อีซยา 63:6 - Northern Pwo Karen Thai Bible

⁶ ก ไย่ล้าง โพล้ง กุ้ชื้อกุ้ชะ ลแพ นอ, ดี๊ ก ท ซ้ะทาง ก ดึ้ เกม๊า อ เว๊ ม้า เท่อ ดี๊ ก ท ซ้ะทาง พ้ะดู ดี๊ ก ลู๊งล้าง อ ซื๊งเว๊ อ ซวีง ลู่ง ฌางคูโคล๊งคู”

อีซยา 63:6 교차 참조

โยบา 21:20

เกม๊า อ ซื๊ง เมะ อ คลี๊ง แด ล้างไท้ อ ทเซงทื่งเฌ๊ฌ้อง ดี๊ เกม๊า อ โอ้ กแช่แยว้ พี่ โอ ดี๊ อดู้งยางซยื๊งซย้องแอทึ นอ อ ทซ้ะทาง

ทอางปฆ้า 60:3

กแช่แยว้ เกม๊า อพูอลี้ง ต้องนอง ทน้ะทโน๊ง กแช่แยว้ ดึ้เกม๊า เฆ้อ ซีงลแพ, โอ้ ไซ้ะ ซไบ้ะแซ ที๊ง ลู่ง ว้างไร้ะว้างพาง

ทอางปฆ้า 75:8

เมะเว๊ ลู่ง กแช่ยาเว อ จูง พ้า นอ, โอ ดี๊ โล๊งเจาะ ล เบง โอ ดี๊ ไซ้ะซไบ้ะแซ ที๊ง เก อ ซเบว้, แกย้ฆึ อ ซ้ะ ฌี้มะ กแช่แยว้ ลู๊งล้างนี่ เท่อ ลู่ง โล๊งเจาะ พ้า นอ ดี๊ ฌางคูโคล๊งคู อ โพล้งอ้าโพล้งซ๊าง เลาพะ นอ ม โอ้ เว๊ เลา ฆึ ดี๊ อ ไค๊ดืงไค๊ด้ะ เต้ๆ, ล้อ

อีซยา 22:5

อไฌ่บี่อี้ง, ทอดูทึโท๊ทึ กแช่ยาเว, พี่ เก ซึ้คู ดูทึชองทึ นอ อ มื่ง โอ ล นี้ง เก มื่งนี้ง ลู่ง ท เติ้งทางเติ้งล้าง, ท ไย่เละค๊างพะ ดี๊ ท บีงบูงโช้งไท๊ ลู่ง ทลู่ง คางไท้ะ ลู่ง ท แด เว้ พ้า กางแป ม แบ ทแม้ เฌ๊ฌ้อง ดี๊ ท อ ลู่ง กุ้ซย้ะ เท่อ เกม๊า แม้ช้า-อ้ะ ม ลี้ท้อง ทลู่ง

อีซยา 29:9

เกม๊า โอ ท ล้างตุ้ท๊า พ้า ดี๊ เซิงไพ่ซ้ะว้ะ เกม๊า แม้ไค้ะแม้โบล ล้าง น กแช่, ดี๊ เก โพล้ง เมะโบล อ ซื๊งเว๊ ซีง ลแพ ม้า เท่อ, แบเด้าะ ล เมะ ดี๊ ไซ้ะ ซไบ้ะแซ ที๊ง แบ อ เว๊ ไร้ะมื่งไร้ะไฆวะ, แบเด้าะ ล เมะ ดี๊ ไซ้ะที๊งมี่จ้าง แบ

อีซยา 34:2

เมะเว๊ กแช่แยว้ ซ้ะทาง พ้ะดู ดี๊ โพล้ง กุ้ที๊งกุ้ค่าง ดี๊ ซ้ะทาง ดี๊ อ ซึ้พู มู๊ง เลาพะ กแช่แยว้ แม้เฌ๊ฌ้อง อ ซื๊งเว๊, ดี๊ อางกีล้าง เอะ ท แม้ซี๊ง กล้างซี๊ง

อีซยา 34:7

ทดู โฌ้ ม ล้างเทะเค้า ล พ๊าฆ่าง ดี๊ อ ซื๊งเว๊ ดี๊ งู้ บาง ล พ๊าฆ่าง ดี๊ งู้ แพ๊ พี่ อชองอไคล๊ อ ซื๊งเว๊ อ ที๊งล่างค่างพ้า ม โอฆวี้ ดี๊ ทซวีง ดี๊ ฌางคู ม แบโจ ดี๊ ท อซูอไย้

อีซยา 49:26

ก ม เกม๊า โพล้ง พี่ อ แคแนแคแก้ แน้ ลแพ นอ, อาง ไท้ อ กแช่ อไพ้ะอแย ดี๊ อ เว๊ ม ม้า อ กแช่ อซวีงอที๊ง แด เว๊, บี่ซุ้ดี๊ ม้า ไซ้ะ ซไบ้ะที๊ง ฌ้อง กโพล้ง กุ้แฌ้ ม ซีงแฌ๊ เว๊ เฆ้อ, เมะเว๊ กแช่ยาเว, เก น กแช่แยว้ พี่ อ แม้ช้า แน้ ดี๊ เก น กแช่แยว้ พี่ อ เทะ นี่ ไท้ แน้, ยาคุ้ อ กแช่แยว้ พี่ อชองอไคล๊ ล้อ”

อีซยา 51:17

เกม๊า แม้ชองทาง น กแช่ อ ซ้ะ, เกม๊า แม้ชองทาง น กแช่ อ ซ้ะ เกม๊า ชี๊เทิงทาง แดเทา, เยรูซเลง-เอ้อ แน้ โพล้ง พี่ นี่ โอ้ แบ เท่อ ดี๊ กแช่ยาเว อ จูง เมะเว๊ โล๊ง ลู่ง กแช่แยว้ อ ท ซ้ะทาง พ้ะดู น นี่ โอ้ แบ เท่อ ลู่ง โล๊ง ท เด้งเค๊งแดฆ้าง ท้องล้าง ลู่ง ท อ ไค๊ ล้างด้ะ

อีซยา 65:12

ก ม คลุ้ล้าง น ซื๊ง ซีง ลแพ เกม๊า เอะ น้ะ ดี๊ น ซื๊ง กุ้แฌ้, ม แบ โคะฌืงล้าง ซ้ะ ดี๊ โพล้ง แม้ซี๊ง เท่อ เป๊งนี่ พี่ ก กุ้ เท่อ นอ, น ซื๊ง ล เซ๊ช๊า แบ พี่ ก ไคล้ นอ, น ซื๊ง ล คุ้ช๊องแน แบ แบเด้าะ น ซื๊ง แม้ ท พี่ ออ้าอซ๊าง ลู่ง ก เมะแซ พ้า ดี๊ อางลึ นี่ ท พี่ ก ล ซ้ะอวีงซ้ะโทะ-อ้ะ แบ”

เยเรมี 13:13

ฌ้อง นอ, เกม๊า น ไคล้ ดี๊ อ ซื๊งเว๊ บี่อี้ง, ‘กแช่ยาเว ไจ้ะเว๊ บี่อี้ง, อี้งเซ้อ, ก ม เกม๊า โพล้ง ที๊งล่างค่างพ้า อี้ง เลาพะ, โอ ฆวี้ ดี๊ ทม้าทปยุ้, เมะเว๊ กจุ้แฆว้ ซีง ลแพ, พี่ ชี๊น้าง โอ ดาเว อ ล่างชี๊น้าง คู, โพล้งลื่งเท่ออคู ซีง ลแพ, โมไคล้คิ้กแช่แยว้ ซีง ลแพ, ดี๊ โพล้ง เว่ง เยรูซเลง เลาพะ นอ ล้อ

ท​ฌางล้างย้าล้าง 3:15

กแช่แยว้ เกม๊า จ ซ้ะ เฌ๊ฌ้อง น้ะ เต้ๆ อ เว๊ เกม๊า จ บลิ้อาง ดี๊ ทซีงคีง

เซฟางยา 3:8

กแช่ยาเว ไจ้ะเว๊ บี่อี้ง, “อกย้องบี่นอ, เกม๊า โอคุ้แท๊ เฆ้อ โอคุ้แท๊ มื่งนี้ง พี่ ก เฌ้เทิงทาง เก พีงญาง อไฌ่บี่อี้ง, ก ต้ะเซ๊ง ก ซ้ะ พี่ ม อางกีซยอง โพล้ง กุ้ชื้อกุ้ชะ ดี๊ เกม๊า บ้างมื่ง เฌ๊ โอซยอง โละซ้ะ บี่ซุ้ ลู๊งล้าง ก ท เซิงทางซ้ะไฌ๊ ลู่ง อ ซื๊งเว๊ อ ล้อง เมะเว๊ ทคู่แช๊ ลู่ง ก ท ซ้ะทาง พ้ะดู กุ้เม้ง เมะเว๊ ฌางคูโคล๊งคู เลาพะ, ม แบ ท เช้า เฌ๊ฌ๊อง ดี๊ มี ลู่ง ก ท ล๊องก้อง อกย้อง

ท​เน​โพล​ทาง 14:10

โพล้ง ล แพ นอ แบ โอ้ กแช่ แยว้ อ ซไบ้ะ แซ ที๊ง, เมะ เว๊ กแช่ แยว้ อ ท ซ้ะทาง พี่ อ ลู๊ง ล้าง เว๊ ลู่ง โล๊ง ท ซ้ะทาง อ พ้า, ล แกย้ ฆึ เว๊ ดี๊ ท น่าง เม้ง แบ, โพล้ง กุ้ อ แฌ้ พี่ อ โอ้ เว๊ นอ ม แบ ท แม้ เทะทอง ปได้-อ้ะ ดี๊ มี ดี๊ ท ซ อวี้ง น๊า ม๊าง ลู่ง กแช่ แยว้ อ ท มุ้คู พู ดี๊ แกะ พู อ เมะแซ พ้า

ท​เน​โพล​ทาง 16:19

เว่ง พ้ะดู อางน้าง พ้ะ อ ซ้ะ ซ๊า โป้ง, เว่ง กุ้ อ ที๊ง อ ค่าง แบ ท แม้ เฌ๊ฌ้อง ไฆวะ-อ้ะ, กแช่ แยว้ นาง แบ ไท้ เว่ง บาบีโลง ดี๊ เกม๊า โอ้ เว๊ ซไบ้ะ แซ ที๊ง ลู่ง อ โล๊ง พ้า, ซไบ้ะ แซ ที๊ง นอ เมะ เว๊ กแช่ แยว้ อ ท ซ้ะทาง พ้ะดู

ท​เน​โพล​ทาง 16:6

อ ไฌ่ บี่ อี้ง อซื๊งเว๊ซีง แม้ ซี๊ง น พู น ลี้ง, ดี๊ แม้ ซี๊ง โม ไคล้ คิ้ กแช่ แยว้, ท บี่ นอ น เกม๊า อซื๊งเว๊ โอ้ ก้ะ ท ซวีง, อ นอ เกิ้ง ดี๊-อ้ะ เย้า”

ท​เน​โพล​ทาง 18:21

ฌ้อง ท มุ้คู พู ล แฌ้ พี่ อ โอ ดี๊ อ ดู้ง อ ยาง แอ นอ, โชะ ทาง นี่ โล่ง พ้ะดู ล โพลง แบ ด้อง เชิงไนะ พ้ะดู, ฌ้อง จึ้ ล้าง เว๊ ปางเล พ้า ดี๊ ไจ้ะ เว๊ “เว่ง พ้ะดู บาบีโลง นอ ม แบ ท จึ้ ล้าง-อ้ะ ชองๆ, บี่ อี้ง, ฌ้อง โพล้ง ล แด แบ-อ้ะ น่าง พ๊า ล้า แบ ล้อ