4 อ ซื๊งเว๊ ลแพ นอ, ม เฌ๊ เมทาง ลู่ง นาง แกล้ บี่ซุ้ดี๊ เซง ลยู มื่งเทิง, ลู่ง ที๊ง ล้างแยว้ อ กล้อง พ้าไท้ะ
เซง ตะครอง มื่งเทิง, เก ทซยืง กดื้งทะ-อ้ะ เซงวีโล มื่งเทิง, โอ เว๊ อ ฆ้อง วะชวะ
น ม ซีงแฌ๊ โย๊ ปะ, นชื้อนชะ ม แอฌี่งแอฌ้อง ดี๊ น พู น ลี้ง ม เก บี่ซุ้ดี๊ นาง ลู่ง ฌางคูโคล๊งคู
อ เว๊ เก บี่ซุ้ดี๊ เซง มื่งเทิง, พี่ เซิงล้าง ลู่ง ที๊ง พ้าไท้ะ พี่ ซูงทางแซทาง แบ อมื่งอแค๊ ดี๊ อ แล ล ล้างไย้ะล้างไฆ๊ แบ ทกุ้เม้ง พี่ อ แม้ เว๊ นอ, เกทางเกโท๊ เว๊ แด ล้อ
น พู น ลี้ง ม เก บี่ซุ้ดี๊ มิ้ ดี๊ นชื้อนชะ บี่ซุ้ดี๊ มิ้มูง อ เม้ง ม ล แบ ท แม้ไฆวะ-อ้า แบ ทแม้ เฌ๊ฌ้องไฆวะ ลู่ง ก เมะแซ พ้า-อ้า แบ”
ดี๊ กแช่ยาเว ม ลี้ฌ้า แน้ น๊างบ้อง ดี๊ ดึ้ เกม๊า น กแช่ บลิ้อางบลิ้โอ้ ลู่ง ทซู๊งไฆ๊ พ้า ดี๊ ดึ้ เกม๊า นฆีงนแกว้ ชองโฆะ ดี๊ น ม เก บี่ซุ้ดี๊ โซ๊ง โอ ดี๊ ที๊ง โจ บี่ซุ้ดี๊ ที๊งทางชุ้ พี่ อ ที๊ง ม ลไว้ะลว๊าง แบ
เมะเว๊ ที๊งล่างค่างพ้า ดึ้ เกม๊า อ บาง เมทาง ดี๊ โซ๊ง ดึ้ เกม๊า ท พี่ ฆวีงล้าง เว๊ ลู่ง อ พ้า นอ, เมทาง บี่จะเล้ นอ ทอดูทึโท๊ทึกแช่ยาเว, ม ดึ้ เกม๊า ทแบอซ้ะ, ดี๊ ทอางปฆ้า เมทาง ลู่ง โพล้งกุ้ชื้อกุ้ชะ อ เมะแซ พ้า บี่นอ ล้อ
ฌ้อง นอ อ แม้นี่ ทคลี๊งทโพ๊ ลู่ง ที๊งล่างค่างพ้า ลี้ เซิงล้าง เว๊ ลู่ง ฌางคู ฌี้ อ อางกีล้าง ทคลี๊ง ลู่ง ที๊ง แอฌี่งแอฌ้อง ฌ๊างไท้ะ ช๊างล้าง เว๊ บี่ซุ้ดี๊ เซงลู อ ได้
ลู่ง มื่ง อ วี่งคู ล นี้ง นอ, เกม๊า น เฌ๊โชะ เซง ม้ะโน้ แซ, เซง เองทาพลาง อ แซ, เซง ได้ พี่ อ แล โอ แอ, ดี๊ เซงวีโล ดี๊ เกม๊า โอ ดี๊ ท เซิงฆวี๊งซ้ะโย้ เนว๊ นี้ง ลู่ง กแช่ยาเว น กแช่แยว้ อ เมะแซ พ้า
แบเด้าะ โพล้ง พี่ อ แน่ฌ๊า เว๊ อ ท ซอง ท ซ๊าง นอ ทื๊ง ไท้ นะ ไท้ กแช่ เยซู แอ มะ, กเย่ โพล้ง ลู่ง อ ทื๊ง นะ เท่อ ล แพ นอ ดว้ะ ที่ อ แคว๊ ชิ้ ทาง อ แฌ้ เย่ ม๊า ล้อ
โพล้ง อ มืง ฌี้ อ แคว๊ ฌี้ ทื๊ง ไท้ นะ ไท้ กแช่ เยซู แอ ทาง โฌ่ ทาง ครึๆ, ล้อ
