อีซยา 43:24 - Northern Pwo Karen Thai Bible

²⁴ น ล นี่ แม้นี่ จี้ ฆวี้ เอะ แย้ ว้างฌี๊ง เกม๊า ท แบ ก ซ้ะ ดี๊ น ทลื่งทาง อซูอไย้-อ้า แบ แบเด้าะ น นี่ เกม๊า ก อวีง ก ยุ้ เท่อ, แบฆ้ะ น ทเด้บ้ะ อไฌ่อกย้อง น เกม๊า ท ไปว้ะ ก ซ้ะ, แบฆ้ะ ดี๊ น ทไพ้ะทแม ทเด้บ้ะ อไฌ่อกย้อง

อีซยา 43:24 교차 참조

ทอางปฆ้า 95:10

จ แช๊เมะไฌ๊ซ้ะ ดี๊ โพล้ง ล ชื้อ นอ, ลี่งชี๊ง เนง ดี๊ ไจ้ะ บี่อี้ง, “อซื๊งเว๊ เก ชื้อชะ, พี่ โอ ดี๊ อ ซ้ะ เฌ๊พลุ้เฌ๊เชง ดี๊ อซื๊งเว๊ ล ซีงแฌ๊ จเกล้จพ้า แบ”

ทไจทางไฆวะ 30:34

กแช่ยาเว ไคล้ ดี๊ โมเซ ไจ้ะเว๊, “เกม๊า น แม้นี่ ทน๊าม๊า ลแพ อี้ง, เมะเว๊ กางยาง, ชาโม, ดี๊ เฮ๊งเม้ง, แกย้ซยอง ดี๊ กางยาง พี่ อเช๊งอเกล้ง, เกม๊า อ ฆวี๊ซุ้ โละซ้ะ กุ้ อ เม้ง

ทไจทางไฆวะ 30:7

เกม๊า อาโรง เช้า ท น๊าม๊า, ลู่ง ทลื่งล่าง คู นอ กุ้ อ โฌ้, พี่ อ เว๊ แม้ ฌี้ มีโด้ง นอ, อ เว๊ ม เช้า ทน๊าม๊า ปะ

อีซยา 1:14

ก แช๊เมะไฌ๊ซ้ะ ดี๊ น มื่งนี้ง แม้ ทไฌ่ แม้มึอางอวีง แล๊ ทางซ๊าง, ดี๊ มื่งนี้ง แม้ ทไฌ่ แม้มึอางอวีง บี่ซุ้ดี๊ น ท อางกีล้าง เว้ นอ เกทาง ก้ะ ทอวีงทยุ้ ฆ๊า ลู่ง ก ล้อง ก อวีง ก ยุ้-อ้ะ ท๊อง ทไปว้ะ ก ซ้ะ เย้า

อีซยา 1:24

ทบี่นอ, ทอดูทึโท๊ทึ กแช่, เมะเว๊ กแช่ยาเว ซึ้คู ดูทึชองทึ อีซลาเอง อ กแช่แยว้, พี่ โอ ดี๊ อดู้งอยางอซยื๊งอซย้อง แอทึ ไจ้ะเว๊ บี่อี้ง “แคว่เซ้อ, ก ม ทูแพล่ ทาง ก ท ซ้ะทาง ล้างแบ โพล้ง โอเว้งโอก๊าง ดี๊ เฆ้อ ดี๊ ก ม แม้แกไท้ กดีงกแด้ แด กแช่ เว๊ ล้อ

อีซยา 63:10

แบเด้าะ อ ซื๊งเว๊ ลแพ นอ, นี่ กไบล้ะกแบล ดี๊ ดึ้ เกม๊า กแช่แยว้ อ วีงฌี้แล้แอว้ อ ซ้ะ เฌ๊ฌ้อง ทบี่นอ, กแช่แยว้ แกยไฆวะ อ ซ้ะ, เก อ ซื๊งเว๊ ซีง ลแพ อดีงอแด้ ดี๊ กแช่แยว้ ดึ้ โละซ้ะ ดี๊ อ ซื๊งเว๊ ลแพ นอ ล้อ

อีซยา 7:13

ดี๊ อีซยา ไจ้ะเว๊ บี่อี้ง, “จ กแช่ ดาเว อชื้ออชะ-เอ้อ, อวีงซ้ะชู้ คุ้ช๊องแน, ทแม้ เกม๊า กโพล้ง อ ซ้ะ ล้างแช่ นอ, เก ท อ ไฌ่ ลปี๊ลคี่ ลู่ง น ซื๊ง ฌ่าง-อ้า?, ดี๊ น เกม๊า จ กแช่แยว้ อ ซ้ะ ล้างแช่ ปะ ล้อ-อ้า?

เยเรมี 44:22

กแช่ยาเว ม โอโก้ง น ทไพ้ะทแม้ พี่ ออ้าอซ๊าง, ดี๊ ท ล้าง ซ้ะลูซ้ะไล้ะ, พี่ น นี่ แม้-อ้ะ นอ, ท้อง ชู่ง แย๊ ได้ะ ล เก ล้า แบ, อกย้องบี่นอ, น ค่าง เกทางก้ะ ทล่าง ญ๊องไฆวะ ทางกย้ะ, ดี๊ เก ทล่าง โอโปล้ก้ะ, ดี๊ เก ทชูอ้า, โพล้ง ล โอ เปิ่งโอเปิ่งช๊อง เว๊ น่างแฌ้ แบ, ด้องซุ้ กุ้ มื่งนี้ง อี้ง ล้อ

เยเรมี 6:20

น เฌ๊โชะ กางยาง โอนี่ ลู่ง เว่ง เชบา ดี๊ ว้างฆี๊ง เฌ๊ นี่ ลู่ง เว่ง ไย้, เฌ๊โชะ เอะ เฆ้อ ลู่ง ทเม้งเล้ อ ฌ่าง? น ทลื่งทาง เช้า ทพูแฆ่ น๊างดื้ง นอ, ล เก ท ญ่อง ฮะนี่ ได้ะแบ ดี๊ น ทพูแฆ่ ลื่งทาง เท่อ นอ, ล แบ ก ซ้ะ แบ

เอเซเคียง 16:43

เป๊งนี่ น ล นี่ นางแบทางไท้ มื่งนี้ง พี่ น มืงน้าง ได้ะ อู้ง นอ แบ, แบเด้าะ นไล๊ดุ้ เฆ้อ ดี๊ ท ลแพ อี้ง, ทอดูทึโท๊ทึกแช่ยาเว ไจ้ะเว๊, อกย้องบี่นอ, แคว่แดเทา, ก ม แม้เตาแม้แต๊ เท่อ ลู่ง น คูด้าง บี่ซุ้ดี๊ น ทม๊า อ เกล้ นอ ล้อ “น นี่ แม้ น ซ้ะ ดี๊ ท ซ้ะกวี้งล๊องก้อง เท่อ แอ ลู่ง ท มี๊งฆึโอฆึ พ้า, ล พ๊าฆ่าง ดี๊ น ท ล้าง ซ้ะลูซ้ะไล้ะ กุ้เม้ง ล เมะ แบ-อ้า?,

เอเซเคียง 6:9

ฌ้อง อ ซื๊งเว๊ พี่ ไจคุ้ซูง พ้องพลิ้ไฆวะ นอ, ม นางแบทางไท้ เฆ้อ ลู่ง โพล้ง ค่าง พ้า อซุ้อแกล้, พี่ อ ซื๊งเว๊ แบ ท พองนี่ ลี้ เก ทอฆ่อง นอ, ดี๊ ซีงแฌ๊ เว๊ ก ซ้ะ เฌ๊ฌ้อง ลู่ง อ ซื๊งเว๊ อ ซ้ะ เอโบ้ง เท่อ อกย้อง, พี่ แกยไฆวะ อ ซ้ะ ดี๊ เฆ้อ, ดี๊ เป๊งนี่ ลู่ง อ เมะคลี๊ง เอโบ้ง เท่อ อกย้อง, พี่ อางฆื๊ง นี่ อ ทเค่งทฌ้าง, ฌ้อง นอ อ ซื๊งเว๊ ซีง ลแพ ม ทไฌ๊ ล้างไท้ อ ซ้ะ ลู่ง ทอ้าทซ๊าง พี่ อ นี่ แม้ เว๊ นอ อกย้อง, ดี๊ ลู่ง อ ท ล้าง ซ้ะลูซ้ะไล้ะ กุ้เม้ง อกย้อง ปะ

เลวี​อ​ไฌ่ 3:16

ดี๊ โพล้งลื่งเท่ออคู ม เช้า ทลแพ อี้ง, ลู่ง ทลื่งล่าง, เก ทอาง, เก ทลื่งทาง เช้า ดี๊ มี, เก ท อ กลื่ง พี่ แบ กแช่แยว้ อ ซ้ะ, อซูอไย้ เลาพะ นอ, เก กแช่ยาเว อ เท่อ ล้อ

เลวี​อ​ไฌ่ 4:31

ดี๊ อ เว๊ ม แม้ไฆวะ อ ซู อ ไย้ ท่อง อ เลา, ด้องซุ้ พี่ อ แม้ไฆวะ ทลื่งทางแม้ฆู๊งแม้พุ้เท่อ นอ, ดี๊ โพล้งลื่งเท่ออคู ม เช้า อ ซู อ ไย้ นอ ลู่ง ทลื่งล่าง คู, เก ท อ กลื่ง พี่ แบ กแช่ยาเว อ ซ้ะ, โพล้งลื่งเท่ออคู ม แพล่ไฆวะ โพล้ง ล แฌ้ นอ อ ทเด้บ้ะ, ดี๊ อ เว๊ ม นี่แบ ท แพล่ไฆวะ ล้อ

อาโม 2:13

“อี้งเซ้อ, ก ม ชางเท่งล้าง แน้ ลู่ง น ทล่าง พ้า บี่ซุ้ดี๊ เลาะ พี่ โอ ฆวี้ ดี๊ บืงโพ่, ชางเท่งล้าง อ ซ้ะ

มาลาคี 1:14

กแช่ยาเว ซึ้คู ดูทึชองทึ ไจ้ะเว๊, โพล้ง แฌ้ฌี้ๆ, พี่ อ ทพูแฆ่ แพ๊ โอ อ ฌุ้พาง น๊างมู๊ง พ้า, ดี๊ นี่ อืงล้าง เว้ เท่อ, ดี๊ แม้นี่ ทพูแฆ่ พี่ ลฌี้ลแอว้ แบ, ลี้ เทว๊ เอะ ทอดูทึโท๊ทึกแช่ นอ, เกม๊า ทชูอ้า ล้าง โอ ดี๊ โพล้ง กไบล้ะกแบล นอ, อไฌ่บี่อี้ง, ก เก กจุ้แฆว้ ดูทึโท๊ทึ, ดี๊ กเม้งกแซ เก ท ยางแบซ้ะเม ลู่ง โพล้ง กุ้ชื้อกุ้ชะ ซีง ลแพ อซุ้อแกล้ พ้า ล้อ