง-เอ้อ, โพล้ง พี่ อ ไจ้ะ ล้าง อ ซ้ะ โอ ดี๊ วีง ฌี้ แล้ แอว้ ล แพ นอ นะ-อ้ะ กุ้ อ แฌ้ ล ฌี้, น แบ แคว่ ล้างที๊ง-อ้ะ เมะ อซื๊งเว๊ โอ ดี๊ กแช่ แยว้ อ วีง ฌี้ แล้ แอว้ เต้ๆ-อ้า, ล เต้ๆ, แบ-อ้า, อ ไฌ่ บี่ อี้ง โม กไบล้ะ โอ ฌ้อง ไจ โล้ ล้าง เท่อ ลู่ง ฌางคู โคล๊ง คู

ท​เน​โพล​ทาง 19:20

ท พูแฆ่ อ้า นอ แบ ท พองนี่-อ้ะ ล พ๊า ฆ่าง ดี๊ โม กไบล้ะ ล แฌ้ แย๊ พี่ อ แม้ ท ล้ะ ท เล่ ลู่ง ท พูแฆ่ อ้า นอ อ เมะแซ พ้า, (อ เว๊ เจ่ ท ล้ะ ท เล่ ล แพ นอ อางโล๊ นี่ โพล้ง กุ้ อ แฌ้, พี่ อ นี่ แบ ท พูแฆ่ อ้า อ ท แม้ไน, ดี๊ โบง ทาง แบ้ ทาง เว๊ อ เค่ง อ ฌ้าง นอ), ท พูแฆ่ อ้า ดี๊ โม กไบล้ะ นอ แบ ท ไควะ ล้าง ม๊า-อ้ะ ลู่ง มี พี่ อ เค้ ทาง ดี๊ ท ซ อวี้ง น๊า ม๊าง พ้า

1ซามูเอง 9:6

แบเด้าะ อ เพล่ ไคล้ช๊า-อ้ะ ไจ้ะเว๊, “แคว่เซ้อ, โพล้ง กแช่แยว้ เว๊ โอ ล แฌ้ ลู่ง เว่ง พ้า อี้ง, เก โพล้ง พี่ โพล้ง ทื๊งแบนะแบ-อ้ะ แอ มะ, อ เว๊ เมะ ไคล้ บี่จะเล้ นอ, ทเกทาง อ ซ้ะ บี่นอ กุ้ อ เม้ง ล้อ, ม๊า ก ลี้ พี่ นอ ค๊องเนงอี้ง, แบซีงลู่ง อ เว๊ ม โล้ เฆ้อ เกล้ พี่ เกิ้ง ก ม ลี้-อ้ะ”