อีซยา 40:15 - Northern Pwo Karen Thai Bible

¹⁵ อี้งเซ้อ, กเย่ โพล้ง กุ้ชื้อกุ้ชะ นอ, บี่ซุ้ดี๊ ที๊ง ล ช้าง ลู่ง ทโด้ง ล้อง ดี๊ ทื่ง-อ้ะ เก บี่ซุ้ดี๊ ท อมูงอมวี๊ง ลู่ง เยว่ คู แคว่เซ้อ, กแช่แยว้ พองพี่งทาง เก้าะคู ลแพ นอ, บี่ซุ้ดี๊ ฌางคูมูง ล้อ

อีซยา 40:15 교차 참조

ทอคางไท้ะ 10:5

ลู่ง โพล้ง ลแพ อี้ง อชื้ออชะ พ้า นอ, โพล้ง ค่าง พ้า, ลู่ง ปางเล คื่อ พ้าไท้ะ นอ, ลี้ ไย้ทางเล่ทาง ลู่ง อ ซื๊งเว๊ อ ที๊งล่างค่างพ้า, ล แฌ้ๆ, โอ ดี๊ อ คว่าง แด เว๊, โอ ดี๊ อ ชื้อ แด เว๊, โอ ดี๊ อ ดอง แด เว๊ นอ ล้อ

ทอางปฆ้า 62:10

อางกีล้าง ซ้ะ ดี๊ ทแคแนแคแก้ ล ฌี้ มื้งแล่ โปล้ เท่อ, ดี๊ ทตมละตเช ล ฌี้ ทโอทช๊อง เมะ แอทาง นอ, อางกีล้าง ซ้ะ ดี๊ เท่อ อ นอ ล ฌี้

ทอางปฆ้า 62:9

โพล้งซยางพู นอ, เก ที่ ลี้ง แซทางแซล้าง นอ ล้อ โพล้งทโอทช๊อง นอ, เก ทอางโล๊ เมะ พี่ เค๊งดุ้-อ้ะ นอ, อเว๊ ดี้งทาง อเว๊ โอซยอง โละซ้ะ นอ, ฆวี๊งเละ ลี้ง แซทางแซล้าง ได้ะ

อีซยา 11:11

ล นี้ง แย๊ นอ, ทอดูทึโท๊ทึ กแช่ ม เยาฆ้าง อ จูง, เก คี๊งพ๊า ล พ๊า, บี่ซุ้ ม แม้นี่ ไท้ อ พู อ ลี้ง พี่ โอ ล้างลื๊อ ก้ะ เฌ๊ไท้ นี่ ลู่ง อะซีเรีย, เฌ๊ไท้ นี่ ลู่ง อีไย้ะ, ลู่ง ปะโร, ลู่ง คุ้, ลู่ง เอลาง, ลู่ง ชิ้นา, ลู่ง ฮามา ดี๊ ลู่ง ค่าง ปางเล พ้าไท้ะ

อีซยา 17:13

กเย่ โพล้ง กุ้ชื้อกุ้ชะ, แม้ เซ๊ อ ลู่ง ล้างว้างล้างซวาง, บี่ซุ้ดี๊ ที๊ง แอฌี่งแอฌ้อง อ ลู่ง แบเด้าะ กแช่แยว้ ม แม้น้าแม้ฆ่าง -อ้ะ, ดี๊ อ เว๊ ม ไจคุ้ซูงไฆวะ ไย้โยะ แบ ท โฌ๊ไจไฆวะ บี่ซุ้ดี๊ พี๊ซวิ้, พี่ แบ ลี้งอูง-อ้ะ ลู่ง ทลู่ง คู บี่ซุ้ดี๊ ทมูงทมวี๊ง พี่ อ ดี้งไฆวะ ลู่ง ลี้ง อ เมะแซ พ้า

อีซยา 2:22

เกม๊า ทื๊งแบนะแบ กโพล้ง ล้า ล ฌี้ พี่ โอ ที่ ลี้ง แซทางแซล้าง ลู่ง อ แน๊พ้า เมะเว๊ อ เว๊ อลื่งอฆวี้ โอ บี่จะเล้?

อีซยา 29:5

แบเด้าะ กเย่ นดีงนแด้ ลแพ นอ, ม บี่ซุ้ดี๊ ฌางคูมูง บลิ้ กมูงคลูง ดี๊ กเย่ โพล้ง พี่ อ ล้าง ซ้ะเม นอ, ม บี่ซุ้ดี๊ พี๊ซวิ้ เชงทางเชงล้าง ลชู่ลล่าง เฆาะ ดี๊ ล ทีงฆ่าง ล้อ

อีซยา 40:22

เมะเว๊ กแช่แยว้ โอ ลู่ง ฌางคูโคล๊งคู อ คู คว้างด้าง เช๊คู ดี๊ โพล้ง ฌางคูโคล๊งคู นอ, เก บี่ซุ้ดี๊ ทวี่ กแช่แยว้ เชิ่ง ทมุ้คู บี่ซุ้ดี๊ เชิ่ง ตไก้ยะ กางทะ เท่อ ดี๊ ย้างแย่ ทาง เว๊ บี่ซุ้ดี๊ เด้ ลู่ง ท เปิ่งโอเปิ่งช๊อง อ ฌ่าง

อีซยา 41:5

ที๊งล่างค่างพ้า ปางเล พ้าไท้ะ, แด เว๊ ฌ้อง นอ ซ้ะเม เท่อ ฌางคูโคล๊งคู อ คี๊งทุ้ นอ ว้ะ ตทูง อ ซื๊งเว๊ ลแพ นอ เฌ๊ เบ้า, ดี๊ เฌ๊ นึฆ้าง เย้า

อีซยา 59:18

กแช่แยว้ ม แม้ช๊าไท้-อ้ะ, บี่ซุ้ดี๊ อ ทไพ้ะทแม้ นอ เมะเว๊ ซ้ะทาง พ้ะดู ดี๊ โพล้ง พี่ โอเว้งโอก๊าง ดี๊-อ้ะ, ดี๊ แม้แกไท้ อดีงอแด้ กแช่แยว้ ม แม้แกแม้ช๊าไท้ ที๊งล่างค่างพ้า ลู่ง ปางเล พ้าไท้ะ

อีซยา 66:19

ดี๊ ก ม ช๊างล้าง ทแม้ไน ลู่ง อ ซื๊งเว๊ อซุ้อแกล้, ดี๊ ก ม โซ๊งทาง โพล้ง ลู่ง อ ซื๊งเว๊ อ โป้ง พ้า, พี่ อ พลิ้ ซี๊ง นอ, ลี้ ลู่ง โพล้ง กุ้ชื้อกุ้ชะ อ โอ, เมะเว๊ ลี้ ลู่ง ทาราชิ้, พุ้ ดี๊ ลู, (โพล้ง พี่ อ ค้ะ คลีง ซี), ลี้ ลู่ง ทูบาง ดี๊ ยาวาง อ โอ, เลา ดี๊ ลี้ ลู่ง ที๊งล่างค่างพ้า ปางเล พ้าไท้ะ, พี่ อ ลี้ ไย้ ไว้ะ ลู่ง ทล่าง พี่ ล แน่ฌ๊า แบ ก เม้งลื้อแซท้อง-อ้า, แด แบ ก ทฆี๊งทแล้-อ้า ได้ะแบ นอ, ฌ้อง อ ซื๊งเว๊ ม โล้ล้าง กฆี๊งกแล้ ลู่ง โพล้งกุ้ชื้อกุ้ชะ อซุ้อแกล้ พ้า

เยเรมี 10:10

แบเด้าะ กแช่ยาเว เก กแช่แยว้ ล้างเท่งล้างชิ้ ล้อ อ เว๊ เก กแช่แยว้ พี่ อ โอม๊า, ดี๊ เก กจุ้แฆว้ ล้างชู้ล้างแกย ท่อง อ ซ้ะทาง พ้ะดู นอ, ฌางคูโคล๊งคู เละโละว้ะแซย๊ ดี๊ กเย่ โพล้ง กุ้ชื้อกุ้ชะ นอ, ม โท่ง กแช่แยว้ อ ท ซ้ะทาง ล เก แบ

ดานีเอง 11:18

ลู่ง ไค๊ อ เว๊ ม แกยฆ้าง อ เมะ ลี้ ลู่ง เว่ง ปางเล พ้าไท้ะ, ดี๊ ม นี่ก้ะ เว่ง ตบลึ้ เว่ง, แบเด้าะ ซึ้คู ล แฌ้ ม แม้ไฆวะ อ ท ทื่งดู ล้างซ้ะ ดี๊ ม แม้นี่ ท ทื่งดู ล้างซ้ะ นอ แม้ช๊าไท้-อ้ะ

ดานีเอง 4:32

ดี๊ น ม แบ ท โฌ๊ไจไฆวะ ลู่ง กโพล้ง อซุ้อแกล้ พ้า, น ม โอ ดี๊ ทพูแฆ่ ลู่ง ทเคแกล้, น ม แบ อาง นาง ด้องซุ้ งู้, ท ม แม้ อ ซ้ะ โอ บี่ นอ ท่อง ชิ้ทาง เนว๊ ว๊าง, ท้อง ลู่ง น ม ไฌ่ ซีงแฌ๊-อ้ะ ซี บี่อี้ง, ท อ กแช่ พี่ อ ดูทึโท๊ทึ นอ โพะคอง กเย่ กโพล้ง อมื่งอบ้าง, ดี๊ เกล๊าง บ้างมื่ง ลแพ นอ เอะ โพล้ง พี่ อ เว๊ แบ อ ซ้ะ”

ดานีเอง 4:35

ลู่ง กแช่แยว้ อ ฌ่าง นอ, โพล้ง ฌางคูโคล๊งคู เลาพะ นอ ทื่ง-อ้ะ อลื่งอฆวี้ ล โอ แบ กแช่แยว้ แม้ เท่อ ท๊อง แบ อ ซ้ะ ลู่ง ซึ้พูมู๊ง ลู่ง มุ้คู อซุ้อแกล้ พ้า ดี๊ โพล้ง ฌางคูโคล๊งคู อซุ้อแกล้ พ้า ปะ โพล้ง แม้ โอโท๊ไฆวะ กแช่แยว้ อ จูง ล ซี น่างแฌ้ แบ ดี๊ โพล้ง อางจ้ะ กแช่แยว้ ล ซี น่างแฌ้ แบ ไจ้ะเว๊, “แม้ทเล้ น แม้ บี่อี้ง?”

เซฟางยา 2:11

กแช่ยาเว ม เก อ ซื๊งเว๊ อ ท ล้าง ซ้ะเม เมะเว๊ กแช่แยว้ ม ดึ้ เกม๊า ฌางคูโคล๊งคู อ ท กโช้งกแช่ เลาพะ, ล้างฆวี่งล้างบ้าง ฌ้อง กเย่ โพล้ง กุ้ชื้อกุ้ชะ ลู่ง ปางเล พ้าไท้ะ ม ซย๊องล้าง อ ซ้ะ แบ้ทาง กแช่แยว้ โอนี่ ลู่ง ล แฌ้ๆ อ ล่าง โอ