14 ท อเกิ้งอแบ นอ, แกยไท้ อ ซ้ะ ดี๊ ทแบกแช่แยว้อซ้ะ นอ, ชี๊เทิง โอ ไย้โยะ เมะเว๊ ทเมะทโต้ ล้างเทะเค้า ลู่ง เว่ง คว้าง พ้า ดี๊ ทโต้ทล้อง ลี้ นึฆ้าง ล ซี แบ
ดี๊ เกม๊า โพล้ง ลกลุ้ลจ้ะ แบ คี๊ง แฌ้, ชี๊น้าง โอกแท้ โละซ้ะ ดี๊-อ้ะ, เกม๊า อ ฟ่อง นาโบ บี่อี้ง, ‘แน้ นอ น ชู แบ กแช่แยว้ ดี๊ กจุ้แฆว้’, ฌ้อง ไจทางฌ้าไฆวะ-อ้ะ, ดี๊ แม้นี่ โล่ง ไควะ ซี๊ง-อ้ะ”
ดี๊ โพล้ง ลู่ง เว่ง พ้า, เมะเว๊ โพล้งเม้งโพล้งแซย่, ดี๊ กดูกแซย่ พี่ อ โอ เว่ง พ้า นอ, แม้ เว๊ บี่ซุ้ ดี๊ น่าง เยเซเบง อ ไละ กวิ้ยื่ง, พี่ อางแบเลา เอะ อ ซื๊งเว๊ ดี๊ อ กแช่ อ จูง ล่าง, พี่ อ โซ๊ง เอะ อ ซื๊งเว๊ซีง นอ
โพล้ง แม้น้ะแม้โน๊ง เท่อ, พี่ ช๊องมอง ทอ้าทซ๊าง นอ, เฌ๊ เบ้าทาง เย้า อซื๊งเว๊ โอ ช้างชื้ง ดี๊ กแช่แยว้ อ ท อางแม้เลา
แอเละ อ นอ ได้ะ, ลู่ง มื่ง อ เช๊ละ จ แด เว๊ บี่อี้ง, ลู่ง ท อเกิ้งอแบ พ้า นอ, โอ ฆึ ดี๊ ท ลเกิ้งลแบ แบ ปะ, ดี๊ ลู่ง ทฌี้ทแอว้ พ้า นอ, โอ ฆึ ดี๊ ทอ้าทซ๊าง ปะ
เว่ง พี่ อโต้อล้อง เกทาง ก้ะ เว่ง ท เอโบ้งเอพะ เย้า อ เว๊ โอ แบ ฆวี้ ดี๊ ท อเกิ้งอแบ ทแบกแช่แยว้อซ้ะ โอไปว้ะ แบ ลู่ง อ พ้า แบเด้าะ ค๊องเนงอี้ง โอ ที่ โพล้ง แม้ซี๊งอางแช๊ เท่อ
เกม๊า คุ้ช๊องแน เฆ้อ, น ซื๊งเว๊ ซีง ลแพ พี่ โอ ดี๊ ซ้ะ ลือค๊างพะ เท่อ แน้ โพล้ง พี่ โอ ช้างชื้ง ไย้ ดี๊ ทแบกแช่แยว้อซ้ะ
โพล้ง พี่ ต้ะเซ๊ง โพล้งอ้าโพล้งซ๊าง เกม๊า พ้องไฆวะ ดี๊ ทไพ้ะทแม ลู่ง จี้ทไซ้ะไบ้ะนุ้ อกย้อง ดี๊ แม้นี่ ก้ะ ท อเกิ้งอแบ พี่ โอ ดี๊ โพล้งแบกแช่แยว้อซ้ะ
เมะเว๊ กแช่ยาเว ซึ้คู ดูทึชองทึ อ โซ๊ง ซไบ้ะแซ เมะเว๊ อีซลาเอง อชื้ออชะ ดี๊ โพล้ง ยูดา เก เซง มื่งเทิง พี่ กแช่แยว้ แบ อ ซ้ะ ดี๊ กแช่แยว้ มื้งแล่ ท อเกิ้งอแบ แบเด้าะ แคว่เซ้อ โอ ดี๊ ท ซวีงล้างบุ้ล้าง มื้งแล่ ทฌี้ทแอว้ แบเด้าะ แคว่เซ้อ โอ ดี๊ ท อ ลู่ง กุ้ซย้ะ เกม๊า แม้ช้า-อ้ะ
ก ซื๊งเว๊ กุ้แฌ้ ฌางล้างย้าล้าง บี่ซุ้ดี๊ ทซู๊ง ก ฌางอื้งฌางโทะ บี่ซุ้ดี๊ ทูลี่ง แอว้ ก มื้งแล่ ท อเกิ้งอแบ, แบเด้าะ ล โอ แบ เฆาะ มื้งแล่ ทพ้องทพลิ้, แบเด้าะ นอ, อ โอ ช้างชื้ง ไย้ ดี๊ เฆ้อ ล้อ
โพล้ง ล โอ ฟ่อง กุ้ทาง เท่อ ลู่ง อเกิ้งอแบ น่างแฌ้ แบ โพล้ง ล โอ ดึ้ บ้าคว่าง ลู่ง อโต้อล้อง น่างแฌ้ แบ อ เว๊ อางกีล้าง อ ซ้ะ ดี๊ ท พี่ อซูงอแซ ล โอ แบ, อ เว๊ ไคล้ คีงอูง เท่อ อ เว๊ ด้าทาง นี่ ทอ้าทซ๊าง, ดี๊ กึทาง ทเด้บ้ะ
อกย้องบี่นอ, ท อเกิ้งอแบ โอ ไย้ ไฆวะ ดี๊ ก เว๊ ซีง ลแพ ดี๊ ทแบกแช่แยว้อซ้ะ ช่อง เฆ้อ ล คลึ้ แบ ก ซื๊งเว๊ ซีง ลแพ มื้งแล่ ทโฌ่งทพ้าง อางฆื๊ง แคว่ ทโฌ่ง ทพ้าง ดี๊ แคว่ แดเทา ทไค้ะ มื้งแล่ ท โฌ่ง ท พ้างฆีง, แบเด้าะ ก ไจ ลู่ง ทไค้ะซ๊า พ้า
เมะเว๊ โมไคล้คิ้ เท่อ นอ, นี่ โล้ล้าง กไบล้ะกแบล เท่อ ดี๊ กเย่ โพล้งลื่งเท่ออคู นอ, โพะคอง เท่อ ท๊อง อ กแช่ อดู้งอยาง แด เว๊ ดี๊ กพูกลี้ง นอ, แบ อ ซ้ะ บี่อี้ง แบเด้าะ น ซื๊งเว๊ ม แม้ บี่จะเล้, ท่อง อช๊าอโท่ ไค๊ทึ เฌ๊ท้อง นอ?”
เกม๊า น ไคล้ ดี๊-อ้ะ บี่อี้ง, ‘อ อี้ง เก โพล้ง กุ้ชื้อกุ้ชะ พี่ ล ชู่ง กแช่ยาเว อ กแช่แยว้ อ ลู่ง แบ, ดี๊ ล ญ่อง ฮะนี่ ทซองทซ๊าง, ทเมะทโต้ เซงทื่งเฌ๊ฌ้องไฆวะ เย้า, แบ ทแม้ เทะไฆวะ ดี๊ อ เว๊ อ นุ้ เย้า
ลู่ง ท ลือค๊างพะ อกย้องนอ, กเย่ กแช่แยว้ อพูอลี้ง, ดี๊ ทลื่งทาง เช้า ดี๊ มี ล้างชู้ล้างแกย นอ, แบ ท แม้นี่ก้ะ, เต้ๆ, นอ แบ ท เว่งว๊าง ล้าง ลู่ง ฌางคูคู, ดี๊ อ โน้ง นอ เกทางเกโท๊ ลู่ง อ ทไพ้ะทแม้ พ้า
พี่ ก ม แม้ก้องแย่ ไท้ อีซลาเอง นอ เอฟาอีง อ ทไพ้ะทแม โพลทาง ล พ๊าฆ่าง ดี๊ ซมาเรีย อ ทอ้าทซ๊าง ล เม้ง แบ ล เม้ง อ ซื๊งเว๊ แม้ ท อางโล๊ไละ โพล้ง อางฌูง เท่อ นึฆ้าง เด้า พ้า ดี๊ โพล้ง ตมละตเช เท่อ นอ, ตมละ เท่อ โอ ลู่ง ค๊องโค๊
เป๊งนี่ น ซื๊ง ไย่เละค๊างพะ โพล้ง ซยาง ดี๊ กิ้ นี่ บืงซาลี อ ค๊อง ดี๊-อ้ะ น ไต้ทาง เด้า ดี๊ โล่ง แพล้ นี่ แบเด้าะ น ล นี่ โอ แบ อ พ้า นอ แบ น แม้ โซ๊ง ซไบ้ะแซ พี่ อ ซยืง อ เคลง แบเด้าะ น ล นี่ โอ้ แบ ไซ้ะ ซไบ้ะแซ ที๊ง ลู่ง โซ๊ง นอ แบ
โอ้, น ซื๊งเว๊ ซีง ลแพ, พี่ เปลงไฆวะ ท อเกิ้งอแบ ดี๊ ไย่เละค๊างพะ ทแบกแช่แยว้อซ้ะ
กซี ซยู๊ ลู่ง โล่งคู โบ่? โพล้ง โอ ล แฌ้ๆ, ชี่-อ้า, เจ่ งู้ เท๊ ปางเล ซี ชี่-อ้า? แบเด้าะ น ซื๊งเว๊ ซีง ลแพ, นี่ เปลงไฆวะ ท อเกิ้งอแบ, เกม๊า อ เก ทจืงทแพล่ ดี๊ เปลงไฆวะ ทฌี้ทแอว้ อซูงอแซ, เกม๊า อ แค
ทบี่นอ, ทอางแม้เลา ล้างท่องไฆวะ ดี๊ ท อเกิ้งอแบ นอ, ล โพลทาง แบ เฆาะ เป๊งนี่ โพล้งอ้าโพล้งซ๊าง พ้องวะ ทะ โพล้งแบกแช่แยว้อซ้ะ ทบี่นอ, ท อเกิ้งอแบ ไจทาง เว๊ ลแบลซยุ้ แบ
