อีซยา 64:6 - Northern Pwo Karen Thai Bible

⁶ เฆ้อ กุ้แฌ้ ก เกทางก้ะ บี่ซุ้ดี๊ ท พี่ อ แบอ้า ดี๊ ก ซื๊งเว๊ ก ทแบกแช่แยว้อซ้ะ เลาพะ นอ, เก บี่ซุ้ดี๊ ไช๊ช้าง แบอ้าแบซ๊าง ก ซื๊งเว๊ กุ้แฌ้ ล้างไย้ะ บี่ซุ้ดี๊ เซงแล ดี๊ ก ทไพ้ะทแม อูงพลุ้ไฆวะ เฆ้อ บี่ซุ้ดี๊ ลี้ง

อีซยา 64:6 교차 참조

2​ซามูเอง 22:46

โพล้ง ล ชื้อ แด อ ซ้ะ ม ล้างแช่ ล้างไฆ๊ ดี๊ ว้ะโทะ ไจทางไฆวะ ลู่ง อ ล่าง ทุ้กดื้ง ซ้ะ, พี่ อเฌิ่งอค๊า นอ

โยบา 14:4

โพล้งเล้, ม แม้นี่ ท อเช๊งอเกล้ง ลู่ง ทแบอ้า พ้า ซี? ล โอ น่าง แฌ้ แบ

โยบา 25:4

ฌ้อง นอ กโพล้ง ม แบ กแช่แยว้ อ ซ้ะ, ลู่ง กแช่แยว้ อ เมะแซ พ้า ซี บี่จะเล้? โพล้ง พี่ อ กึทางนี่ ดี๊ กมืง นอ, มเช๊งมเกล้ง ซี บี่จะเล้?

โยบา 40:4

“แคว่เซ้อ, จ เก โพล้ง พูปี๊อูงเฆา, ม โล้แบ กแช่แยว้ ซี บี่จะเล้? จ เพิ่งไบ้ะทะ นุ้ ดี๊ จูง

ทอางปฆ้า 1:4

โพล้งอ้าโพล้งซ๊าง นอ, ล เก บี่นอ แบ แบเด้าะ เก บี่ซุ้ดี๊ พี๊ซวิ้, พี่ ลี้งอูง ลีงแล่ไฆวะ เว๊

ทอางปฆ้า 14:4

โพล้ง พี่ อ แม้ ทอ้าทซ๊าง กุ้แฌ้ ล ซีงแฌ๊ แบ-อ้า? เมะเว๊ โพล้ง พี่ อาง จ พู จ ลี้ง, ด้องซุ้ อาง ทอางทโอ้ ดี๊ ล นี่ กุ้ทาง เท่อ, โล้แบ กแช่ยาเว แบ

ทอางปฆ้า 51:5

เต้ๆ, นอ, จ เฌ๊ กึทางนี่ ลู่ง ทอ้าทซ๊าง พ้า ดี๊ จ เก โพล้ง ทเด้บ้ะ, ล โค๊ลู่ง โอ มู่ อ อ้อง พ้า เละ เย้า

อีซยา 1:28

แบเด้าะ โพล้ง กไบล้ะ ดี๊ โพล้ง ทเด้บ้ะ ลแพ นอ, ม แบ ทแม้ เฌ๊ฌ้อง ฆึ-อ้ะ ดี๊ โพล้ง ลแพ นอ พี่ อ ญ๊องไฆวะ กแช่ยาเว, ม แบ ทแม้ล้างเทา ล้อ

อีซยา 1:30

เมะเว๊ น ซื๊ง ซีง ลแพ ม เก บี่ซุ้ดี๊ ซี๊ พ้ะดู มื่งเทิง พี่ อ แล ล้างไย้ะ ไฆ๊ ดี๊ บี่ซุ้ดี๊ โซ๊ง พี่ ที๊ง ล โอ แบ

อีซยา 43:22

“ทึเมะ บี่นอ ฌี้ นอ, ล เมะ เฆ้อ แบ พี่ น อางฆื๊ง กุ้-อ้ะ, โอ้, ยาคุ้ เมะเว๊ น ล นี่ ไปว้ะน่างไปว้ะซ้ะ ลู่ง ก ฌ่าง แบ, โอ้, อีซลาเอง

อีซยา 46:12

เกม๊า คุ้ช๊องแน เฆ้อ, น ซื๊งเว๊ ซีง ลแพ พี่ โอ ดี๊ ซ้ะ ลือค๊างพะ เท่อ แน้ โพล้ง พี่ โอ ช้างชื้ง ไย้ ดี๊ ทแบกแช่แยว้อซ้ะ

อีซยา 48:1

เกม๊า คุ้ช๊องแน ท ล ไฌ่ อี้ง, โอ้ ยาคุ้ อชื้ออชะ พี่ โพล้ง กุ้ เว๊ ดี๊ อีซลาเอง อ เม้ง ดี๊ เฌ๊นี่ ลู่ง ยูดา อชื้ออชะ โพล้ง พี่ อืงล้าง เท่อ ดี๊ กแช่ยาเว อ เม้ง ดี๊ กุ้ทาง อางท่าง เท่อ ดี๊ อีซลาเอง อ กแช่แยว้ แบเด้าะ ล เมะ ดี๊ ทเมะทโต้-อ้า, ดี๊ ทแบกแช่แยว้อซ้ะ-อ้า แบ

อีซยา 50:1

กแช่ยาเว ไจ้ะเว๊ บี่อี้ง “ไละทไจแดโละซ้ะ ดี๊ น ซื๊ง มู่ พี่ ก เจ่ โฌ๊ไจไฆวะ-อ้ะ นอ, โอ พี่จองเล้? ดี๊ โพล้ง พี่ ก ทางดีงทางแม่ ดี๊-อ้ะ พี่ ล แฌ้ เล้ พี่ ก อางแช๊ น ซื๊ง เกม๊า เอะ-อ้ะ? อี้งเซ้อ, น แบ ท อางแช๊ ลู่ง น ทเด้บ้ะ อกย้อง ดี๊ น มู่ แบ ท โฌ๊ไจไฆวะ ลู่ง น ท กไบล้ะกแบล อกย้อง

อีซยา 50:2

แบ ทเม้งเล้, ท่อง ก เฌ๊ นอ, ล แด โพล้ง น่างแฌ้ แบ เฆาะ? พี่ ก กุ้ซย้ะ เท่อ นอ, โพล้ง ล โอ เซ๊ช๊า เท่อ น่างแฌ้ แบ? ก จูง พือ น้ะกชุ้, ท๊อง เทะนี่ไท้ เท่อ ล ซี แบ-อ้า? ดี๊ กไฌ่กแบ้ ม แม้พ้องพลิ้ เท่อ นอ, ล โอ แบ-อ้า? แคว่เซ้อ, ก ดึ้ เกม๊า ที๊ง ปางเล ซู๊งทาง ดี๊ ก ท แม้น้าแม้ฆ่าง ล้อ ก ดึ้ เกม๊า ที๊งกล้อง ลแพ นอ, เก แพะคูทเคแกล้ แยพู ลู่ง ที๊งกล้อง พ้า ล กล้องๆ, นอ, ล้างอืง น๊าอืง, เป๊งนี่ ที๊ง ล โอ แบ ดี๊ อ ซี๊งไฆวะ, เป๊งนี่ ซู๊โอ้ซ้ะที๊ง

อีซยา 53:6

เฆ้อ กุ้แฌ้ เฌ๊พลุ้ไฆวะ เกล้ บี่ซุ้ดี๊ แกะ ล แฌ้ๆ, แกยไฆวะ อ ซ้ะ ลู่ง อ กแช่ อเกล้อพ้า แด เว๊ ดี๊ กแช่ยาเว อางกีล้าง ก ท เด้เทาเด้บ้ะ ลู่ง อ เว๊ อล้องอย่าง คู ล้อ

อีซยา 6:5

ดี๊ จ ไจ้ะ บี่อี้ง, “ท เซงทื่งเฌ๊ฌ้อง แบ แย้, เมะเว๊ จ ซี๊ง เย้า, เป๊งนี่ จ เก โพล้ง อ นุ้เฌะ ลเช๊งลเกล้ง แบ, ดี๊ จ โอ ลู่ง โพล้ง อ ชื้อ พ้า พี่ อ นุ้เฌะ ลเช๊งลเกล้ง แบ, แบเด้าะ จ เมะคลี๊ง แด แบ กจุ้แฆว้, เมะเว๊ กแช่ยาเว ซึ้คู ดูทึชองทึ”

อีซยา 8:17

จ ม โอคุ้แท๊ กแช่ยาเว พี่ อางกีซูงไฆวะ อ เมะ ดี๊ ยาคุ้ อชื้ออชะ, ดี๊ จ ม มื้งแล่ เท่อ ดี๊ กแช่แยว้

ดานีเอง 9:13

ด้องซุ้ พี่ กวิ้ล้าง เว๊ ลู่ง โมเซ อ ทอางแม้เลา พ้า นอ เย้า, ท เซงทื่งเฌ๊ฌ้อง กุ้เม้ง นอ, อ ล้าง แบ ก ซื๊งเว๊ ลแพ อี้ง เย้า, แบเด้าะ ก ซื๊งเว๊ ก ล นี่ อางโฆอางแย๊ เท่อ, อางท่าง นี่ ทย๊างซ้ะ ดี๊ กแช่ยาเว ก กแช่แยว้, ลู่ง ท แกยไฆวะ ซ้ะ ดี๊ ก ทไพ้ะทแม-อ้า, ควี๊งคูแกยแน่ ดี๊ กแช่แยว้ อ ทเมะทโต้ นอ-อ้า ได้ะ แบ

โฮเชยา 4:19

ลี้ง ทแม้อ้า อ ซ้ะ บองบีง ทะ-อ้ะ อ เว๊ ม ล้างไช้ะล้างย่อง ลู่ง อ ทพูแฆ่ ลื่งทาง เท่อ อกย้อง

โฮเชยา 7:7

อ เว๊ กุ้แฌ้ นอ คู่เล้า ด้องซุ้ มีอ้า อ ล่าง ฆู่งเม๊ง เท่อ ดี๊ แม้เฌ๊ฌ้อง อ โพล้ง โพะคอง เท่อ ลแพ นอ อ กจุ้แฆว้ กุ้แฌ้ นอ ล้างเทะเค้า แบเด้าะ โพล้ง ลู่ง อ ซื๊งเว๊ อซุ้อแกล้ นอ ล กุ้ทาง เฆ้อ น่างแฌ้ แบ

เลวี​อ​ไฌ่ 13:12

ทแช๊ คีงเตา นอ, เมะ จฌะ เล่ทาง บี่ซุ้ดี๊ โพล้งลื่งเท่ออคู แด เว๊ ทแช๊ คีงเตา อาง อ ไพ้ะ เล่ทาง เฆ้ง อล้องอย่าง, ล โค๊ ลู่ง อ คู ท้องล้าง ลู่ง อ คาง นอ

เซคารียา 3:3

โยชูวา ซุ้ ไช๊ช้าง แบอ้าแบซ๊าง, ชี๊เทิง โอ ลู่ง ทมุ้คู พู อ เมะแซ พ้า

โรมา 7:18

จ ซีงแฌ๊ เว๊ ท ฌี้ ท แอว้ ล โอ น่าง เม้ง แบ ลู่ง จ ซ้ะ พ้า, เมะ เว๊ จ เก ที่ โพล้ง ฌางคู โคล๊ง คู, อ ไฌ่ บี่ อี้ง จ แบ ซ้ะ แม้ ท อ ฌี้, แบเด้าะ จ แม้ ล ซี แบ

โรมา 7:24

เอ๊ จ เก โพล้ง ลู่ง ล โอ ดี๊ ท มึ ท พ้า แบ, โพล้ง เล้ ม แม้ช้า แย้ พ้อง พลิ้ ดี๊ จ ซ้ะ ล่างลี้ง อี้ง พี่ อ เกม๊า จ แบ ซี๊ง

ฟีลิ้ปี 3:9

ดี๊ ม โอก้ะ ลู่ง อ ซุ้ เลา ปะ, จ ทซีทแบ แด เว๊ พี่ ม เก ท แบ กแช่ แยว้ อ ซ้ะ นอ ล โอ แบ, ล เมะ จ แบ อ เว๊ อ ซ้ะ พี่ จ แม้ โพะ ทอางแม้เลา อ ไค๊ นอ แบ, ค๊องเนง อี้ง จ แบ กแช่ แยว้ อ ซ้ะ ลู่ง จ อางกี ล้าง ซ้ะ ดี๊ กแช่ เยซู คริ้ ล้อ, ท แบ กแช่ แยว้ อ ซ้ะ อี้ง นอ เฌ๊ เว๊ ลู่ง กแช่ แยว้, เมะ เว๊ ลู่ง ก ท ชู่ง ท นะ นอ ล้อ

ทีต๊ะ 3:3

อ ไฌ่ บี่ อี้ง, ลู่ง อ พ้อง ไฆวะ นอ ก เว๊ แด ก เก โพล้ง เฌ๊ฌ้อง, ล ชู่ง ล นะ เท่อ แบ, ก แบ ทอางโล๊ อางเว้ง, เก ท ซ้ะกวี้ง ล๊องก้อง ดี๊ ท มึ ท พ้า ตบลึ้ เม้ง อ ฆ่อง, ก แม้ ท อ้า ท ซ๊าง, ก ไคว๊ เท่อ โญ้ง เท่อ, ก แช๊เมะ ไฌ๊ซ้ะ โละ ซ้ะ

ท​เน​โพล​ทาง 7:13

ฌ้อง โพล้ง ล แฌ้ ลู่ง โพล้ง เม้ง โพล้ง แซย่ อ แกล้ นอ อางจ้ะ แย้ ไจ้ะ เว๊, “โพล้ง พี่ อ ซุ้ ไช๊แค่ แอว้ พ้ะโท๊ ล แพ นอ เมะ โพล้ง เล้ ดี๊ โอ พี่ จอง เล้ เฌ๊”