อีซยา 54:10 - Northern Pwo Karen Thai Bible

¹⁰ เมะเว๊ ทลู่ง ลแพ นอ, แบซีงลู่ง ม แบ ท แญ่ไฆวะ ดี๊ กเย่ ทจ้องม๊อง นอ, แบซีงลู่ง ม เละโละว้ะแซย๊ ล้อ แบเด้าะ ก ทเอทกวี้ง พี่ อเฌิ่งอค๊า ม ล แญ่ ไจแดไฆวะ แน้ แบ ดี๊ ก ท เอิ้งล้าง ลู่ง ทมึทพ้า ม ล เละโละว้ะแซย๊ แบ” กแช่ยาเว พี่ อ ย๊างซ้ะ แน้ ไจ้ะเว๊ บี่อี้ง

อีซยา 54:10 교차 참조

2​ซามูเอง 23:5

แย้ จ ชื้อ จ ชะ แม้ อ ซ้ะ บี่นอ, ดี๊ กแช่แยว้ ล เมะ แบ-อ้า? เมะเว๊ กแช่แยว้ แม้ ทเอิ้งล้าง ล้างชู้ ล้างแกย ดี๊ แย้ เก ท ล ฆ๊างๆ, แบ อ เมาะ กุ้เม้ง ดี๊ เฌิ่ง ค๊า กแช่แยว้ ล เกม๊า ทพ้องทพลิ้ กุ้ อ แพ้ ดี๊ จ ทแบน่างแบซ้ะ กุ้เม้ง นอ, ล เกทาง อ ซ้ะ แบ-อ้า?

ทอางปฆ้า 102:26

ทลแพ อี้ง นอ, ม เซงทื่งเฌ๊ฌ้องไฆวะ, แบเด้าะ กแช่แยว้ นอ, ม โอเฌิ่งโอค๊า ล้อ ทลแพ อี้ง นอ, ม ล่างลี้งไฆวะ, บี่ซุ้ดี๊ ทซุ้ทก้อง กแช่แยว้ เปลงไฆวะ ทลแพ อี้ง, บี่ซุ้ดี๊ ไช๊ช้าง, ฌ้อง อ เลาเทาไฆวะ เว๊ ล้อ

ทอางปฆ้า 46:2

ทบี่นอ, ก ล ซ้ะเมซ้ะไพล้ เท่อ แบ, ทึเมะ ฌางคูโคล๊งคู ม เปลงไฆวะ อ ซ้ะ ฌี้ ทึเมะ ทลู่งทจ้อง ซีงลแพ, ม เคล้งเคลิ่งล้าง ลู่ง ปางเล พ้า แย๊โค๊ ฌี้

ทอางปฆ้า 46:3

ทึเมะ ที๊ง ปางเล เซ๊ พ้ะดู, ดี๊ ซโบงซเบว้ทาง ฌี้ ทึเมะ ทลู่ง ว้ะตทูง ลู่ง ปางเล ว้างไร้ะ อ ซ้ะ ฌี้ๆ, นอเซ่-ลา

อีซยา 49:10

อ ซื๊งเว๊ ลแพ นอ, ล ซู๊อางซ้ะ เท่อ-อ้า, ซู๊โอ้ซ้ะ เท่อ-อ้า แบ ทคู่ ต้องแช๊-อ้า, มื่ง-อ้า, ม ล แม้เฌ๊ฌ้อง-อ้ะ แบ เมะเว๊ กแช่แยว้ พี่ ย๊างซ้ะ แบ อ ซื๊งเว๊ นอ, ม ลี้ฌ้า อ ซื๊งเว๊ ดี๊ ม ลี้ฌ้า-อ้ะ ลู่ง ที๊ง ทางชุ้

อีซยา 49:15

“กมืง ม ซ้ะนาง อ พู พี่ อ อาง นู่ง ได้ะ ดี๊ ล ย๊างซ้ะ อ พู ลู่ง อ อ้อง พ้า แบ ซี ชี่-อ้า? ทึเมะ โพล้ง ลแพ อี้ง ม ซ้ะนาง เว๊ ซี ฌี้ นอ แบเด้าะ ก เว๊ นอ, ก ล ซ้ะนาง แน้ แบ

อีซยา 54:8

ก อางกีซูงไฆวะ ก เมะ ดี๊ แน้ ดี๊ ท ซ้ะทาง พ้ะดู ล ชู่ พู แบเด้าะ ก ม ย๊างซ้ะ แน้ ดี๊ ทเอทกวี้ง ลู่ง อเฌิ่งอค๊า ล้างชู้ล้างแกย ล้อ” กแช่ยาเว พี่ อ เทะนี่ไท้ แน้ ไจ้ะเว๊ บี่อี้ง

อีซยา 55:12

“อไฌ่บี่อี้ง, น ซื๊ง ม ไจทาง ดี๊ ท เซิงฆวี๊งซ้ะโย้ ดี๊ ม แบ ท ลี้ฌ้า ดี๊ ทมึทพ้า กเย่ ทลู่ง ดี๊ ทจ้องม๊อง นอ ม แม้ เซ๊ อ ลู่ง ซ้ะอวีงแท๊ ลู่ง น ซื๊ง เมะแซ พ้า ดี๊ เซงมื่งเทิง เลาพะ ลู่ง ทเคแกล้ ม เด้ อ จูง

อีซยา 55:3

เกม๊า ดุ้ น แน่, ดี๊ เฌ๊ฌูง เฆ้อ เกม๊า คุ้ช๊องแน เท่อ, บี่ซุ้ น กแช่ ม โอ ดี๊ ทม๊า ดี๊ เฆ้อ ก ม แม้ ทเอิ้งล้าง ล้างชู้ล้างแกย ดี๊ น ซื๊ง บี่ซุ้ดี๊ ก ทเอทกวี้ง พี่ อเฌิ่งอค๊า ล้างเท่งล้างชิ้ ดี๊ ดาเว นอ ล้อ

อีซยา 55:7

เกม๊า โพล้งอ้าโพล้งซ๊าง ญ๊องไฆวะ อเกล้อพ้า ดี๊ เกม๊า โพล้ง ลกลุ้ลจ้ะ แบ ญ๊องไฆวะ อ ทช๊องมอง เกม๊า อ เว๊ เฌ๊ไท้ฌูง กแช่ยาเว, ดี๊ กแช่แยว้ ม ย๊างซ้ะ-อ้ะ ดี๊ เฌ๊ไท้ฌูง เฆ้อ ก กแช่แยว้, เมะเว๊ กแช่แยว้ โอ ดี๊ ท แพล่ไฆวะ ลู่ง อล๊าอฆวี้

อีซยา 59:21

กแช่ยาเว ไจ้ะเว๊ บี่อี้ง, “แบเด้าะ ก เว๊ นอ, อ อี้ง เก ก ทเอิ้งล้าง ดี๊ อ ซื๊งเว๊ ลแพ นอ, เมะเว๊ กวีงกแล้ พี่ โอ ดี๊ แน้, ดี๊ ก ทไคล้ พี่ ก ชวี๊งล้าง ลู่ง น นุ้ พ้า นอ, ม ล ล้างแซยล้างพ้ะไฆวะ ดี๊ น นุ้ -อ้า, น พู น ลี้ง อ นุ้-อ้า, น พู น ลี้ง อ พู อ ลี้ง-อ้า แบ, ท๊อง อี้ง ท้อง ชู่งแย๊โค๊ ล้างชู้ล้างแกย”, กแช่ยาเว โล้ เว๊ บี่อี้ง ล้อ

อีซยา 61:8

เมะเว๊ เฆ้อ, ยาเว เอ ท อเกิ้งอแบ ก แช๊เมะ ดี๊ ท ตมละตเช, ดี๊ ทอ้าทซ๊าง ก ม เกม๊า อ ซื๊งเว๊ อ จูงเล้งคางเล๊ ลู่ง อเกิ้งอด้าง ดี๊ ก ม แม้ ทเอิ้งล้าง ล้างชู้ล้างแกย ดี๊ อ เว๊

อีซยา 63:7

จ ม โล้ เท่อ, เกม๊า ช๊องมอง แบ กแช่ยาเว อ ทเอทกวี้ง พี่ อเฌิ่งอค๊า ดี๊ กแช่ยาเว อ ทไพ้ะทแม้ พี่ ล้าง อางปฆ้า ทาง บี่ซุ้ดี๊ ท กุ้เม้ง พี่ กแช่ยาเว เกล๊าง เอะ ก ซื๊งเว๊ ดี๊ บี่ซุ้ดี๊ ท อ ฌี้ ดูทึโท๊ทึ, พี่ โอ ดี๊ อีซลาเอง อชื้ออชะ พี่ กแช่แยว้ เกล๊าง เว๊, บี่ซุ้ดี๊ อ ท ย๊างเซิงย๊างซ้ะ ดี๊ บี่ซุ้ดี๊ กแช่แยว้ อ ทเอทกวี้ง พี่ อล๊าอฆวี้

อีซยา 9:6

เมะเว๊ พืงแซ โอ ล แฌ้ เฌ๊ กึทาง ลู่ง ก ฌ่าง พูแคว๊ โอ ล แฌ้, แบ ท เกล๊าง เอะ เฆ้อ ดี๊ ท โพะคอง ม โอ ลู่ง อ จู๊งแบ คู ดี๊ โพล้ง ม กุ้ เว๊ อ เม้ง บี่อี้ง “โพล้ง เนฌ้าโล้ฌ้า เท่อ ลู่ง อล้ะอเล่, กแช่แยว้ พี่ โอ ดี๊ อดู้งอยาง อซยื๊งอซย้อง แอทึ แพ่ กแช่แยว้ ล้างชู้ล้างแกย ดี๊ กแช่แยว้ ทมึทพ้า”

เยเรมี 31:36

“ท อางกีล้าง คระ อี้ง, เมะ ล้างแซยล้างพ้ะไฆวะ ลู่ง ก เมะแซ พ้า นอ อีซลาเอง อชื้ออชะ ม ทึไฆวะ ดี๊ ท เก โพล้ง ล ชื้อ ลู่ง ก เมะแซ พ้า ล้างชู้ล้างแกย ล้อ”, กแช่ยาเว โล้ เว๊ บี่อี้ง ล้อ

เยเรมี 33:20

“กแช่ยาเว ไจ้ะเว๊ บี่อี้ง, น ซื๊ง เมะ แม้ล้างฆ่อง ก ทเอิ้งล้าง ดี๊ มื่งนี้ง, ดี๊ แม้ล้างฆ่อง ก ทเอิ้งล้าง ดี๊ มื่งแน้ ซี, ท๊อง มื่งนี้ง ดี๊ มื่งแน้, ล เฌ๊ บี่ซุ้ดี๊ ท อางกีล้าง เว้ อช๊าอโท่ แบ นอ

เอเซเคียง 16:42

ฌ้อง ก ม เกม๊า ก ท ซ้ะทาง ดี๊ แน้ โอโท่ไฆวะ, ดี๊ ก ม แกยไฆวะ ก ท ล๊องก้องไท้เท่อ ดี๊ แน้, ฌ้อง ก ม โอกโช้ ดี๊ ล ซ้ะทาง ล้า แบ

เอเซเคียง 34:25

“ก ม แม้ ทเอิ้งล้าง ลู่ง ทฆู๊งทพุ้ ดี๊ อ ซื๊งเว๊, ดี๊ แม้ไฆวะ ทพูแฆ่ อ้า ลู่ง ที๊งล่างค่างพ้า, บี่ซุ้ อ เว๊ ม เปิ่งโอเปิ่งช๊อง ลู่ง แพะคูทเคแกล้ ซี ลู่ง อมึอพ้า, ดี๊ มี๊งน้าง โอ ลู่ง ทเค พ้า ซี

มาลาคี 2:5

ก ทเอิ้งล้าง พี่ โอ ดี๊-อ้ะ นอ, เก ทเอิ้งล้าง พี่ เกล๊าง ทม๊า ดี๊ ทฆู๊งทพุ้ ก นี่ เกล๊าง เอะ-อ้ะ ท ลแพ อี้ง, บี่ซุ้ อ เว๊ ม ดู้งแบยางแบ, ดี๊ อ เว๊ ดู้งแบยางแบ เฆ้อ, ดี๊ ยางแบ กเม้งกแซ

เกล้​ท​ซ้ะวี่ง 25:12

ทบี่นอ เกม๊า โล้ ล้าง-อ้ะ บี่อี้ง, ‘แย้ จ เกล๊าง จ ทเอิ้งล้าง ลู่ง อ มึ อ พ้า เอะ-อ้ะ

ม้ะทู 16:18

เมะ ยี๊ จ โล้ แน้ บี่ อี้ง, น เม้ง เปโต นอ, บี่ ซุ้ น เก ไล๊, ลู่ง ไล๊ คู อี้ง ล้อ จ ม ไต้ทาง โพล้ง ทื๊ง ซยอง เท่อ ล มู๊ง ลู่ง จ กแช่ เว๊, ทึ เมะ ท ซี๊ง ฌี้ๆ, แม้ น้า-อ้ะ ล นี่ น่าง ชุ้ แบ

ม้ะทู 24:35

มุ้คู ดี๊ ฌางคู ม ล้างแม่ ไฆวะ เว๊ ล้อ, แบ เด้าะ จ ลู่ง จ แท๊ ล แพ นอ, ล ล้างแม่ ไฆวะ น่าง พ๊า แบ นอ ล้อ

ม้ะทู 5:18

จ โล้ เอะ น ซื๊ง โต้ๆ, ล้อ, มุ้คู ดี๊ ฌางคู โอ ได้ะ อ แค๊ อี้ง นอ, ทอางแม้เลา อ ไละเมะ ล ปี๊ ล คี่ ล แจ้ะ, ล ล้างแม่ ไฆวะ ฌ้อง แบ, ม โอ ท้อง อ ชิ้เทา ไฆวะ ท กุ้ อ เม้ง โคะ นอ ล้อ

โรมา 11:29

อ ไฌ่ บี่ อี้ง, แบฆ้ะ ดี๊ โพล้ง พี่ กแช่ แยว้ อางลึ นี่-อ้ะ ดี๊ ไป๊ป้อง-อ้ะ นอ, อ เว๊ ล เปลง อ ซ้ะ ดี๊-อ้ะ แบ

ทีต๊ะ 3:5

อ เว๊ แม้ พ้อง พลิ้ เฆ้อ, ล เมะ ลู่ง ก แม้ ท อ ฌี้ อ แอว้ แด เว๊ น่าง เม้ง แบ, แบเด้าะ ลู่ง อ เว๊ ย๊างเซิง ย๊างซ้ะ เฆ้อ นอ ล้อ, อ เว๊ แม้ พ้อง พลิ้ เฆ้อ ลู่ง วีง ฌี้ แล้ แอว้ อางซฌ้ะ เฆ้อ, ทอางซฌ้ะ อี้ง เกม๊า ก กึ ทาง อ ซ๊าง ดี๊ นี่ ท ม๊า อ ซ๊าง

ฮีบรู 12:27

พี่ อ ไจ้ะ เว๊, “ล พ๊า เด้าะ โคะ นอ”, อ นอ เนโพล ทาง เว๊ เท่อ พี่ กแช่ แยว้ ไต้ ล้าง เว๊ นอ, ม แบ ท แม้ ว้ะ-อ้ะ ดี๊ ม แบ ท แม้ ไฆวะ-อ้ะ, บี่ ซุ้ เท่อ พี่ อ ว้ะ ล นี่ แบ ล แพ นอ ม โอก้ะ ครึๆ, ล้อ

ท​เน​โพล​ทาง 6:14

มุ้คู ล้างแม่ ไฆวะ บี่ ซุ้ ไละ พี่ โพล้ง ทื๊ง ทาง ไท้ เว๊ ท้อง อ เลา, ท ลู่ง กุ้ อ โพลง, ดี๊ เก้าะคู กุ้ อ จอง, แบ ท ซึ้ ไฆวะ-อ้ะ ลู่ง อ ล่าง