อีซยา 63:7 - Northern Pwo Karen Thai Bible

⁷ จ ม โล้ เท่อ, เกม๊า ช๊องมอง แบ กแช่ยาเว อ ทเอทกวี้ง พี่ อเฌิ่งอค๊า ดี๊ กแช่ยาเว อ ทไพ้ะทแม้ พี่ ล้าง อางปฆ้า ทาง บี่ซุ้ดี๊ ท กุ้เม้ง พี่ กแช่ยาเว เกล๊าง เอะ ก ซื๊งเว๊ ดี๊ บี่ซุ้ดี๊ ท อ ฌี้ ดูทึโท๊ทึ, พี่ โอ ดี๊ อีซลาเอง อชื้ออชะ พี่ กแช่แยว้ เกล๊าง เว๊, บี่ซุ้ดี๊ อ ท ย๊างเซิงย๊างซ้ะ ดี๊ บี่ซุ้ดี๊ กแช่แยว้ อ ทเอทกวี้ง พี่ อล๊าอฆวี้

อีซยา 63:7 교차 참조

1​กจุ้แฆว้ 8:66

ลู่ง มื่ง โฆะ นี้ง ล นี้ง พ้า นอ, อ เว๊ เกม๊า โพล้งเฌงพูฆ๊างพู ไท้, อ ซื๊งเว๊ซีงลแพ นอ, ชูฌี้ แบ กจุ้แฆว้, ดี๊ ไท้ ลู่ง อ เด้ ดี๊ ทเซิงฆวี๊งซ้ะโย้, ดี๊ ทมึเซิงมึซ้ะ, ลู่ง ทฌี้ กุ้เม้ง อ กย้อง, พี่ กแช่ยาเว เนโพลทาง เอะ อ เพล่ ดาเว, ดี๊ อ พู อ ลี้ง โพล้ง อีซลาเอง นอ ล้อ

2ทกวิ้ไน 7:10

ลู่ง มื่ง คี๊ง ชี๊ง ซ๊า นี้ง ล นี้ง พ้า, ลู่ง แล้ เนว๊ เบง ล เบง พ้า นอ, ซาโลโม เกม๊า โพล้งเฌงพูฆ๊างพู ไท้ ลู่ง อ กแช่ อ เด้า อ ล่าง, โอ ดี๊ ทเซิงฆวี๊งซ้ะโย้, ดี๊ ทมึเซิงมึซ้ะ, ลู่ง ทอฌี้ พี่ กแช่ยาเว เนโพลทาง เอะ ดาเว ดี๊ ซาโลโม, ดี๊ กแช่แยว้ อ พู อ ลี้ง โพล้ง อีซลาเอง ลแพ อี้ง อ กย้อง นอ ล้อ

เนฮะมี 9:25

ดี๊ อ เว๊ นึฆ้าง ยึนี่ ก้ะ เว่ง พี่ โอ ดี๊ ทล่างคุ้แคว่ เท่อ, ดี๊ ที๊งล่างค่างพ้า พี่ อโอกู้งโอล๊า, ดี๊ แม้นี่ก้ะ เด้าล่าง พี่ โอ ฆวี้ ดี๊ ทอฌี้ กุ้เม้ง นอ เก อ เท่อ, เลา ดี๊ ทล่าง เด้าทะ ที๊ง พี่ แพล้ นี่ เว๊, โซ๊ง ซไบ้ะแซ, โซ๊ง ไพ, ดี๊ เซง พี่ อ แซ โอ นอ แอฌี่งแอฌ้อง, อ เว๊ อาง แบ เท่อ บลิ้อาง บลิ้โอ้ ล๊าๆ, ฆวี้ๆ, ดี๊ ซ้ะอวีงซ้ะโทะ ลู่ง กแช่แยว้ อบลึ้อบลาง ดู ทึ พ้า นอ ล้อ

เนฮะมี 9:27

อกย้อง บี่นอ, กแช่แยว้ อางกีล้าง-อ้ะ ลู่ง อดีงอแด้ อ จูง พ้า, พี่ ดึ้เกม๊า อ โท่ง ทน้ะทโน๊ง, ดี๊ อช๊าอโท่ ลู่ง อ โท่ง ทน้ะทโน๊ง อ แค๊ นอ, อ เว๊ กุ้ทาง กแช่แยว้, ดี๊ กแช่แยว้ คุ้ช๊องแน-อ้ะ ลู่ง มุ้คู, กแช่แยว้ เกล๊าง เอะ-อ้ะ โพล้ง แม้ช้า เท่อ, พี่ นี่ แม้ช้า-อ้ะ เกม๊า พ้องไฆวะ ดี๊ อดีงอแด้ อ จูง, บี่ซุ้ดี๊ กแช่แยว้ อ ทย๊างซ้ะ โอ แอฌ้อง นอ ล้อ

เนฮะมี 9:31

ทึเมะ บี่นอ ฌี้, ลู่ง กแช่แยว้ อ ทย๊างซ้ะ โอ แอฌ้อง อกย้อง นอ, กแช่แยว้ ล ดึ้เกม๊า อ เว๊ เซงทื่งเฌ๊ฌ้อง แบ, ล ญ๊องไฆวะ เว๊ แบ, เมะเว๊ กแช่แยว้ เก กแช่แยว้, พี่ โอ ดี๊ อโก้งอโบ้ง ดี๊ อ ทย๊างเซิงย๊างซ้ะ

เนฮะมี 9:35

เป๊งนี่ อ ซื๊งเว๊ ล นี่ แม้ เอะ กแช่แยว้ อ เท่อ ลู่ง อ มื่ง อ บ้าง พ้า แบ, ทึเมะ กแช่แยว้ อบลึ้อบลาง ดู, กแช่แยว้ เกล๊าง เอะ-อ้ะ, ดี๊ ที๊งล่างค่างพ้า พ้ะดู พี่ อ กู้ง อ ล๊า นอ, กแช่แยว้ เกล๊าง เอะ-อ้ะ, แบเด้าะ อ เว๊ ล แกยไฆวะ อ ซ้ะ ดี๊ อ ทอ้าทซ๊าง แบ

ทอางปฆ้า 103:2

จเซิงจซ้ะ-เอ้อ, เกม๊า เทว๊ ทอางปฆ้าทาง กแช่ยาเว ดี๊ ซ้ะนาง กแช่แยว้ อ ทไพ้ะทแม้, พี่ โอ ดี๊ อโก้งอโบ้ง เลาพะ นอ ล ฌี้

ทอางปฆ้า 107:15

เกม๊า อซื๊งเว๊ ลแพ นอ, ไจ้ะบลึ้ กแช่ยาเว, ลู่ง กแช่แยว้ อ ทเอทกวี้ง, พี่ อเฌิ่งอค๊า อกย้อง เมะเว๊ ลู่ง กแช่แยว้ อ ทล้ะทเล่ ลเม้ง แบ ลเม้ง, พี่ โอ ดี๊ กโพล้ง ลแพ นอ อกย้อง

ทอางปฆ้า 107:21

เกม๊า อซื๊งเว๊ ลแพ นอ, ไจ้ะบลึ้ กแช่ยาเว, ลู่ง อ ทเอทกวี้ง, พี่ อเฌิ่งอค๊า อกย้อง เมะเว๊ ลู่ง กแช่แยว้ อ ทล้ะทเล่ ลเม้ง แบ ลเม้ง, พี่ โอ ดี๊ กโพล้ง ลแพ นอ อกย้อง

ทอางปฆ้า 107:31

เกม๊า อซื๊งเว๊ ลแพ นอ, ไจ้ะบลึ้ กแช่ยาเว, ลู่ง อ ทเอทกวี้ง, พี่ อเฌิ่งอค๊า อกย้อง เมะเว๊ ลู่ง กแช่แยว้ อ ทล้ะทเล่ ลเม้ง ดี๊ ลเม้ง, พี่ โอ ดี๊ กโพล้ง ลแพ นอ อกย้อง

ทอางปฆ้า 107:8

เกม๊า อซื๊งเว๊ ซีงลแพ ไจ้ะบลึ้ กแช่ยาเว, ลู่ง กแช่แยว้ อ ทเอทกวี้ง พี่ อเฌิ่งอค๊า อกย้อง เมะเว๊ ลู่ง กแช่แยว้ อ ทล้ะทเล่ ลเม้ง แบ ลเม้ง, พี่ โอ ดี๊ กโพล้ง ลแพ นอ อกย้อง

ทอางปฆ้า 145:7

อซื๊งเว๊ ซีงลแพ, ม อางโล๊ไท้ชู้ เท่อ, แบฆ้ะ ดี๊ กแช่แยว้ อ ทฌี้ทแอว้, พี่ อล๊าอฆวี้ ดี๊ ม ซ้ะอวีงแท๊ ดี๊ ทเซิงมึซ้ะมึ, แบฆ้ะ ดี๊ ทแบกแช่แยว้อซ้ะ

ทอางปฆ้า 25:6

จ กแช่ยาเว-เอ้อ, เกม๊าเต้ นางแบทางไท้, น ทย๊างเซิงย๊างซ้ะ, ดี๊ น ทเอทกวี้ง พี่ อเฌิ่งอค๊า นอ เมะเว๊ ทลแพ นอ โอ นี่ ล โค๊ ลู่ง อไยะอเช้ เย้า

ทอางปฆ้า 51:1

จ กแช่แยว้-เอ้อ, เกม๊าเต้ ย๊างซ้ะ แบ แย้, บี่ซุ้ดี๊ น ทเอทกวี้ง พี่ อเฌิ่งอค๊า นอ บี่ซุ้ดี๊ น ทย๊างเซิงย๊างซ้ะ พี่ อล๊าอฆวี้ นอ, เกม๊าเต้ แม้ไฆวะกเย่ จ ทลือค๊างพะ เท่อ ลแพ นอ

ทอางปฆ้า 63:3

เมะเว๊ กแช่แยว้ อ ทเอทกวี้ง พี่ อเฌิ่งอค๊า นอ, ฌี้เละ ทโอม๊า ได้ะ จ นุ้เฌะ ม อางปฆ้า กแช่แยว้

ทอางปฆ้า 86:15

ทอดูทึโท๊ทึ จ กแช่แยว้-เอ้อ, แบเด้าะ น เก กแช่แยว้ ลู่ง โอ ดี๊ ทย๊างเซิงย๊างซ้ะ, ดี๊ ทอบลึ้อบลาง ล้อ น ซ้ะทาง โกย้, ดี๊ โอล๊าโอฆวี๊ ดี๊ ทเอทกวี้ง, ลู่ง อเฌิ่งอค๊า, ดี๊ ทโต้ทล้อง

ทอางปฆ้า 86:5

ทอดูทึโท๊ทึ จ กแช่แยว้-เอ้อ, เมะเว๊ น เก ฌี้ทึแอว้ทึ, ดี๊ ล ทื๊งนี่นะนี่ เท่อ แบ โอล๊าโอฆวี้ ดี๊ ทเอทกวี้ง, ลู่ง อเฌิ่งอค๊า เอะ โพล้ง กุ้แฌ้, พี่ กุ้ทาง เท่อ โล้แบ กแช่แยว้

ทอางปฆ้า 92:2

พี่ ม โล้ล้าง น ทเอทกวี้ง, อเฌิ่งอค๊า ลู่ง มโฌ้โค๊ ดี๊ โล้ล้าง น ทโต้ทล้อง ลู่ง มแน้แค๊

ทไจทางไฆวะ 18:9

เยโท อ ซ้ะ มึ มะ พี่ แน่ฌ๊า แบ ทฌี้ทแอว้ กุ้ เม้ง พี่ กแช่ ยาเว แม้ เอะ โพล้ง อีซลาเอง ลู่ง อ แม้ช้า เว๊ เกม๊า พ้องไฆวะ ดี๊ โพล้ง อีไย้ะ อ จูง

อีซยา 26:13

จ กแช่ยาเว, จ กแช่แยว้-เอ้อ ท อคูอแน่ อ แฌ้แพ, พี่ ล เมะ กแช่แยว้ แบ นอ, นี่ ยู่แคว่ เฆ้อ ลแพ อี้ง แบเด้าะ จ ฮะนี่ ซีงแฌ๊ ที่ กแช่แยว้ อเม้งอแซ ล เม้ง ล้อ

อีซยา 51:2

เกม๊า แคว่ดุ้ อาบราฮาง น พี๊งชู้พู๊งชู้ ลู่ง แย๊ อู้ง ดี๊ ซารา พี่ อ กึทาง นี่ น ซื๊ง ซีง ลแพ อไฌ่บี่อี้ง พี่ อ เว๊ โอ ล แฌ้ ได้ะ นอ, ก กุ้ นี่ อ้ะ ก นี่ ชูฌี้-อ้ะ, ดี๊ แม้ แอทาง-อ้ะ อ แฌ้

อีซยา 54:10

เมะเว๊ ทลู่ง ลแพ นอ, แบซีงลู่ง ม แบ ท แญ่ไฆวะ ดี๊ กเย่ ทจ้องม๊อง นอ, แบซีงลู่ง ม เละโละว้ะแซย๊ ล้อ แบเด้าะ ก ทเอทกวี้ง พี่ อเฌิ่งอค๊า ม ล แญ่ ไจแดไฆวะ แน้ แบ ดี๊ ก ท เอิ้งล้าง ลู่ง ทมึทพ้า ม ล เละโละว้ะแซย๊ แบ” กแช่ยาเว พี่ อ ย๊างซ้ะ แน้ ไจ้ะเว๊ บี่อี้ง

อีซยา 54:7

ก นี่ ญ๊องไฆวะ แน้ ลชู่ลล่าง ล้อ แบเด้าะ ก ม อางกีซยอง แน้ ดี๊ ท ย๊างซ้ะ ดู มะ

อีซยา 54:8

ก อางกีซูงไฆวะ ก เมะ ดี๊ แน้ ดี๊ ท ซ้ะทาง พ้ะดู ล ชู่ พู แบเด้าะ ก ม ย๊างซ้ะ แน้ ดี๊ ทเอทกวี้ง ลู่ง อเฌิ่งอค๊า ล้างชู้ล้างแกย ล้อ” กแช่ยาเว พี่ อ เทะนี่ไท้ แน้ ไจ้ะเว๊ บี่อี้ง

อีซยา 55:7

เกม๊า โพล้งอ้าโพล้งซ๊าง ญ๊องไฆวะ อเกล้อพ้า ดี๊ เกม๊า โพล้ง ลกลุ้ลจ้ะ แบ ญ๊องไฆวะ อ ทช๊องมอง เกม๊า อ เว๊ เฌ๊ไท้ฌูง กแช่ยาเว, ดี๊ กแช่แยว้ ม ย๊างซ้ะ-อ้ะ ดี๊ เฌ๊ไท้ฌูง เฆ้อ ก กแช่แยว้, เมะเว๊ กแช่แยว้ โอ ดี๊ ท แพล่ไฆวะ ลู่ง อล๊าอฆวี้

อีซยา 64:5

กแช่แยว้ แด โละซ้ะ ดี๊-อ้ะ, พี่ อ แม้ ทแบกแช่แยว้อซ้ะ, ลู่ง ท เซิงฆวี๊งซ้ะโย้ เมะเว๊ โพล้ง ลแพ นอ, พี่ นางแบทางไท้ กแช่แยว้ ลู่ง กแช่แยว้ อเกล้อพ้า แบเด้าะ กแช่แยว้ อ ซ้ะทาง, เป๊งนี่ ลู่ง ก ซื๊งเว๊ ก แม้ ทเด้บ้ะ อกย้อง ก ซื๊งเว๊ ก โอ ทเด้บ้ะ พ้า ไยะ มะ, ฌ้อง ก ซื๊งเว๊ ก ม พ้องพลิ้ ชี่-อ้า?

ท​ฌางล้างย้าล้าง 3:32

ทึเมะ ดึ้ เกม๊า ท เมะมองแน๊อึ้ กึทาง ฌี้ นอ, กแช่แยว้ ม ย๊างซ้ะ เท่อ บี่ซุ้ดี๊ อ ทเอทกวี้ง ลู่ง อเฌิ่งอค๊า พี่ อล๊าอฆวี้

โฮเชยา 2:19

ก ม อางด้าง เว้ แน้ ลู่ง ก ฌ่าง ล้างชู้ล้างแกย, เอ้อ, ก ม อางด้าง เว้ แน้ ดี๊ ทฌี้ทแอว้, ท อเกิ้งอแบ, ทเอทกวี้ง ลู่ง อเฌิ่งอค๊า ดี๊ ท ย๊างซ้ะ

เซคารียา 9:17

เอ้อ นอ, ฌี้ มะ ดี๊ ฌี้ แอว้ เต้ๆ บืงซ้ะ ม ดึ้ เกม๊า โพล้ง น่างบางซ้ะบาง ดูทางโท๊ทาง ดี๊ ไซ้ะ ซไบ้ะแซ ที๊ง, ม ดึ้ เกม๊า มืงน้าง ดูทางโท๊ทาง ล้อ

ม้ะทู 7:11

ทึ เมะ น ซื๊ง เก โพล้ง ท เด้บ้ะ ฌี้ๆ, ซีงแฌ๊ เกล๊าง เอะ น ซื๊ง พู ท อ ฌี้, ลือ นี่ อ นอ เมาะ ท เล้, น แพ่ แยว้ พี่ อ โอ ลู่ง มุ้คู ม เกล๊าง ท อ ฌี้ เอะ โพล้ง, พี่ อ อางท่าง ดี๊-อ้ะ นอ ล้อ

โรมา 2:4

แบ ซีง ลู่ง น ดึ้เดว กแช่ แยว้ อ ท ย๊างเซิง ย๊างซ้ะ, อ ท โก้ง เซิง โก้ง ซ้ะ, อ ท เอ้า เซิง เอ้า ซ้ะ ดู ทึ ซีง ล แพ อี้ง นอ, น ซีงแฌ๊ ฌี้ เย้า กแช่ แยว้ ย๊างซ้ะ แบ แน้, เมะ เว๊ แบ ซ้ะ เกม๊า น เปลง ไท้ ซ้ะ อ ซ๊าง

โรมา 5:20

กแช่ แยว้ อางกี ล้าง ทอางแม้เลา ลู่ง ฌางคู โคล๊ง คู อี้ง, บี่ ซุ้ โพล้ง อ ท ไพ้ะ ท แม ม แอ ทาง, แบเด้าะ พี่ จอง เล้ ท เด้บ้ะ แอ ทาง นอ, กแช่ แยว้ อ โก้ง อ โบ้ง อ บลึ้ อ บลาง ม แอ นี่ อ นอ พี่ นอ ล้อ

เอเฟโซ 2:4

แบเด้าะ กแช่ แยว้ อ ท ย๊างเซิง ย๊างซ้ะ ท เอ ท กวี้ง ดู น้ะ เล้

1​ทีโมเท 1:14

ก กแช่ เยซู คริ้ อ โก้ง อ โบ้ง อ บลึ้ อ บลาง โอ ดี๊ แย้ แอ น้ะ เล้, อ เว๊ เกม๊า จ โอ ดี๊ ท ชู่ง ท นะ ท เอ ท กวี้ง, พี่ ก นี่ แบ-อ้ะ ลู่ง กแช่ เยซู คริ้ อ ซุ้