อีซยา 65:25 - Northern Pwo Karen Thai Bible25 ทวีงเม้ง ดี๊ แกะพู ม อางฆื๊ง อาง เท่อ, บี่ซุ้ดี๊ ล มู๊ง ฆ่าง คี๊ยื่ง ม อาง โล่ บี่ซุ้ดี๊ งู้ ดี๊ ฌู่ง อาง ฌางคูมูง เก ทอาง ท ลแพ นอ, ม ล แม้อ้าแม้ซ๊าง โละซ้ะ-อ้า, แม้เฌ๊ฌ้อง โละซ้ะ-อ้า แบ เฆ้ง ก ทลู่ง พี่ อฌี้อแอว้” กแช่ยาเว โล้ เว๊ บี่อี้ง ล้อ 장을 참조하십시오 |
อีซยา 65:25
23 교차 참조
กแช่แยว้ ม ต้ะเซ๊ง เอะ กเย่ กโพล้ง กุ้ชื้อกุ้ชะ อ เท่อ ดี๊ ม ต้ะเซ๊ง เอะ กโพล้ง แอฌี่งแอฌ้อง อบ้าอคว่าง ดี๊ อ ซื๊งเว๊ ลแพ นอ, ม ไน๊ อ น้ะ เกม๊า อ เก เท๊ไชะ อ แน่ ดี๊ อ ซื๊งเว๊ อ พ้าง นอ, ม ไน๊ เว๊ เกม๊า อ เก นางไค้ เฆว่ไฆวะ ท อได้อพ๊าง กโพล้ง กุ้ชื้อกุ้ชะ ม ล โชะทาง อ น้ะ ดึ้ โละซ้ะ แบ ดี๊ อ เว๊ ม ไฌ่ ซีงแฌ๊ ทดึ้ทชาง อ เค้อะ ล้า แบ
ก ม เฌ๊ฌ้า อ ซื๊งเว๊ ลู่ง ก ทลู่ง พี่ อฌี้อแอว้ ดี๊ ดึ้ เกม๊า อ เว๊ เซิงฆวี๊งซ้ะโย้, โอ ลู่ง ก ท ชูแพ อางท่าง เท่อ อ ล่าง พ้า อ ทลื่งทางเช้าทพูแฆ่น๊างดื้ง ดี๊ อ ทลื่งทาง ม เก ท พี่ อ แบ ทมอง ลู่ง ก ท ลื่งทาง อ ล่าง คู อไฌ่บี่อี้ง, ก ล่างโอ นอ, อ เว๊ ม กุ้ เว๊ บี่อี้ง, ทล่าง ชูแพอางท่าง เท่อ ลู่ง โพล้ง กุ้ชื้อ อ ฌ่าง
ดี๊ อ ซื๊งเว๊ ซีง ลแพ, ม ลี้ฌ้า น ซื๊ง น๊างพื่งวี่ เลาพะ, เฌ๊นี่ ดี๊ โพล้ง กุ้ชื้อกุ้ชะ, เฌ๊ เก ทลื่งทาง ทซูงทแซ เทว๊ เอะ กแช่ยาเว, เฌ๊ ดี๊ กซี, ดี๊ เลาะ ดึ้ซึ้, ดี๊ เลาะ ต้าง เท่อ, ดี๊ แลว้ ดี๊ เอ้า อ บู้ง ล โพลง, เฌ๊โชะ เว๊ ลู่ง เยรูซเลง, ก ทลู่ง พี่ อฌี้อแอว้”, กแช่ยาเว ไจ้ะเว๊ บี่อี้ง, “บี่ซุ้ดี๊ โพล้ง อีซลาเอง เฌ๊โชะ ทลื่งทาง ทซูงทแซ, ชวี๊งล้าง เว๊ ทพ้าทล่าง พี่ อเช๊งอเกล้ง พ้า, เฌ๊โชะ เว๊ ลู่ง กแช่ยาเวอล่างโอ
ดี๊ ท่อง อ เว๊ ฌางแช้ ล้างไท้ อ ซ้ะ ดี๊ ท กุ้เม้ง พี่ อ แม้ แบ เว๊ เย้า นอ, เกม๊า เนโพลทาง ท แด้เว้ อางกีล้าง ล เม้ง แบ ล เม้ง อดีงอด้อง, เกล้ ไจทาง, เกล้ นึฆ้าง, ดี๊ เกม๊า อ ซื๊งเว๊ ซีงแฌ๊ ท อดีงอด้อง เลาพะ, ท อเค้อะอต้าง กุ้เม้ง, ดี๊ เด้กแช่แยว้อล่างโอ อ ทอางแม้เลา เลาพะ นอ, เกม๊า กวิ้ล้าง ลู่ง อ ซื๊งเว๊ อ เมะแซ พ้า, บี่ซุ้ อ ม นี่ แฌแซกต้าง เว๊, ดี๊ แม้โพะ ท อดีงอด้อง อ ไค๊, ดี๊ แม้โพะ เด้กแช่แยว้อล่างโอ อ ท อเค้อะอต้าง กุ้เม้ง อ ไค๊
กแช่แยว้ ม ต้ะเซ๊ง เอะ โพล้ง กุ้ชื้อกุ้ชะ ลแพ นอ อ เท่อ ดี๊ ม ต้ะเซ๊ง เท่อ ลู่ง โพล้ง กุ้ชื้อกุ้ชะ, พี่ อชองอไคล๊ โอ ไย้ทาง ลแพ นอ อ ฌ่าง ดี๊ อ ซื๊งเว๊ ซีง ลแพ, ม ไน๊ อ น้ะ เกม๊า อ เก เท๊ เท๊ไชะ ดี๊ ม ไน๊ อ พ้าง, เกม๊า อ เก นางไค้ ลู่ง ท แฆว่ไฆวะ ท อ ได้ อ ฌ่าง โพล้ง กุ้ชื้อกุ้ชะ ล โชะทาง น้ะ, ดึ้ซึ้ โละซ้ะ ล้า แบ อ เว๊ ล ไฌ่ ซีงแฌ๊ ทดึ้ทชาง อเค้อะอต้าง ล้า แบ
광고