9 กจุ้แฆว้ แน่ฌ๊า ทโล้ แบฆ้ะ ดี๊ คุ้ อ กจุ้แฆว้ ทีฮะคา บี่อี้ง, “อ เว๊ ไจทาง เฌ๊ ดึ้ โละซ้ะ ดี๊-อ้ะ เย้า”, ดี๊ ท่อง กจุ้แฆว้ คุ้ช๊องแน เว๊ เย้า นอ, อ โซ๊งทาง โพล้งไคล้เดิงเท่อ ลี้ฌูง เฮเซคียา ดี๊ ไจ้ะเว๊ บี่อี้ง
อ เว๊ โซ๊ง โพล้งไคล้เดิงเท่อ ลี้ นึฆ้าง เว่ง พ้า, ลี้ฌูง อาฮะ กจุ้แฆว้ ค่าง อีซลาเอง
ม ไคล้ช๊า ค่าง ล ค่าง นอ อ โพล้งไคล้เดิงเท่อ บี่จะเล้? ไคล้ช๊า บี่อี้ง, “กแช่ยาเว นี่ ต๊างทาง ซีโยง ดี๊ กเย่ กแช่แยว้ อพูอลี้ง พี่ อซยางอน้ะ นอ ม แด ทล่าง โอคุ้ซูง ลู่ง ทล่าง พ้า พี่ นอ”
เอ๊, ที๊งล่างค่างพ้า ลู่ง ได้ะ พี่ อ เซ๊ ล้างลื่ง พี่ โอ พะไฆวะ ที๊งคุ้กล้อง
ดี๊ กแช่ยาเว ไจ้ะเว๊ บี่อี้ง, “ก เพล่ อีซยา ไจ โบลงโกง ดี๊ คาง โปล้ปลิ้ เก อช๊าอโท่ ซ๊าเนง, เก ทแม้ ซีงแฌ๊ ดี๊ เก ทแม้ไน เอะ อีไย้ะ ดี๊ คุ้
ฌ้อง อ ซื๊งเว๊ ลแพ นอ อ ซ้ะ ม ล้างท่อง, ดี๊ ฌางแช้ ลู่ง คุ้ อกย้อง, พี่ เก อ ทมื้งแล่, ดี๊ ลู่ง อีไย้ะ อกย้อง พี่ เก อ ซื๊งเว๊ อ ท อางปฆ้า
อี้งเซ้อ, ก ม ชวี๊งล้าง วีงแล้ ล เม้ง ลู่ง อล้องอย่าง พ้า, บี่ซุ้ อ เว๊ ม แน่ฌ๊า ทโล้โค, ฌ้อง ไท้ไท้ ลู่ง อ ที๊งล่างค่างพ้า, ดี๊ ก ม เกม๊า อ เว๊ ล้างเทะเค้า ดี๊ น้ะ ลู่ง อ กแช่ อ ที๊งล่างค่างพ้า ล้อ’, ”
