อีซยา 59:12 - Northern Pwo Karen Thai Bible

¹² เป๊งนี่ ก ซื๊งเว๊ ซีง ลแพ, ก ท กไบล้ะกแบล ดี๊ กแช่แยว้ แอทางโฌ่ทาง ดี๊ ก ทเด้บ้ะ นอ, ไคล้ ชางบ้า เฆ้อ ล้อ อไฌ่บี่อี้ง, ก ท กไบล้ะกแบล โอ ดี๊ ก ซื๊งเว๊ ดี๊ ก ซื๊งเว๊ ก ช๊องมอง แบ ก ทเด้บ้ะ ออ้าอซ๊าง

อีซยา 59:12 교차 참조

เอซรา 9:13

ดี๊ ทกุ้เม้ง พี่ กึทาง ดี๊ เฆ้อ ซีงลแพ, เป๊งนี่ ลู่ง ก ทอ้าทซ๊าง, ดี๊ เป๊งนี่ ลู่ง ก ทไพ้ะทแม พ้ะดู อกย้อง นอ, กแช่แยว้ เมะเว๊ เฆ้อ ซีงลแพ อ กแช่แยว้ นอ, นี่ แม้เตาแม้แต๊ เฆ้อ, เป๊งนี่ ลู่ง ก ทเด้บ้ะ อ้า อกย้อง นอ แซย้เละ พี่ เกิ้ง นี่ แบ-อ้ะ นอ ได้ะ, ดี๊ เกล๊าง เอะ เฆ้อโพล้ง พี่ โอ ล้างลื๊อ ก้ะ บี่อี้ง

เอซรา 9:6

ดี๊ จ โล้แบ-อ้ะ บี่อี้ง, “จ กแช่แยว้-เอ้อ, จ ฌางแช้ ล้างไช้ะล้างย่อง พี่ ม แกยทาง เมะ แคว่ทาง จ กแช่แยว้, เมะเว๊ เฆ้อ ซีงลแพ อี้ง, ทเด้บ้ะ ลู่ง อ อ้า อ ซ๊าง นอ แอทาง พะไฆวะ ก คู, ดี๊ ก ทไพ้ะทแม นอ โท๊ทาง ลี้ ท้อง ทมุ้คู

เนฮะมี 9:33

แบเด้าะ กเย่ เท่อ พี่ อ กึทาง ดี๊ เฆ้อ ซีงลแพ นอ, กแช่แยว้ เก ทอเกิ้งอแบ, เมะเว๊ กแช่แยว้ แม้ เท่อ ลู่ง อ โต้ อ ล้อง, แบเด้าะ เฆ้อ ซีงลแพ อี้ง ก แม้ เท่อ ลู่ง อ อ้า อ ซ๊าง ล้อ

ทอางปฆ้า 51:3

เมะเว๊ จ ซีงแฌ๊, แบฆ้ะ ดี๊ จ ทลือค๊างพะ เท่อ เย้า ดี๊ จ ทเด้บ้ะ โอ ลู่ง จ เมะแซ พ้า ครึๆ

อีซยา 1:4

เอ้อ, กโพล้ง กุ้ชื้อกุ้ชะ อ ทเด้บ้ะ ตาง กโพล้ง อ ชื้อ พี่ อ ยุ้ ทอ้าทซ๊าง อ ทอวีงทยุ้ โพล้งอ้าโพล้งซ๊าง อชื้ออชะ พู พี่ แม้ เฌ๊ฌ้อง เท่อ อ ซื๊งเว๊ ซีง ลแพ ญ๊องไฆวะ กแช่ยาเว อ ซื๊งเว๊ ดึ้เดว อีซลาเอง อ กแช่แยว้ พี่ อฌี้อแอว้ อ ซื๊งเว๊ ซีง ลแพ, วีงโด้งโคล๊งไฆวะ อ ซ้ะ ดี๊ กแช่แยว้

อีซยา 3:9

อ ซื๊งเว๊ ซีง ลแพ อเมะอแน๊ อมยู๊อฮ๊าง นอ, เก พีงญาง ไจ้ะ แบ-อ้ะ อ ซื๊งเว๊ กุ้ซย้ะ โล้ล้าง อ ท เด้เทาเด้บ้ะ ด้องซุ้ เว่งโซโดง อ ซื๊งเว๊ ล นี่ อางกีซูงอางกีไบ้ะ เว๊ แบ ท เซงทื่งเฌ๊ฌ้อง แบ-อ้ะ เป๊งนี่ อ ซื๊งเว๊ แม้นี่ ทอ้าทซ๊าง เฌ๊ ท้อง อ กแช่ แด เว๊ ล้อ

อีซยา 58:1

เกม๊า กุ้ซย้ะ ดูๆ, อางกี ทีง-อ้ะ ล ฌี้ เกม๊า แม้ เซ๊ น ลู่ง, บี่ซุ้ดี๊ อูง ทพูแฆ่ อ โน้ง เกม๊า โล้ล้าง เอะ กพูกลี้ง, เกม๊า ซีงแฌ๊ ล้าง อ ซ้ะ, แบฆ้ะ ดี๊ อ ท กไบล้ะกแบล อ ไฌ่ เกม๊า ยาคุ้ อชื้ออชะ, ซีงแฌ๊ ล้าง อ ซ้ะ, แบฆ้ะ ดี๊ อ ท เด้บ้ะ

อีซยา 64:4

โค๊ ลู่ง เอะ อู้ง เละ นอ, โพล้ง แน่ฌ๊า แบ เว๊-อ้า นี่ ซีงแฌ๊ เว๊ ดี๊ อ แน่-อ้า นี่ แด แบ กแช่แยว้ ล แฌ้ ดี๊ อ เมะ, พี่ ล เมะ กแช่แยว้ แบ-อ้า นอ พี่ อ แม้ เท่อ ลู่ง โพล้ง พี่ โอคุ้แท๊ กแช่แยว้ อ ฌ่าง-อ้า นอ, ล โอ น่างแฌ้ แบ

เยเรมี 14:7

“ทึเมะ ก ซื๊งเว๊ ซีง ลแพ, ก ท เด้เทาเด้บ้ะ นอ, เก พีงญาง ไคล้ ชางบ้า แย้ จ กแช่ยาเว-เอ้อ, อวีงซ้ะชู้ แน้ ย๊างซ้ะ แบ เฆ้อ, ลู่ง นเม้งนแซ อ ฌ่าง นอ ไช้ะ กเย่ ก ซื๊งเว๊ ก ท ลโต้ลล้อง แบ ลแพ นอ, แอฌี่งแอฌ้อง ล้อ ก ซื๊งเว๊ ซีง ลแพ, ก แม้ ทเด้บ้ะ แบ กแช่แยว้

เยเรมี 3:2

“เกม๊า น แคว่ทาง กเย่ ทล่าง พ้ะโท๊ เติ้งต้าง นอ, ดี๊ แคว่เซ้อ ทล่าง พี่ ล จอง เล้, พี่ โพล้ง ล โอ เฌ๊ มี๊ง ดี๊ แน้ แบ? น นี่ ชี๊น้าง โอคุ้แท๊ โพล้ง พี่ น เอ-อ้ะ, โอ ลู่ง เกล้ พ้าไท้ะ ด้องซุ้ โพล้ง ไจพลุ้ฌ้ะเม้ง ลู่ง แพะคูทเคแกล้ น นี่ แม้ แบอ้า ที๊งล่างค่างพ้า ดี๊ น ท เอโบ้งเอพะ ลู่ง ออ้าอซ๊าง

เอเซเคียง 5:6

แบเด้าะ เยรูซเลง นี่ กไบล้ะกแบล แบ ก ทอางกีล้าง ลู่ง ออ้าอซ๊าง, อ้า น้ะเละ โพล้ง ลู่ง ค่าง พ้า อ แฌ้แพ นอ ได้ะ, ดี๊ กไบล้ะ แบ ก ท อเค้อะอต้าง น้ะเละ ค่าง พี่ อ โอ วะชวะ นอ ได้ะ, เมะเว๊ แด อ ซื๊งเว๊ ซม๊า ก ทอางกีล้าง, ดี๊ ล แม้โพะ ก ท อเค้อะอต้าง อ ไค๊ แบ

เอเซเคียง 7:16

ดี๊ โพล้ง แฌ้ฌี้ๆ, เมะ พ้องพลิ้ ซี๊ง, ไจคุ้ซูงไฆวะ ซี นอ อ ซื๊งเว๊ ม โอ ทลู่ง คู อ เว๊ ม เก บี่ซุ้ดี๊ ทูลี่งแอว้ ลู่ง ทลู่ง คางไท้ะ ล แฌ้ๆ, นอ, ม ฌางอื้งฌางโทะ ลู่ง อ ท เด้เทาเด้บ้ะ อ กย้อง

เอเซเคียง 7:23

เกม๊า แม้ พลี้งท้ะ เมะเว๊ ที๊งล่างค่างพ้า โอ ฆวี้ ดี๊ ทซวีง อบ้าอคว่าง ดี๊ เฌงฆ๊าง นอ, โอ ฆวี้ ดี๊ ทชองทจุ้

โฮเชยา 4:2

โอ ที่ ท ชูล้างซ้ะ, ท คีงอูงคีงตู๊ง, ท แม้ซี๊งแม้แช๊ โพล้ง, ท อางฌูงอางแบล, ดี๊ ท เอโบ้งเอพะ ท ลแพ อี้ง นอ, จฌะ ลี้ เฆ้ง พะ, โอ ดี๊ ท แม้ซี๊งแม้แช๊ ตบลึ้ คะ

โฮเชยา 5:5

อีซลาเอง อ ท ทื่งดู ล้างซ้ะ นอ, โพลทาง เก พีงญาง ลู่ง อ เมะแซ พ้า เย้า อีซลาเอง ดี๊ เอฟาอีง ม แบท้า ลู่ง อ กแช่ อ ทไพ้ะทแม พ้า ยูดา นอ แบท้า ลี้ ดี๊ อ ซื๊งเว๊ ซีง ลแพ ปะ

โฮเชยา 7:10

อีซลาเอง อ ท ทื่งดูล้างซ้ะ นอ, เก พีงญาง ไคล้ ชางบ้า-อ้ะ อ เว๊ ล ไท้ฌูงไท้ อ กแช่ยาเว กแช่แยว้ ได้ะ แบ ทึเมะ โอ ดี๊ ท อไฌ่อกย้อง เลาพะ อี้ง ฌี้ นอ, อ เว๊ ล อางฆื๊ง กแช่แยว้ แบ

ฮาบากุ้ 1:4

ทบี่นอ, ทอางแม้เลา ล้างท่องไฆวะ ดี๊ ท อเกิ้งอแบ นอ, ล โพลทาง แบ เฆาะ เป๊งนี่ โพล้งอ้าโพล้งซ๊าง พ้องวะ ทะ โพล้งแบกแช่แยว้อซ้ะ ทบี่นอ, ท อเกิ้งอแบ ไจทาง เว๊ ลแบลซยุ้ แบ

เกล้​ท​ซ้ะวี่ง 32:23

แบเด้าะ น ซื๊ง เมะ ล แม้ บี่อี้ง แบ นอ, แคว่เซ้อ น ซื๊ง แม้ ทเด้บ้ะ แบ กแช่ยาเว, อ นอ เกม๊า น ซีงแฌ๊ ล้างที๊ง-อ้ะ แดเทา, น ทเด้บ้ะ ม คลึ้นี่ไท้ น กแช่ ล้อ