อีซยา 42:10 - Northern Pwo Karen Thai Bible

¹⁰ เกม๊า ซ้ะอวีงแท๊ อ ซ๊าง เทว๊ เอะ กแช่ยาเว ซ้ะอวีงแท๊ อางปฆ้า กแช่แยว้, โอนี่ ลู่ง ฌางคูโคล๊งคู อ คี๊งทุ้ น ซื๊ง พี่ ลี้ ลู่ง ปางเล ดี๊ กเย่ ท พี่ โอ เว๊ อ พ้า นอ เลา ดี๊ ที๊งล่างค่างพ้า ปางเล พ้าไท้ะ, ดี๊ โพล้ง พี่ เปิ่งโอเปิ่งช๊อง พี่ นอ

อีซยา 42:10 교차 참조

1​ทกวิ้ไน 16:32

เกม๊า ปางเล, ดี๊ ทกุ้เม้ง พี่ โอ อ พ้า นอ, กุ้ซย้ะ เท่อ เกม๊า ไชะคูแน้พ้า ดี๊ ทกุ้ อ เม้ง พี่ อ โอ พี่ นอ, เฌ้เทิงลี่ง

ทอางปฆ้า 150:6

เกม๊า เท่อ กุ้เม้ง, พี่ อ แซทางแซล้าง นอ, อางปฆ้า ทาง กแช่ยาเว อางปฆ้า ทาง กแช่ยาเว

ทอางปฆ้า 33:3

เกม๊า ซ้ะอวีงแท๊ อ ซ๊าง, เทว๊ เอะ กแช่แยว้ เกม๊า โละกวี้ ทเด้งเซ๊อูงเซ๊ ลู่ง อพลี๊อเดว้, ล พ๊าฆ่าง ดี๊ ซองลี้ เท่อ ดี๊ ทเซิงมึซ้ะมึ

ทอางปฆ้า 40:3

กแช่แยว้ ชวี๊งล้าง แท๊ อ ซ๊าง ลู่ง จ นุ้พ้า เก แท๊ อางปฆ้าทาง ก กแช่แยว้ โพล้ง แอฌี่งแอฌ้อง ม แด เว๊, ดี๊ ยางแบซ้ะเม เว๊ ดี๊ อางกีล้างซ้ะ ดี๊ กแช่ยาเว

ทอางปฆ้า 65:5

จ กแช่แยว้ ลู่ง เฆ้อ ซีงลแพ, ก ทพ้องทพลิ้ อ ล่าง-เอ้อ น ไคล้ช๊า เฆ้อ ซีงลแพ, ดี๊ ทแม้พ้องพลิ้ ลู่ง ทไพ้ะทแม้, พี่ อ ล้าง ซ้ะเมซ้ะไพล้ กแช่แยว้ พี่ เก, มุ้คูทึฌางคูทึ เลาพะ, อ ทมื้งแล่ ดี๊ ปางเล พี่ อ ไย้โยะ ทึ อ ทมื้งแล่

ทอางปฆ้า 72:10

เกม๊า กเย่ กจุ้แฆว้, ลู่ง เว่ง ทาราชิ้, ดี๊ เก้าะคู ลแพ นอ เทว๊ ทแบ เกล๊าง เกม๊า กเย่ กจุ้แฆว้ ลู่ง เชะบา, ดี๊ ลู่ง เซ่บา เฌ๊โชะ ทเกล๊าง

ทอางปฆ้า 96:11

เกม๊า ทมุ้คู เซิงมึซ้ะมึ, ดี๊ ฌางคูโคล๊งคู ซ้ะอวีงซ้ะโทะ เท่อ เกม๊า ปางเล ดี๊ ทกุ้เม้ง, พี่ โอ อ พ้า นอ กุ้ซย้ะ เท่อ

ทอางปฆ้า 97:1

กแช่ยาเว ยู่แคว่แฌแซกต้าง เท่อ, เกม๊า ฌางคูโคล๊งคู ซ้ะอวีงซ้ะโทะ เกม๊า ฌางคู ปางเล พ้าไท้ะ, แอฌี่งแอฌ้อง นอ, เซิงมึซ้ะมึ

ทไจทางไฆวะ 15:1

ล พ๊า แย๊ นอ, โมเซ ดี๊ โพล้ง อีซลาเอง ซ้ะอวีง แท๊ ล ย่อง อี้ง เทว๊ เอะ กแช่ยาเว บี่อี้ง “จ ม ซ้ะอวีง แท๊ เทว๊ เอะ กแช่ยาเว, เมะเว๊ อ เว๊ น้า เท่อ ดี๊ อซยื๊งอซย้อง ลู่ง อดูอโท๊ อ เว๊ กว้ะ ล้าง กซี ดี๊ ซึ้พู กซี ปางเล พ้า

ทไจทางไฆวะ 20:11

เมะเว๊ ลู่ง มื่ง ฆู๊ง นี้ง พ้า นอ, กแช่ยาเว ไต้ล้าง มุ้คู ดี๊ ฌางคู, ปางเล ดี๊ ทกุ้ อ เม้ง พี่ อ โอ ลู่ง ทล่างทเกล้ พ้า ลแพ นอ, แบเด้าะ เมะ มื่ง เนว๊ นี้ง ล นี้ง พ้า นอ โอไปว้ะ, ทบี่นอ, กแช่ยาเว ชูฌี้ มื่งดืงเท่อ ล นี้ง อี้ง, ดี๊ อางกี ฌี้ มื่ง ล นี้ง นอ เก มื่ง นี้ง ลู่ง อฌี้อแอว้ นอ ล้อ

อีซยา 11:11

ล นี้ง แย๊ นอ, ทอดูทึโท๊ทึ กแช่ ม เยาฆ้าง อ จูง, เก คี๊งพ๊า ล พ๊า, บี่ซุ้ ม แม้นี่ ไท้ อ พู อ ลี้ง พี่ โอ ล้างลื๊อ ก้ะ เฌ๊ไท้ นี่ ลู่ง อะซีเรีย, เฌ๊ไท้ นี่ ลู่ง อีไย้ะ, ลู่ง ปะโร, ลู่ง คุ้, ลู่ง เอลาง, ลู่ง ชิ้นา, ลู่ง ฮามา ดี๊ ลู่ง ค่าง ปางเล พ้าไท้ะ

อีซยา 12:5

“เกม๊า ซ้ะอวีงแท๊ อางปฆ้า ทาง กแช่ยาเว เมะเว๊ กแช่แยว้ แม้ เท่อ ลู่ง อ ฌี้ทึแอว้ทึ เกม๊า ท ล ไฌ่ อี้ง เก ท ซีงแฌ๊ เฆ้ง ฌางคูโคล๊งคู

อีซยา 42:4

อ เว๊ ม ล ล้างเพาล้างแช่-อ้า, ทางลึ้ทางแล๊-อ้า แบ ท้อง ลู่ง อ เว๊ ม ต๊างทาง ท อเกิ้งอแบ ลู่ง ฌางคูโคล๊งคู อี้ง ดี๊ ที๊งล่างค่างพ้า ปางเล พ้าไท้ะ, โอคุ้แท๊ อ ทอางแม้เลา

อีซยา 44:23

โอ้, ทมุ้คู-เอ้อ, เกม๊า ซ้ะอวีงแท๊, เมะเว๊ กแช่ยาเว แม้ เท่อ อี้ง ฌางคูโคล๊งคู อ ท ล้างโอ้ โยะคิ้-เอ้อ, เกม๊า ซองลี้ เท่อ ทลู่ง-เอ้อ, เกม๊า กุ้ทาง เก แท๊ ทเคแกล้ ดี๊ เซง มื่งเทิง กุ้ เทิง ลู่ง ทเคแกล้ นอ ปะ เมะเว๊ กแช่ยาเว เทะนี่ไท้ ยาคุ้ ดี๊ ม นี่แบ ทฆี๊งทแล้ ลู่ง อีซลาเอง พ้า

อีซยา 48:20

เกม๊า ไจแดไฆวะ บาบีโลง เกม๊า ไจคุ้ซูงไฆวะ โพล้ง เคลเดีย เกม๊า โล้ล้าง ท ล ไฌ่ อี้ง ดี๊ ท ซองลี้ เซิงฆวี๊งซ้ะโย้, เกม๊า อางโล๊ไท้ คุ้ช๊องแน เท่อ เกม๊า โซ๊งทาง-อ้ะ ลี้ ท้อง มุ้คูทึ ฌางคูทึ ไจ้ะ บี่อี้ง, “กแช่ยาเว เทะนี่ไท้ อ เพล่ ยาคุ้ เย้า”

อีซยา 49:13

โอ้, ทมุ้คู-เอ้อ, เกม๊า แม้เซ๊ทาง ลู่ง เซิงฆวี๊งซ้ะโย้, ดี๊ ฌางคูโคล๊งคู-เอ้อ, เกม๊า เซิงฆวี๊งซ้ะมึ แดเทา โอ้, ทลู่ง-เอ้อ, เกม๊า กุ้ซย้ะ ดี๊ ท ซ้ะอวีงซ้ะโทะ เมะเว๊ กแช่ยเว นี่ แม้มึทาง อพูอลี้ง เย้า ดี๊ ม ย๊างซ้ะ อ โพล้ง พี่ แบ ท แคแน อ ซ้ะ

อีซยา 49:6

กแช่แยว้ ไจ้ะเว๊ บี่อี้ง, “พี่ น ม เก จ เพล่ นอ บี่ซุ้ ม โชะทาง ยาคุ้ อ ชื้อ ลแพ นอ ล้อ ดี๊ บี่ซุ้ เกม๊า อีซลาเอง พี่ โอ ล้างลื๊อ ก้ะ ซีง ลแพ, โอฌี้โอแอว้ ไท้ นอ แคว่-อ้ะ ม เก ท ลปี๊ลคี่ น้ะ กชุ้ ก ม เกม๊า น เก ทพ้าง เอะ กเย่ โพล้ง กุ้ชื้อกุ้ชะ บี่ซุ้ ก ทพ้องทพลิ้ ม ลี้ท้อง มุ้คูทึ ฌางคูทึ”

อีซยา 51:5

ก ทฌี้ทแอว้ นี่ เฌ๊ เบ้า ดี๊ ก ท แม้พ้องพลิ้ ไจทาง เย้า ก จูง ม ต้ะเซ๊ง โพล้ง กุ้ชื้อกุ้ชะ ลแพ นอ ที๊งล่างค่างพ้า ปางเล พ้าไท้ะ โอคุ้แท๊ เฆ้อ ดี๊ ช๊องมื้งแล่ เท่อ ดี๊ ก จูง

อีซยา 60:6

กเย่ เอ้า ลแพ นอ, ม เฌ๊ พ้องวะ แน้ ไบ้ะไชวะ เมะเว๊ เอ้า แพ๊ เฌ๊นี่ ลู่ง มีเดียง ดี๊ เอฟา โพล้ง กุ้แฌ้ โอ นี่ ลู่ง เชบา ม เฌ๊ อ ซื๊งเว๊ ลแพ นอ, ม เฌ๊โชะ ท๊อง ดี๊ กางยาง ดี๊ ม โล้ล้าง เท่อ, แบฆ้ะ ดี๊ กแช่ยาเว อ ท ล้าง อางปฆ้า ทาง

อีซยา 60:9

เมะเว๊ ค่าง ปางเล พ้าไท้ะ ม โอคุ้แท๊ เฆ้อ ทาราชิ้ อ คลี๊ง ม เฌ๊ วี่ง บี่ซุ้ เฌ๊ฌ้า น พู ลแพ นอ, เฌ๊ นี่ ลู่ง ค่าง ไย้ อ ซื๊งเว๊ อ จี้ ดี๊ อ ท๊อง ม เฌ๊ ดี๊-อ้ะ ปะ ลู่ง กแช่ยาเว น กแช่แยว้ อเม้งอแซ อ ฌ่าง ดี๊ ลู่ง อีซลาเอง อ กแช่แยว้ พี่ อฌี้อแอว้ อ ฌ่าง เมะเว๊ กแช่แยว้ ม เกม๊า เกทางเกโท๊ ล้อ

อีซยา 62:11

แคว่เซ้อ, กแช่ยาเว โล้ล้าง เท่อ ลี้ท้อง ลู่ง มุ้คูทึ ฌางคูทึ บี่อี้ง “เกม๊า โล้ เอะ ซีโยง อ พูมืง บี่อี้ง ‘อี้งเซ้อ, น ทพ้องทพลิ้ เฌ๊ เย้า แคว่เซ้อ, กแช่แยว้ อ รางวาง นอ, โอ ดี๊ กแช่แยว้ ล้อ ดี๊ กแช่แยว้ อ จูงเล้งคางเล๊ นอ, โอ ลู่ง กแช่แยว้ อ เมะแซ พ้า’, ”

อีซยา 65:14

อี้งเซ้อ, เฆ้อ ก เพล่ ม ซ้ะอวีงแท๊, เฌ๊ทาง นี่ ลู่ง ท เซิงมึซ้ะมึ แบเด้าะ น ซื๊งเว๊ ซีง ลแพ, ม กุ้ซย้ะ เท่อ, เฌ๊ทาง นี่ ลู่ง ทแช๊เซิงแช๊ซ้ะ ดี๊ ม ฌางอื้งฌางโทะ, เฌ๊ทาง นี่ ลู่ง ท น้ะเซิงน้ะซ้ะ พ้า

เซฟางยา 2:11

กแช่ยาเว ม เก อ ซื๊งเว๊ อ ท ล้าง ซ้ะเม เมะเว๊ กแช่แยว้ ม ดึ้ เกม๊า ฌางคูโคล๊งคู อ ท กโช้งกแช่ เลาพะ, ล้างฆวี่งล้างบ้าง ฌ้อง กเย่ โพล้ง กุ้ชื้อกุ้ชะ ลู่ง ปางเล พ้าไท้ะ ม ซย๊องล้าง อ ซ้ะ แบ้ทาง กแช่แยว้ โอนี่ ลู่ง ล แฌ้ๆ อ ล่าง โอ

ท​เน​โพล​ทาง 14:3

โพล้ง ล แพ นอ ชี๊เทิง ลู่ง ท ล่าง ชี๊น้าง ยู่แคว่ เท่อ ดี๊ เครุ้ ลี่ง ดื้ง ดี๊ โพล้ง เม้ง โพล้ง แซย่ ล แพ นอ อ เมะแซ พ้า, อซื๊งเว๊ ซ้ะอวีง ทาง แท๊ อ ซ๊าง พี่ โพล้ง อ แฌ้แพ ซ้ะอวีง เว๊ ล ซี น่าง แฌ้ แบ, โพล้ง ล ล้าง ลี่ง ไซ ลี่ง ม๊า แฌ้ พี่ อ แบ ท ฆวี้ นี่ ไท้-อ้ะ ลู่ง ฌางคู โคล๊ง คู เย้า ล แพ นอ ล้อ ซ้ะอวีง เว๊ ซี

ท​เน​โพล​ทาง 5:9

อซื๊งเว๊ซีง ซ้ะอวีง ทาง แท๊ อ ซ๊าง ไจ้ะ เว๊ บี่ อี้ง “น เก โพล้ง พี่ อ เกิ้ง ฮะ นี่ ไละ ทื๊ง ดี๊ อุ้พ้ะ ทาง ท อ แท๊ นอ อ ไฌ่ บี่ อี้ง น แบ ท แม้ ซี๊ง เย้า ลู่ง น ซวีง น ที๊ง นอ น ฆวี้ นี่ ไท้ โพล้ง กุ้ ชื้อ กุ้ ชะ กุ้ ที๊ง กุ้ ค่าง บี่ ซุ้ ม เทว๊ เอะ กแช่ แยว้