อีซยา 41:28 - Northern Pwo Karen Thai Bible

²⁸ แบเด้าะ ท่อง ก แคว่ เท่อ นอ, ล แด โพล้ง น่างแฌ้ แบ โพล้ง เนฌ้าโล้ฌ้า เท่อ ล โอ ลู่ง โพล้ง ลแพ อี้ง อ โป้ง พ้า แบ เมะเว๊ โพล้ง พี่ อ ไคล้ช๊า เท่อ ซี, พี่ ก อางจ้ะ เท่อ นอ

อีซยา 41:28 교차 참조

อีซยา 46:7

อ ซื๊งเว๊ ลแพ นอ, โชะทาง ทเค่งทฌ้าง นอ ลู่ง จื๊งแป คู, ฌ้อง ไท้ ยุ้ เว๊ อ ซื๊งเว๊ ช๊างล้าง เว๊ ลู่ง อ ล่าง โอ ลี้ง คระ, ดี๊ อ โอ เว๊ พี่ นอ ล้อ อ ไจแดไฆวะ พี่ นอ ล ซี แบ พี่ โพล้ง เฌ๊ กุ้ซย้ะ อางท่าง เท่อ ดี๊ ทเค่งทฌ้าง นอ, อ แม้ช้าอางช้า เท่อ ล ซี แบ ดี๊ อ เท่อ แม้ช้า-อ้ะ, เกม๊า พ้องไฆวะ ดี๊ อ ทน้ะทโน๊ง ล ซี แบ

อีซยา 50:2

แบ ทเม้งเล้, ท่อง ก เฌ๊ นอ, ล แด โพล้ง น่างแฌ้ แบ เฆาะ? พี่ ก กุ้ซย้ะ เท่อ นอ, โพล้ง ล โอ เซ๊ช๊า เท่อ น่างแฌ้ แบ? ก จูง พือ น้ะกชุ้, ท๊อง เทะนี่ไท้ เท่อ ล ซี แบ-อ้า? ดี๊ กไฌ่กแบ้ ม แม้พ้องพลิ้ เท่อ นอ, ล โอ แบ-อ้า? แคว่เซ้อ, ก ดึ้ เกม๊า ที๊ง ปางเล ซู๊งทาง ดี๊ ก ท แม้น้าแม้ฆ่าง ล้อ ก ดึ้ เกม๊า ที๊งกล้อง ลแพ นอ, เก แพะคูทเคแกล้ แยพู ลู่ง ที๊งกล้อง พ้า ล กล้องๆ, นอ, ล้างอืง น๊าอืง, เป๊งนี่ ที๊ง ล โอ แบ ดี๊ อ ซี๊งไฆวะ, เป๊งนี่ ซู๊โอ้ซ้ะที๊ง

อีซยา 59:16

กแช่แยว้ แด เว๊ ล โอ น่างแฌ้ แบ ดี๊ ล้ะ แบ อ ซ้ะ, พี่ โพล้ง ล โอ อางโฆอางแย๊ เท่อ คิ้ อ ฌ่าง น่างแฌ้ แบ ฌ้อง กแช่แยว้ อ จูง แด เว๊ นอ, เฌ๊โชะ ทน้าทฆ่าง เอะ กแช่แยว้ ดี๊ ทแบกแช่แยว้อซ้ะ นอ, อางกีดูอางกีโท๊ ทาง กแช่แยว้

อีซยา 63:5

ก แคว่ เท่อ, แบเด้าะ โพล้ง ล โอ แม้ช้า น่างแฌ้ แบ ท ล้ะ แบ ก ซ้ะ, แบเด้าะ โพล้ง ล โอ โชะทาง แบ เฆ้อ ก จูง แด เว๊ ล้อ, เฌ๊โชะ เอะ เฆ้อ ท แม้พ้องพลิ้ ดี๊ ก ท ซ้ะทาง นอ, โชะทาง เฆ้อ

อีซยา 65:12

ก ม คลุ้ล้าง น ซื๊ง ซีง ลแพ เกม๊า เอะ น้ะ ดี๊ น ซื๊ง กุ้แฌ้, ม แบ โคะฌืงล้าง ซ้ะ ดี๊ โพล้ง แม้ซี๊ง เท่อ เป๊งนี่ พี่ ก กุ้ เท่อ นอ, น ซื๊ง ล เซ๊ช๊า แบ พี่ ก ไคล้ นอ, น ซื๊ง ล คุ้ช๊องแน แบ แบเด้าะ น ซื๊ง แม้ ท พี่ ออ้าอซ๊าง ลู่ง ก เมะแซ พ้า ดี๊ อางลึ นี่ ท พี่ ก ล ซ้ะอวีงซ้ะโทะ-อ้ะ แบ”

ดานีเอง 5:8

ฌ้อง กจุ้แฆว้ อ โพล้งซีงแฌ๊แน่ฌ๊าเท่อแอ ลแพ นอ, เฌ๊ฆ้าง เลาพะ, แบเด้าะ อ ซื๊งเว๊ พ้ะ ทกวิ้ล้าง ฌี้, ปเล๊ เว๊ อ โค๊ เอะ กจุ้แฆว้ ฌี้ นอ ล ซี แบ